اذا راني غالطة قولولي ؟؟؟؟؟؟؟

[مشكلتي]

السلام عليكم و رحمة الله
انا فتاة عمري 21 سنة تعرفت على شخص منذ ثلاث سنوات و ما زلنا لحد الان فاليامات الاولى اللي عرفتو قالي بلي كان معا طفلة و هي جارتو و حبس معاها قريب عام و نص و لكن المرة الاخيرة و بسبب عمله يغيب بزاف على الدار تاعهم و هادي المرة كي راح بدات تحوس عليه قالي و انا قلت يحبني و كامل ما نضنش يدير حاجة معاها و انا بعيدة عليه فالمسافة يعني بين دارهم و دارنا و البارح كنت نهدر معاه فالبوغتابل و فجاة جا ليه وليد خالتو مع العلم انو وليد خالتو و هو يخدمو في منطقة وحدة و بداو يهدرو و هو نسا بلي انا ما زال ما كوبيتش مالغري راني شاكة ماشي سور بلي دارها بلعاني و بدا يهدر عليها و يقولو شفتها و جات ليا مي ما قالوش كلش انا كي عاود هدر معايا قتلو خدعتني و ما تحوسش عليا من اليوم و طفيت البوغتابل كامل و مشعلتوش ما فهمتش ادا راني ظالماتو كي ما فهمتش واش صرا سور مي بقات في بالي بلي خدعني ادا راني غالطة في حقو انصحنوني بواش لازم ندير و الله يجازيكم ان شاء الله ....

[anoire-bec]

واش داك تكوني معاه من الاول ؟؟؟؟اللي يحب طفلة يعرف باب دارها علاه يدور و يدور و انت عطيتيه الفرصة

[بصمة قلم]

السلام عليكم ورحمة الله وبركاته
يا بنتي راكي ظالمة روحك ماظالمةحتى واحد
تلمي في الذنوب باطل وتغضبي في ربي عليك
وعلاه عليك هادا كل ؟؟؟؟ باه تزوجي زعمة؟؟؟
مكتوبك تديه ولو بعد حين
وكي يعود هادا السيد ماهوش مكتوبك كون تلسقي فيه بيديك وسنيك ماتديهش
مالا علاه هاد الشي كل ؟؟؟؟
أخطيك يا بنتي من هادا لحكايات وعوض ماتفكري ظلمتيه ولالا
فكري كيفاه توبي باش ربي يغفرلك ذنوبك

[sara.info]

إقطعي علاقتكي به نهائيا .....................و إذا كان فعلا يحترمك و يقدرك ....فاليدخل البيوت من أبوابها .............

[/زهرة عصفور الجنة/]

للأسف اختي انت مخطئة في حق نفسكي وف حق الله انت في علاقة محرمة مع هذا الشاب انصحكي قولي له ان أراد الزواج بكي فاليخطبكي وان كنت من الاول غير واثقة فيه فكيف ستثقين به بعد الزواج؟

[وهاب 76]

ذكرتيني بتلك الراقصة التي قالت لشيخ داعية " أدعو لي يا شيخ أنني أوفق في عملي ( الرقص ) "

يا أختي الحلال بيين و الحرام بيين...... راكي غالطة 100بـ 100


الله يهديك و يهدينا

[ياربي اني راضية]

اكي غالطة بصح في حق روحك
اختي الكريمة 3سنين واش قاعد ادير احوس عليك اجي للدار
مع انو الرجال قليل مايتزوج بوحدة امشى معاها وادا اداها يغاق عليها وتكره النهار الي كانت فيه معاه

[kamel76]

لا أنت لم تظلميه .أنت ظلمتي نفسك بالحديث مع أجنبي عنك , أنت ظلمتي نفسك بإقامة علاقة غير شرعية مع شخص أجنبي عنك ,أنت ظلمتي نفسك لما كسرت حياءك .
فانصحك بتقوى الله و التوبة و قطع العلاقة نهائيا مع هذا الشخص أو غيره و اصبري حتى يأتيك نصيبك .

[miri_27]

و الله ياعزيزتي اديها من عندي نصيحة الي يحبك يجي لوالديك ماكانش فوقها و خمي و ليام راهي تمر و جربي حظك و قوليلو هذي الكلمة إذا صح باغيك يجي ليك.

[عُضو مُحترم]

ايه راكي غالطة

اعيدي حساباتك

و ارجعي للطريق الصحيح

[blackTears]

يا أختي
منيش رايحة نزيد حاجة كبيرة على واش قالو الزملاء و إنما 3 سنين و متعرفيهش و الدليل شاكة إلى كان يخدع فيك ؟
أكيد رايح يقولك مخنتكش بصح هل تثقي في كلامه ؟

[الوليـــــد]

Histoire d'amour jetable

[ورود الشتاء]

يا طفلة اتقى الله اتقى الله يعنى متعرفيش شباب الزمان هدا واش داك لهادا من الاول انصحك اختى متزيديش تهدرى معاه و بالاحرى متزيديش تديرى غلطة كيما هادى ننصحك اختى رانى نهدرلك فى صلاحك ليشتا يغيضك الحال نورمال المهم صلاحك انا اختى ربما اقل منك لكن انا على يقين ان هذه الاشياء محرمة وو احد ما يلعابهالى و هاده العلاقات التافهة راكى ظالمة روحك مظلمتى حتى واحد كون جا خطيبك نقولو عندك الحق لكن غير ذلك اختى انت على خطا تام من الاول لانك عملت معه علاقة سامحينى اختى على درى لكن رديت عليك هكدا بدما با تفطنى مع روحك

[مريم الصابرة]

السلام عليكم اختي انا ما نفتيلك ما نقولك لا حلال ولا حرام نقولك باللي كي سمعتيه يعني دليل قاطع مي بالاك فهمتي العكس أنا نظن إسمعيه وشوفي واش يقول ومن بعد إنت قرري المهم تسمعيه وما تبقايش في حيرة ربي يوفقك ويا جماعة رانا عارفين باللي الطفلة ما يجزولهاش تحكي مع واحد راهي كبيرة وتعرف صلاحها مي رانا فتنا بهذي الطريق وربي هدانا وربي يهديها إن شاء الله ويعدي الجميع شكرا

[- بصمة خير -]

نقولك دراها بالدمة باش تسمعي و تبطلي انت ماشي هو

باش ماتبكيلوش كي يقولك خلاص اللي بيناتنا

و راكي عالطة 100%

سبحان الله تنقاهو 14 سنة و مصاحبين و يقولولك نظمنو المستقبل لاحول و لا قوة الا بالله
مرة حد مايديها حد

ربي يوفق و صلو عليه