افيدوني ارجوكم

القدس تنادينا · 2012-01-27, 14:37

اخواني انا خاطب منذ سنة ونصف والان حاب ندير الفاتحة علما انني من اسرة بسيطة جدا لكن وضيفتي محترمة والحمد لله لكن منذ اكثر من شهرين وانا واهلي في اتصال مع اهل خطيبتي بغية تحديد يوم الفاتحة ثم العرس وهم يتماطلون ويؤجلون من غير سبب حتى اهلي ازعجهم الامر لانهم في كل مرة يقولون لنا سنتصل بكم لنحدد تاريخ الفاتحة لكن لا شيئ الان انا محرج جدا لهذا التصرفات
والغريب في الامر ان خطيبتي تريد ان نكمل المشوار ومتمسكة بي جدا لكنها لا تحرك ساكنا بحجةانها تخجل من اهلها حتى وان تصرفاتهم غير لائقة لا تستطيع التكلم معهم في الموضوع
اهلي تضايقو كثيرا من الامر ونا ارهقني الموضوع اكثر فلولا تمسكي بخطيبتي لكن تراجعت وبقناعة لان ه وبكل صراحة اسرتها اتعبتني كثيرا

علما انا راني مقيم في كندا

محمد...عبد النور · 2012-01-27, 14:44

السلام عليكم أخي
قل لأهلك يروحوا عند أهل خطيبتك في زيارة و يدوا معاهم هدية معينة للخطيبة و يستفسروا على كل الأمور و يستوضحوا الأمور مليح هذه أحسن قناة لمعرفة الأمر و بدون احراج و بطريقة دبلوماسية هههههههههه
المهم اللي فيها الخير ربي يقضيها
تقبل مروري
ســــــــــــــــــــــــــــلام

القدس تنادينا · 2012-01-27, 14:52

[quote=لذريق;8670924]السلام عليكم أخي
قل لأهلك يروحوا عند أهل خطيبتك في زيارة و يدوا معاهم هدية معينة للخطيبة و يستفسروا على كل الأمور و يستوضحوا الأمور مليح هذه أحسن قناة لمعرفة الأمر و بدون احراج و بطريقة دبلوماسية هههههههههه
المهم اللي فيها الخير ربي يقضيها
تقبل مروري
ســــــــــــــــــــــــــــلام[/q

كل مايريد اهلي الذهاب لهم لزيارة يرفضو الاستقبال ويقولو حتى نتصل بكم ولا يتصلو ا

محمد...عبد النور · 2012-01-27, 15:23

أخي اذا الأمر هكذا الكلام بين الرجال داركم ما يروحوش
الأفضل الرجال يتلاقاو و الأمر اللي كاين يبان و يسألوهم مباشرة علاش كل مرة مين نقولولكم ما تردوش و ربي يجيب الخير
الله يوفقك أخي و يقر عينك ببنت الحلال
ســــــــــــــــــــــــــــــــــلام

القدس تنادينا · 2012-01-27, 15:30

اقتباس:

المشاركة الأصلية كتبت بواسطة لذريق

أخي اذا الأمر هكذا الكلام بين الرجال داركم ما يروحوش
الأفضل الرجال يتلاقاو و الأمر اللي كاين يبان و يسألوهم مباشرة علاش كل مرة مين نقولولكم ما تردوش و ربي يجيب الخير
الله يوفقك أخي و يقر عينك ببنت الحلال
ســــــــــــــــــــــــــــــــــلام

بوركت اخي على النصيحة لكن الامر تعدى لرجال اقصد والد الفتاة في كل مرة يعطي موعد من اجل توضيح مايحصل ويخالف الموعد بدون حتى مايعتذر والله ماني فاهم حتى لما اسال خطيبتي مايحدث هي لا تعلم ونقولك حاجة تقريب عامين وانا خاطب والله مانعرف المرأة هذي كيفاش مدايرة شفتها مرة بخجل ومشيت في الموضوع لكن متمسك بها لالتزامها واخلاقها

جيهان13091991 · 2012-01-27, 15:59

السلام عليكم يا اخي استفسر من خطيبتك بالاك ناويين يبطلو و حابينها دجي منكم سما تكره انت و تبطل عليها و الله اعلم انا فهمتها هكا على خاطر مانشوف حتى في عذر عام و نصف يا ربي الفاتحة واش يستناو

محمد...عبد النور · 2012-01-27, 15:59

يا أخي بارك الله فيك واجه الأب نتاعها و شوف الأمر كيفهش
اذا حابين يزوجو بنتهم الله يبارك و اذا لا يخبروك فقط ما يخلوكش هاك
المهم ما تقوليش راني متعلق بيها بزاف هي و لا مكاش و زيد البنت في الدار و ما علابالهاش واش كاين ؟ ماشي نورمال ؟
اعرف الأمر و الا الله يجيبلك من جهة أخرى
الله يبارك بنات الحلال كاين فقط حوس ملييييييييييييييييييييييييييييح
ســــــــــــــــــــــــــــــــلام

أم لجيـن · 2012-01-27, 16:00

اولا اتاكد مع خطيبتك واش بيهم يدرو هكا ومبعد
حطهم في الامر الواقع (متكلمهم موالو )تفاهم دراكت مع خطيبتك تقوللها بلي راكم جايينهم في نفس اليوم
يعني باش ميلقوش اسباب لتأجيل
ربي يسرلكم اموركم ويجمعكم في القريب

