مشكلة اختي

[مشكلتي]

السلام عليكم
مشكلة اختي هادي و نحكيها من الاول و ياريت تعاونوني
تعرفت اختي "عمرها 24 سنة و تدرس مات انفورمتيك "على واحد اسباني "26 سنة " كي زرنا دار جدي فالمغرب من عامين و من داك الوقت و هي تحكي معاه ليسونسيال انا و امي نصحناها تبعد خير ليها بصح هي راسها يابس حتى الطفل هذا جا للدزاير شحال من مرة على جال يشوفها ليسونسيال مبعد اكتشفت بللي راهو من هاذوك اللي ماعندهمش ديانة " ملحد ولا كيفاه يقولولهم " بعدت شوي مبعد رجع يعيطلها و..
ومبعد حاب يخطبها جات امو و هي مغربية عايشة في اسبانيا حكات معاها بصح مستحيل على خاطر ماهوش مسلم و بعد مدة "شهرين و نص " رجع و اسلم هنا فالجزائر و رجعت أمو حكات معاها .قالت اختي للطفل هذا اختي احكي مع بابا ليسونسيال كي بابا كي خاوتي رفضوه رفضا تاما حتى بابا قالها لوكان تدي هاذا ماكيش بنتي على خاطر هذا قلتيلو ادخل الاسلام ماشي قلبو اللي اقتنع و مانمدش بنتي للاسباني و الحضارة و التقاليد و كيفاه تعيشي و شوفي كيفاه لابس و موشم و.. و..و..و.. اختي و الطفل هذا راح يمرضونا هو ماحبش يروح و يخطينا لصق كي المرض " مايعرفش حتى يهدر العربية مليح ؟؟"
و هي مالقيناش معاها حل مرة تقول ننتحر و مرة تقول نروح معاه كل مرة كيفاش. ديناها للراقي ماكان ديناها للطبيب ماكان تقول هبلها و لا نومها مغناطيسيا ماعلابالهاش غي روحها واش تدير و امو مرضتنا كرهتنا في حياتنا تعيط لامي و تقولها واش دارت بنتك لولدي راه هبلو ماحبش يرجع للدار و سحرتوه ...
في دارنا مابقاش معيشة من المشكل هذا بابا ديما يتقابض مع ماما يقولها ريقلي بنتك لا نقتلها و خاوتي راح يهبلونا انا و هي و اختي الصغيرة

[ريكا ايموا]

3ilaj nta3 problm howa
min bnt rahi haba wald wbabaha ma9blch
mn b3d mardat hadi tafla w..étt
tsafi rahi haba tatjawz b wald
wlaho a3lam
خويا هادا هو تخمامي شوف بلاك يعرفوا خير مني في ردود
+@

[سجل أنا جزائري]

في رأيي زوجها و تهناو منها

خير من ديرلكم كاش فضيحة في الدار

راهي كبيرة و مسؤولة على أراءها

كي تعيش معاه اي تفيق لعمرها

[صُبح الأندلس]

سبحان الله و هل اطلعوا على قلبه و رأوا إن كان إسلامه صادقا أم لا ؟ لعلكم كنتم سببا في دخوله الإسلام و هدايته فلا تكونوا سببا في رجوعه إلى إلحاده
مادام أسلم فهو يحل لها ، سبحان الله أيهم أحسن أن تتزوجه و تتحمل كامل المسؤولية أم تهرب و تجلب لكم العار أو تنتحر ؟
ملاحظة : لا تقولوا تعاطفت معه لأن فيه دما قد يكون أندلسيا

[نجمة ساطعة]

شكون سحر شكون .... حلها لازم تزوجوهم و هوما يدبروا راسهم

[ريتاج انوشة]

الحداثة حلها باين زوجوهالو خير ما يكبر المشكل وتعودو في حوايج أخرى لا قدر الله ما تلقاولهاش حل أفرضي راهي دارت في روحها كاش حاجة ممباعد باباك كيفاش راح يعيش مع عذاب الضمير وكيما قال الأخ وليد راهي كبيرة وتعرف ما يصلح بيها معادش تحتاج شكون يوجها وفي الأخير هاذي مجرد آراء لأنه الحاجة الكاتبة راح تصرا

[جيهان13091991]

ana jatni normal lsl dkhal lal islam sama aw yhalalha w man déja rabi gal lmouslim mich ljazayri wala l3arabiya mathamach jinsiya ta3o lsl mouslam + dgouli l3a9liya ay ta3arfo w khaltato sama hadi matkhafach manha hiya haja wahda tbadlat brk wma3andha hata ta2tir fi 3a9liyto ano dkhal lal islam , ana banatli madouhalou khir matahrab ay capable 3la hasb wach goulti tahrab

