فضيلة

[مولود حداد]

السلام عليكم ورحمة الله


جئتكم اليوم بقصيدة حول زوج في الجاهلية ولدت لهما طفلة هما يودون الاحتفاظ بها لكن الأعراف تقول بوأدها.




بَشْرُوهْ وْقَالُوا يَا فْلاَنْ *** هَاوْ جَاكْ مُولُودْ جْدِيدْ
خَلَّى كُلَّشْ وَجْرَا جَرْيَانْ *** وْهُوَ فَرْحَانْ بَزَّافْ وْسْعِيدْ
لْحَقْ لَلخِيمَة قَالْ يَا نَسْوَانْ *** وَاشْ عَنْدِي عُمَرْ وَلاَّ زِيدْ
جَاوْبُوهْ لاَ ذُوكْ وَلاَ سَلْمَانْ *** جَاتَكْ طَفْلَة عِينِيهَا مْوَاجِيدْ
قَالْهُمْ أبَدًا هَذاَ بُهْتَانْ *** زِيدُو شُوفُوا تْحَقْقُوا بَالتَأْكِيد
وْكِي تْحَقَقْ ثَارْ بُرْكَانْ *** قَالْ كِيفَاهْ العَارْ يْجِيبُو الصْنَادِيدْ
قَالْ غَدْوَا نَدْفَنْهَا وَلاَّ الآنْ *** لاَ تَلْحَقْنِي خَزْرَاتْ التَّنْدِيدْ
وَنْعَشِّي حْكَايَة بِينْ العُرْبَانْ *** بَعْدْمَا كُنْتْ قَايَدْ وْسِيدْ

زُوجْتُو نْطَقْ فِيهَا الحَنَانْ *** قَالَتْ وَشْ مَنْ دِينْ يْقَرْ التَّوْئِيد
هَذَا حُلْمْ سْتِينِّينَاهْ زْمَانْ *** وْكِي جَا نَجَعْلُولُو تُبْدِيدْ؟
حَكَّمْ عَقْلَكْ أجَعْلُوا مِيزَانْ *** وَاعْتَمَدْ اللِّين خَلِّي التَّشْدِيدْ


تْرَطَّبْ وَلاَّ تْلُو الحَنِّيَة *** وْعَقَّبْهَا تَخْمَامْ ذِيكْ اللِّيلَة
قَالْهَا يَا مْرَا وْكِيفَاهْ العَقْلِيَة *** قَاتْلُو مَا نَقَتْلُوهَاشْ نْسَمِّيوْهَا فَضِيلَة
قَالْهَا انَا مَنْ جِهْتِي مَاذَا بِيَا *** لَكَّنْ مَاكَانْ بَاليَدْ شِي حِيلَة
قَاتْلُو نَجَعْلُوهَا عَلَعْيُونْ مَخْفِيَّة *** هَكْذَا تْعِيشْ حْيَاةْ طْوِيلَة


خَلاَّهَا وْعْطَالْهَا مَالحَنِّيَة *** مَا يْمَدْ الأَبْ لْبَنْتُو
قَالْ وَالله حْرَامْ وْهَذِي أذِيَة *** ابْنَ آدَمْ يُوأَدْ فَلْذَاتُو
شَافْ حْلاَوَة مْلاَعْبَة البْنِيَة *** وْهِيَ مَتْمَسْكَة بِيهْ شَادَّاتُو
لَكَنْ قُوَّة الأَعْرَافْ كَانَتْ قْوِيَة *** وْلَحْنَانْ مَنْ قَلْبُو مْحَاتُو

عَاوْدَتْ حْيَاتْ فِيهْ ذِيكْ الجَاهِلِيَة *** نْتَاعْ الوَأْدْ القَسْوَة مَلْكَاتُو


رَاحْ أدَّاهَا لْوَسْطْ الصَّحْرَا *** وْسَلَّمْ عْلِيهَا زُوجْ تَسْلِيمَاتْ
وْبْدَا يَحْفُرْلْهَا فَالحُفْرَة *** وْهِيَ مْقَابْلاَتُو تَضْحَكْ بَالبَسْمَاتْ
مَاعْلاَبَالْهَاشْ وَشْ رَاحْ يَصْرَى *** وْاَنْهَا رَاحْ تْفَارَقْ لَحْيَاة
كَانَتْ ظَانَّة حَاجَة خْرَى *** لَكِنْهَا كَانَتْ نِهَايَة البْدَايَاتْ
قَالَتْ أَبِي هَذِي نَعْرَة *** وَشْ ذَنْبِي نَتْعَاقَبْ بَالمَمَاتْ
قَالْهَا هَذَا الوَاقَعْ وَلْحَقِيقَة المُرَّة *** فُوقْ طَاقْتِي هَاذْ التَصَرُّفَات
رْمَاهَا وْصَارَتْ التَحْتْ مَطْمُورَة *** وْرْجَعْ وَالنْدَمْ فِيهْ رَاسَمْ لَوْحَاتْ
مَرْتُو قَابْلاَتُو حْزِينَة مَتْحَسْرَة *** مَنْ عَيْنِيهَا سَالُو دَمْعَاتْ
قَالْهَا الأَمْرْ رْانِي قْضِيتُو فْرَا *** وَمَاليُومْ انْسَايْ اللِّي فَاتْ



