كلافوتي الجريوات ساهل وشحال بنين

[اميريم19]

السلام عليكم

كلنا نحبوا الوصفات السهلة، اللذيذة، الاقتصادية، السريعة والصحية راح تلقاو في هذه الوصفة كل المواصفات المطلوبة
كنت نحصل واش ندير بالجريوات ماكنتش نعرف بزاف الوصفات بيها فرحت لموسوعة الطبخ في العائلة اختي منى وكالعادة سلكتني واعطتني بعض الوصفات من بينها وصفة الكلافوتي نديرها منذ زمن وحبيت نعرفكم عليها

المقادير
3 او 4 حبات جريوات متوسطة او حسب افراد العائلة تقريبا حبة لكل فرد
2 م ك زيت
ملح فلفل اسود
كاس حليب
3 بيضات
جبن ابيض تاع الميزان حسب الرغبة
جبن مبشور

التحضير
نحط2 م ك زيت يسخنوا مانكثروش الزيت على خاطر ماناش رايحين نقليو الجريوات فقط نذبلوها ثم نضيف الجريوات مقطعة مربعات ملح فلفل اسود ونحركوا مرة على مرة حتى تذبال مليح ثم نطفيو

نحضر الخلطة تاعي نحط الحليب البيض الجبن ملح وفلفل اسود مانكثروش الملح لان. ملحنا الجريوات وكاين الفرماج
نخلط بالخلاط اليدوي او الفرشيطة
]
نحط الجريوات في صحن الفرن كبير او قوالب فردية ونعمروا الثلث فقط

نضيف الخليط الى 3/4 القوالب لانه راح يتنفخ


نطيب في فرن ساخن مدة 15 الى 20 دقيقة ونضيف الجبن المبشور في 5 دقائق الأخيرة
لما تنشف نطفي ونقدمها دافئة وفي اقل من ساعة عندك طبق بريزونتابل وبنين وبالصحة