بهدلو بينا

algeria6128 · 2011-12-17, 18:24

السلام عليكم ورحمة الله وبركاته
-
-
انصدم الجميع كثيرااا للمستوى الجزائري في الألعاب العربية في قطر فبع ان كانت الجزائر رائدة في هدا المجال عربيا اصبحت بلدا ضعيفااا و المهزلة راهي في قطر
فلمادا هاد المستوى الضعيف برأيكم
الا يجب ان نقتدي بتونس الشقيقة التي عينت طارق دياب رجل رياضة له تاريخ عريق كوزير لشباب و الرياضة
الا يجب ان نقوم بثورة ضد وزارة الشبيبة و الرياضة

ارجووو المشاركة من الجميع

ASSIF BLANC · 2011-12-17, 19:28

السلام عليكم.
لعلمك لقد احتلينا المرتبة الرابعة عالميا في ....... هل تعرف في أي مجال............طبعا في حوادث المرور، وطبعا مرتبة أخرى مشرفة لكن في الفساد، يا أخي وين بانت الرياضة مع الاقتصاد والعلم والعدالة والأخلاق و ....

سيفاو · 2011-12-17, 19:48

كما قال الاخ اعلاه
اصبحنا نحتل المراكز الاولي عالميا في حوادث المرور
والمراكز الاولى في السرطان والسكري والضغط الدموي

وزيرة بمرتبة" حمار" على رأس الثقافة
وزير للرياضة لايعرف حتى تركيب جملة مفيدة
وزير للحكومة سابق يرشح رئيسا للجزائر لعهدة رابعة وهو على مشارف الموت
وووووووو

نحتاج الى ثورة جذرية في كل شيء تعيد للجزائر هيبتها

اللهم اصلح احوالنا واحوال هذا البلد

algeria6128 · 2011-12-18, 18:29

والله عندكم حق
بارك الله فيكم ورجزاكم الف خير

أبو معاذ محمد رضا · 2011-12-31, 23:47

ما يبهدلو بيا ما نبهدل بيهم
ما نعرفهم ما نسمع بيهم.

djfr · 2012-01-01, 10:45

كل واحد ينسلخ وحدو

tarek1987 · 2012-01-01, 12:26

هذا في الرياضة حبذا لو نتكلم عن مراتبنا في العلم والمعرفة اليس أسوأ من الرياضة بكثير
سلام

souna02 · 2012-01-01, 14:02

صح والله غير التبهديل الدولة خاسرة الملايير الممليرة وحتى واحد مراه حاكم الاختصاص انتاعو ولكن الغيير عمرو مايكون بالثورة

ridere · 2012-01-01, 15:54

انا معاكم في كلش الا مسالة رئيسنا ربي يخليه لينا و يطول في عمرو و اشفاو على اليوم الي را ح يروح فيه هو واش راح يصير لهد البلاد و ماكلاش نقلكم واش دار . روحو ابحتوا درك تعرفو نقلكم غير شوفو الفرق بين 1996 و در ك كنا الراجل يخرج من داروا على 7 .........ربي يهدينا و يصلح فينا لازم نبدوا التغير من انفسنا اولا لانوا لا يصلح المجتمع الا بصلاح الفرد.

karimosta · 2012-01-01, 16:04

اقتباس:

المشاركة الأصلية كتبت بواسطة ridere

انا معاكم في كلش الا مسالة رئيسنا ربي يخليه لينا و يطول في عمرو و اشفاو على اليوم الي را ح يروح فيه هو واش راح يصير لهد البلاد و ماكلاش نقلكم واش دار . روحو ابحتوا درك تعرفو نقلكم غير شوفو الفرق بين 1996 و در ك كنا الراجل يخرج من داروا على 7 .........ربي يهدينا و يصلح فينا لازم نبدوا التغير من انفسنا اولا لانوا لا يصلح المجتمع الا بصلاح الفرد.

هادا ما تعرفوا غير لا يرحم والديك هاد الهدرة راهي ساكنتلي في راسي تاع في التسعينات على ندخلو لدار يا خويا رانا 2012 الله يرحم باباك هدر هدرة شابة ولا سكت

الحارث · 2012-01-01, 17:19

يا اخي بارك الله فيك

لو حاز الوفد الجزائري على المرتبة الاولى لكان لكان هذا الانجاز من برنامج فخامة ريس الجمهورية

لكن ما دام كما قلت بهدلو بينا اذا بالطبع سيكون اللوم على الشعب والمسؤولين المحليين

ايوب ناصر · 2012-01-05, 23:21

يعطيك الصحة لاثارة الموضوع شكرا.....

hayet17 · 2012-01-06, 11:58

الموضوع مثير لو كان فيه طرح موضوعي للاشياء ونقاش يؤدي بنا مثل ماقلت الى معرفة الاسباب
لا الى السباب
لازم نعرفو كيفاش اولا نصلحو من انفسنا
شوفو الردود تعرفو قيمة الجزائري
علاش حتى نوصل نحكي على وزيرة التقافه اللي هي بشر من خلق الله بهكذا نعت
ارواحو قبل نصلحو في القيم الاخلاقيه والشخصيه نتعانا
واش دخل الثورات يا ناس.؟ علاش باش نغيرو لازمنا ثورة
واللي قال بلي تونس قدوة نتحذى بها في تعيينها لطارق دياب وزيرا
يا اخي مسيو طارق صارلو زوج سمانات من عينوه كيفاش قدرت تعمل منو قدوة
موضوعك اخي جميل لولا....... الردود التي لم ترقى الى مستوى الحوار والنقاش الجاد
كيف لم ينتبه مشرف هاته الصفحة على كلمة'حمار اعزكم اللله
وكيف لم تتدخل انت يا كاتب الموضوع لتنظيم الجلسة والحوار وتفعيله