أسألكم تغيض ولا لالا؟ أكيد كامل رايحين تقولو تغيض؟ الان:


زِيدِي نْتِي لِيفْ وْلاَمْ التَّعْرِيفْ *** وَانْتَقْلِي مَنْ جَاهِلِيَة لْجَاهِلِيَة
مَنْ قَانُونْ الغَابْ المُخِيفْ *** وْعِبَادَة الأَصْنَامْ الوَثَنِيَة
وْقَوِي يَاكُلْ الضَّعِيفْ *** لْقَتِيلَتْنَا حْنَا الحَالِيَة


الفَضِيلَة فْزْمَانْنَا كِيفَاهْ وَلاَّتْ *** الكُلْ يَضْرَبْ يَطْعَنْ فِيهَا
خَرَجْنَالْهَا شَهَادَة وَفَاة *** بَافْعَالْنَا اللِّي رَبِّي عْلِيهَا نْهَى
فُجُورْ فُسْقْ وَانْحِرَافَاتْ *** طْرِيقْ بْلِيسْ اللَّعِينْ عَبَّدْنَاهَا
وَافْتَقَدْنَا فَعْلْ الخَيْرَاتْ *** وَالرَّذِيلَة إِمَامْ نَصَّبْنَاهَا



وَقْتَاشْ نْتُوبُوا وْنَرَجْعُو لَطْرِيقْ *** الحَقْ الله العَالِي مُولاَنَا
وَقْتَاشْ نَفَطْنُو وَالنَّاسْ تْفِيقْ *** سِيرَتْنَا السَّابْقَة وِين ادَّاتْنَا
التُّوبَة شِي سَاهَلْ التَّحْقِيقْ *** إذَا اخْلَصْنَا صَحْ وَاعْزَمْنَا
مُحِيطْنَا يَصْفَى وْيْسُودْ الرْحِيقْ *** الرِّيحَة الزَّكِيَة العَاطْرَة تَغْمُرْنَا
وْرَبِّي بْقُدَرْتُو يَرْزُقْنَا التَّوْفِيقْ *** وْيجَازِينَا لْكُلْ فالآخِرَة بَالجَنَّة


أسألكم شكون اللي تغيض كثر فضيلة ولا الفضيلة؟

[صَمْـتْــــ~]

المشاركة الأصلية كتبت بواسطة حمادة77

السلام عليكم ورحمة الله

جئتكم اليوم بقصيدة حول زوج في الجاهلية ولدت لهما طفلة هما يودون الاحتفاظ بها لكن الأعراف تقول بوأدها.

بَشْرُوهْ وْقَالُوا يَا فْلاَنْ *** هَاوْ جَاكْ مُولُودْ جْدِيدْ
خَلَّى كُلَّشْ وَجْرَا جَرْيَانْ *** وْهُوَ فَرْحَانْ بَزَّافْ وْسْعِيدْ
لْحَقْ لَلخِيمَة قَالْ يَا نَسْوَانْ *** وَاشْ عَنْدِي عُمَرْ وَلاَّ زِيدْ
جَاوْبُوهْ لاَ ذُوكْ وَلاَ سَلْمَانْ *** جَاتَكْ طَفْلَة عِينِيهَا مْوَاجِيدْ
قَالْهُمْ أبَدًا هَذاَ بُهْتَانْ *** زِيدُو شُوفُوا تْحَقْقُوا بَالتَأْكِيد
وْكِي تْحَقَقْ ثَارْ بُرْكَانْ *** قَالْ كِيفَاهْ العَارْ يْجِيبُو الصْنَادِيدْ
قَالْ غَدْوَا نَدْفَنْهَا وَلاَّ الآنْ *** لاَ تَلْحَقْنِي خَزْرَاتْ التَّنْدِيدْ
وَنْعَشِّي حْكَايَة بِينْ العُرْبَانْ *** بَعْدْمَا كُنْتْ قَايَدْ وْسِيدْ

زُوجْتُو نْطَقْ فِيهَا الحَنَانْ *** قَالَتْ وَشْ مَنْ دِينْ يْقَرْ التَّوْئِيد
هَذَا حُلْمْ سْتِينِّينَاهْ زْمَانْ *** وْكِي جَا نَجَعْلُولُو تُبْدِيدْ؟
حَكَّمْ عَقْلَكْ أجَعْلُوا مِيزَانْ *** وَاعْتَمَدْ اللِّين خَلِّي التَّشْدِيدْ