[مريم الصابرة]

السلام عليكم أختك ادات اجر عند ربي كانت السبب إنوا الراجل خذا دخل الإسلام وزيد شكون عندوا الحق باه يغرف إذا التوبة نتاعوا من قلبوا وإلا لالا وراهم يحبوا بعضاهم خلوها تتزوج بيه وهي حرة راه يدير كل شي جالها ويجي من إسبانيا على جالها ما فهمتش والدك علاه رافضين من بعد من كثرة الضغط راحا يا تروح معاه يا تنتحر وتدوا ذنوبها من الاحسن يخلوها تتزوج بيه وربي اللي لاقى بيناتهم إنوما علاه دخلوا في رواحتيكم إن شاء الله ربي يعدي اهلك ويجمع بين أحتك والراجل هذا شكرا

[sara2012]

لا ارى مانعا في زواجهما اختي ؟؟

[anoire-bec]

مع والدك كل الحق في رفضه

[rafika1988]

اذا أسلم الشاب كما تقولين على الوالد ان يعطي الفرصة لهذا الشاب ويتكلم معه عن امور الدين وعادتنا وتقاليدنا واذا لا حظ تغير قد طرأ على الشاب بشكل لا يتنافى مع ديننا فليزوجه ابنته لكن هذا الامر قد يأخذ وقتا كبير ...

مجرد رأي

[nilly]

عمرها 24 سنة يعني مراهيش قاصر .نورمالموا متدخلوش رواحتيكم خلاص وثاني القانون نتاعنا دركا تقدر تتزوج بلا الوالي نتاعها يعني تقدر تتزوج بدون حضور الاب . انا لا ارى مشكلة قلتي بلي اسلم هذي حاجة مليحة من ملحد لا يؤمن بوجود الله من اساسوا الى الاسلام هذي حاجة كبيرة . الله احله لها وانتم لا تريدون ان تحللوه لها . بلاك راه مليح فالعقلية علاه حكمتم عليه بلي ماشي مليح بلاك راح تسعد معاه وماشي كامل جزائريين ملاح ومش كامل الاجنبيين ماشي ملاح .انا في رايي خليوها تتزوج بيه ولا زم تقنوع بابكم كامل والا سوف تجيبكم فضيحة كبيرة لكان تهرب معه واش راح يدير بابك ؟؟ تصوري هذا في بالك . واختك هذي كيما راني شايفة متعلقة بيه محال راح تخليه خليوها تدير رايها . وتوكلوا على رب

[Rolondo]

je suis avec le père

un pays différent , une culture différente , mode de vie incompatible avec la mentalité algérienne , et en plus une religion incertain ou on peut dire pseudo-islame pour une femme


ma vous méritez une vie plus belle que ça

je te conseil au fond de mon coeur TAB3I RAY BABAK

[احمد النمس]

انا نعرف قصة كيف كيف
كيما راكي تحكيها برك الشخص ماشي اسباني جزايري
عندي وحدة فاميلتي حبة واحد من ولاية اخرى خرجت معاه 3 سنين جاو خطبوها بزاف والو ماقبلتش كامل بيهم وهاد السيد لا خدام لا والو وزيد كان حارق ورجعوه ويسكر ويزطل وهي قعدت معاه مالغري علابالها بكلش كي جا خطبها المرة الاولى ماقبلوش والديها وما قبلوش خاوتها وهي راسها يبساته ورجعت دارهم كحلة على جال هاداك وحاولت تنتحر وقالتلهم لوكان مانتزوجهش نهرب مالدار عاود جا خطبها وافقوا ماعندهم مايديرو وراهي متزوجة صافي عام وعندها طفل غير كيما زيدت
بصح يا ختي دارت دارت وراهي كارهاته وكارهة هاديك الدار وندمت كامل ونزيد نقولك بلي في عام واحد جات للدارهم 2فوا الخطرة اللولبة قعدت تعريبا 3 أشهر والمرة الزاوجة قعدت 4 اشهر زيدت وراحت بالبسيف ماحبتش تولي للدارها لوكان ماشي الطفل
وغير البارح تيليفونات للدارهم قالتلهم راني حابة نولي
الوالدين هوما لي يعرفو صلاح البنات

[ريكا ايموا]

الله يهيدي كل مومنييين : ) ^^