موظف جديد يريد النصح

[مشكلتي]

هي في الحقيقة ليست بمشكلة لكن أردت ان آخد أرأكم كوني موظف جديد بمؤسسة عمومية حول الإندماج في العمل و العمال خصوصا إدا كان عمل المؤسسة حساسة لدرجة ما و كوني ليس لي خبرة في المجال العملي أحتاج نصائح من دوي الخبرة في هدا المجال
أنتظر مساعدتكم إخواني

[- بصمة خير -]

ربي يوفقك

و صلو عليه

[blackTears]

المشاركة الأصلية كتبت بواسطة مشكلتي

هي في الحقيقة ليست بمشكلة لكن أردت ان آخد أرأكم كوني موظف جديد بمؤسسة عمومية حول الإندماج في العمل و العمال خصوصا إدا كان عمل المؤسسة حساسة لدرجة ما و كوني ليس لي خبرة في المجال العملي أحتاج نصائح من دوي الخبرة في هدا المجال
أنتظر مساعدتكم إخواني

مبروك عليك خويا و تتهنى إن شاء الله
أنا كي بديت نخدم أول حاجة نصحوني بيها :
1- سرك ماتمدوا لحتى واحد
2- متنقد حتى واحد مازلت متعرفش العقلية و زيد تقدر تلقاهم فامي وحدة .
3- روح تخدم في الوقت و خلص في الوقت لا قبل و لا بعد .
4- متحكيش على داركم بزاف
5- مادام راك في بدايتك الخدمة لي يمدوهالك أخدمها متقولش لالا أتعلم قد ماتقدر بصح ميش على حساب خدمتك الأصلية يعني كي يعود عند وقت ساعدهم راك تحتاجهم .
6- خلي لسانك مليح مع الناس و ظريف
7- متخليش حوايجك فوق المكتب مازلت متعرفش العقلية .
ه\ه النصائح اللي جات في بالي الأن راني نزيدك متخممش وربي يوفقك و كشما تحتاج راني هنا

[الواثق]

نصيجتي ليك ابقى عامين وتتفرج برك يعني اخدم خدمتك وخلاص حتى تعرف العقليات وتعرف الزائد ولناقص وين راه وجامي تدخل لعمل على انك المصلح المنتظر لانك ستصبح عدو كل العمال والزم الصمت ماستطعت ............................بالتوفيق اخي

[هيام الجزائر]

مبروك عليك خيو بنسبة الخدمة نورمال مع الوقت تجيبها

[الامل في الله]

عندما تقوم بعملك ضع في تفكيرك ان اول رقيب لك هو الله
ادا واتتك فرصة لمساعدة المسكين فلا تبخل عليه سوف ياتي يوما و تجد من تيساعدك دون ان تطلب منه
لا تنتقد غيرك حتى لو كان يجر خطأه وراءه لأن هناك مرضى نفسانيين عملهم هو نقل الاخبار و زرع الفتن

[ناصرالدين الجزائري]

كان الله في عونك أخي في عملك الجديد ..

نصيحتي لك
إن كنت مسؤول على شئ فاحذر من الإمضاء على وثائق لم تقرأ محتواها و تفهمه جيدا .. و لا تتعامل بحسن الظن قبل امضاء الوثائق ... فالقانون لا يحمي المغفلين ..
و قم بعملك بشكل يرضي ربك ثم ضميرك .. بعبارة أخرى " حلل دراهم " ..

و بالتوفيق إن شاء الله ...

[aissa2008]

السلام عليكم

كما قال لك الاخ ناصر لدين

بما انك موظف جديد لا تخجل من السؤال حول العمل الدي تقوم به

ولا تمضي اي وثيقة الا بعد التاكد من صحتها

اكسب احترام رؤسائك في العمل والموظفين معك والوقت كفيل بان تندمح في العمل

ان يجب عليك ان تكون مركزا في عملك ، وبالتوفيق اخي

[اسيل]

ككل بداية رايح يكون الامر صعيب بالنسبة اليك راك فكرتني في اياماتي لولين تاع الخدمة كنت ملي نروح وانا نبكي ام دارو فيا كدا وكدا بصح مع الوقت اتعلمت وعت من القدم عندي 4 سنين ونصف خدمة . لازم تحفظلهم العقلية وتعطي لكل واحد هواه لكن ليس على حساب نفسك اخدم خدمتك ومتخليهمش يستعمروك وتعود كي الروبو ونصيحة اخرى احفظ سرك ليك ومتقطع في حتى موظف اسمع برك متجاوبش. وربي يوفقك

[جسور المحبة]

والله عجبتني هذي الكلمة تع اسمع وما تجاوبش صح لو كان غير تقول كلمة او راي في واحد يديرو لك بيه سيناريو امالا احذر انا تاني كي كان عندي ستاج في السبيطار كنت ندير هكذا ما نتكلم حتى في واحد وما نكثرش الهدرة الزايدة ونحترم الكل ونسقسي لي ما نعرفهاش والله غير الشاف نتاعهم ولا يشكر فيا وحتى على المهارات
وحاجة مهمة دكروها الاخوة هي الامضاء حذاري تمضي بلا ما تقرا
وما تقلقش روحك وافرض روحك عن طريق قوة شخصيتك واخلاقك وجديتك في العمل وربي يوفقك

[ام ايمان16]

اعطيك نصيحة قدموها لي في العمل لما بدات العمل
قالو لي احفظي 3 نتاع الميم يحفظوك...معنى 3نتاع الميم هو انك ماشفت ماسمعت ماهدرت

وربي يوفقك لما فيه الخير

[نرجس جود]

في البداية اخدمي خدمتك وشوفي كيفاش التعامل والجو ومن بعد \الك يكون سهل عليك الاندماج

[abdel02]

كل واحد مدله غوستوه.

[شهرزاد الرمال]

مبروك عليك وأنصحك بأن تحفظ السر ولا تكثر من التجمعات داخل المؤسسة ودعك من كثرة الكلام ودائم إستشر قبل أن تعمل شي ولا تدع المعرفة وفي الأخير بالتوفيق ولا تنس كل ما تفعل من خير سوف تلقى إلا الخير توكل على الله

[بوعرفة]

مبروك عليك اولا
اساس اي سيئ هو المعاملة الحسنة