القدس تنادينا · 2012-01-27, 16:10

بارك الله في الجميع لكن كل الاقتراحات الي قلتوها درتها وتكلمت مع باباها بنفسي واعطاني موعد وخالفو حتى دارنا كرهو منهم بكل صراحة انا ايضا فهمتها بلي حابين يبطلو وبغاوها تجي من عندنا لكن خطيبتي متمسكة بي ما يحزنني انها لا تواجه الامر مع امها اواخواتها بكل صراحة عمري ماشفت وحدة مخطوبة ماتقدرش تهدر مع امها في مصيرها حتى اصبحت اتحرج في علاقتي معها رغم انني في نطاق شرعي بمعناه والله من وراء القصد

~~chamam~~ · 2012-01-27, 16:22

اقتباس:

المشاركة الأصلية كتبت بواسطة القدس تنادينا

اخواني انا خاطب منذ سنة ونصف والان حاب ندير الفاتحة علما انني من اسرة بسيطة جدا لكن وضيفتي محترمة والحمد لله لكن منذ اكثر من شهرين وانا واهلي في اتصال مع اهل خطيبتي بغية تحديد يوم الفاتحة ثم العرس وهم يتماطلون ويؤجلون من غير سبب حتى اهلي ازعجهم الامر لانهم في كل مرة يقولون لنا سنتصل بكم لنحدد تاريخ الفاتحة لكن لا شيئ الان انا محرج جدا لهذا التصرفات
والغريب في الامر ان خطيبتي تريد ان نكمل المشوار ومتمسكة بي جدا لكنها لا تحرك ساكنا بحجةانها تخجل من اهلها حتى وان تصرفاتهم غير لائقة لا تستطيع التكلم معهم في الموضوع
اهلي تضايقو كثيرا من الامر ونا ارهقني الموضوع اكثر فلولا تمسكي بخطيبتي لكن تراجعت وبقناعة لان ه وبكل صراحة اسرتها اتعبتني كثيرا

هادي ساهلة ...كتلاقا باباها الصباح ..فالقهوة ....قال يا عمى فلان

انا حبيت ندير الفاتحة ...راهوا يقولك وعلاه ياوليدي ...تقولوا انت

والله ..اه اه اه

والله بصراحة ونحكى معاك سيريوا ...كاين بزاف ..عائلات محترمات ميحبوش يديروا الفاتحة حتى يحددوا موعد العرس يعنى الدخلة ..علاخاطرش ..بالفاتحة راهى مرتك شرعى ...والدخلات والخرجات تاعك ..تكتر مع الطفلة ....والله نحكى معاك من قلبى .

القدس تنادينا · 2012-01-27, 16:29

اقتباس:

المشاركة الأصلية كتبت بواسطة chamam

هادي ساهلة ...كتلاقا باباها الصباح ..فالقهوة ....قال يا عمى فلان

انا حبيت ندير الفاتحة ...راهوا يقولك وعلاه ياوليدي ...تقولوا انت

والله ..اه اه اه

والله بصراحة ونحكى معاك سيريوا ...كاين بزاف ..عائلات محترمات ميحبوش يديروا الفاتحة حتى يحددوا موعد العرس يعنى الدخلة ..علاخاطرش ..بالفاتحة راهى مرتك شرعى ...والدخلات والخرجات تاعك ..تكتر مع الطفلة ....والله نحكى معاك من قلبى .

سيدي انا راني في الغربة بعيد على الطفلة بالاف الكيلوميترات يعني شفتها مرة ومانيش رايح نشوفها ان شاء الله حتان العرس

~~chamam~~ · 2012-01-27, 16:31

اقتباس:

المشاركة الأصلية كتبت بواسطة القدس تنادينا

سيدي انا راني في الغربة بعيد على الطفلة بالاف الكيلوميترات يعني شفتها مرة ومانيش رايح نشوفها ان شاء الله حتان العرس

اه هكدا ....الطفلة ومواليها راهم شافولهم شوفة .....

انت راجل وانا راجل ..ادا انت كنت كيمة انا راجل ..هضرة وقص

السلام عليكم ...كاين ماكانش ...والنسوين راهم يطايشوا اوكى ...

محمد...عبد النور · 2012-01-27, 16:31

قول لوالدها باغي ندير العقد في البلدية و نهار الفلاني جيبها توقع
حطه في الأمر الواقع و مين تكلمه الأفضل تكون في جماعة و لا مع واحد باه تشهد عليه
ليا ما بغاش هو المسؤول
ربي ييسر لك أمرك و يكون في العون
ســــــــــــــــــــــــــــــــلام

فتـ حييةـاة · 2012-01-27, 16:37

ممكن ماهومش موجدين رواحهم ولا اوضاعهم ماتسمحش باش تستقبل ضيوف و اكل وشرب و فراش وووووو ضرك الناس راها تهتم بالمظاهر حتى خلاو الناس تكلف على رواحها ........
لا تسيء الظن اخي روح عندهم وسالهم بصراحة

~~chamam~~ · 2012-01-27, 16:43

اقتباس:

المشاركة الأصلية كتبت بواسطة amal2000

ممكن ماهومش موجدين رواحهم ولا اوضاعهم ماتسمحش باش تستقبل ضيوف و اكل وشرب و فراش وووووو ضرك الناس راها تهتم بالمظاهر حتى خلاو الناس تكلف على رواحها ........
لا تسيء الظن اخي روح عندهم وسالهم بصراحة

الفاتحة راهى فالمسجد ....يا ما ما ...ومكان والوا حنا عندنا فى ميلة

وقسمطينة وجيجل ...وسطيف ..وعنابة ...الفاتحة فالمسجد والعقد

فالبلدية ...وعشى خفيف لموالين الطفلة ...ولعريس هو ليستكلف بيه

يجيب لكرع تاع اخروف ..والديسير ...وحاجة خفيفة تاع الدهب .

.....اواه لحكاية هادي فيها ان واخواتها ....