تْرَطَّبْ وَلاَّ تْلُو الحَنِّيَة *** وْعَقَّبْهَا تَخْمَامْ ذِيكْ اللِّيلَة
قَالْهَا يَا مْرَا وْكِيفَاهْ العَقْلِيَة *** قَاتْلُو مَا نَقَتْلُوهَاشْ نْسَمِّيوْهَا فَضِيلَة
قَالْهَا انَا مَنْ جِهْتِي مَاذَا بِيَا *** لَكَّنْ مَاكَانْ بَاليَدْ شِي حِيلَة
قَاتْلُو نَجَعْلُوهَا عَلَعْيُونْ مَخْفِيَّة *** هَكْذَا تْعِيشْ حْيَاةْ طْوِيلَة

خَلاَّهَا وْعْطَالْهَا مَالحَنِّيَة *** مَا يْمَدْ الأَبْ لْبَنْتُو
قَالْ وَالله حْرَامْ وْهَذِي أذِيَة *** ابْنَ آدَمْ يُوأَدْ فَلْذَاتُو
شَافْ حْلاَوَة مْلاَعْبَة البْنِيَة *** وْهِيَ مَتْمَسْكَة بِيهْ شَادَّاتُو
لَكَنْ قُوَّة الأَعْرَافْ كَانَتْ قْوِيَة *** وْلَحْنَانْ مَنْ قَلْبُو مْحَاتُو

عَاوْدَتْ حْيَاتْ فِيهْ ذِيكْ الجَاهِلِيَة *** نْتَاعْ الوَأْدْ القَسْوَة مَلْكَاتُو

رَاحْ أدَّاهَا لْوَسْطْ الصَّحْرَا *** وْسَلَّمْ عْلِيهَا زُوجْ تَسْلِيمَاتْ
وْبْدَا يَحْفُرْلْهَا فَالحُفْرَة *** وْهِيَ مْقَابْلاَتُو تَضْحَكْ بَالبَسْمَاتْ
مَاعْلاَبَالْهَاشْ وَشْ رَاحْ يَصْرَى *** وْاَنْهَا رَاحْ تْفَارَقْ لَحْيَاة
كَانَتْ ظَانَّة حَاجَة خْرَى *** لَكِنْهَا كَانَتْ نِهَايَة البْدَايَاتْ
قَالَتْ أَبِي هَذِي نَعْرَة *** وَشْ ذَنْبِي نَتْعَاقَبْ بَالمَمَاتْ
قَالْهَا هَذَا الوَاقَعْ وَلْحَقِيقَة المُرَّة *** فُوقْ طَاقْتِي هَاذْ التَصَرُّفَات
رْمَاهَا وْصَارَتْ التَحْتْ مَطْمُورَة *** وْرْجَعْ وَالنْدَمْ فِيهْ رَاسَمْ لَوْحَاتْ
مَرْتُو قَابْلاَتُو حْزِينَة مَتْحَسْرَة *** مَنْ عَيْنِيهَا سَالُو دَمْعَاتْ
قَالْهَا الأَمْرْ رْانِي قْضِيتُو فْرَا *** وَمَاليُومْ انْسَايْ اللِّي فَاتْ

أسألكم تغيض ولا لالا؟ أكيد كامل رايحين تقولو تغيض؟ الان:

زِيدِي نْتِي لِيفْ وْلاَمْ التَّعْرِيفْ *** وَانْتَقْلِي مَنْ جَاهِلِيَة لْجَاهِلِيَة
مَنْ قَانُونْ الغَابْ المُخِيفْ *** وْعِبَادَة الأَصْنَامْ الوَثَنِيَة
وْقَوِي يَاكُلْ الضَّعِيفْ *** لْقَتِيلَتْنَا حْنَا الحَالِيَة

الفَضِيلَة فْزْمَانْنَا كِيفَاهْ وَلاَّتْ *** الكُلْ يَضْرَبْ يَطْعَنْ فِيهَا
خَرَجْنَالْهَا شَهَادَة وَفَاة *** بَافْعَالْنَا اللِّي رَبِّي عْلِيهَا نْهَى
فُجُورْ فُسْقْ وَانْحِرَافَاتْ *** طْرِيقْ بْلِيسْ اللَّعِينْ عَبَّدْنَاهَا
وَافْتَقَدْنَا فَعْلْ الخَيْرَاتْ *** وَالرَّذِيلَة إِمَامْ نَصَّبْنَاهَا

وَقْتَاشْ نْتُوبُوا وْنَرَجْعُو لَطْرِيقْ *** الحَقْ الله العَالِي مُولاَنَا
وَقْتَاشْ نَفَطْنُو وَالنَّاسْ تْفِيقْ *** سِيرَتْنَا السَّابْقَة وِين ادَّاتْنَا
التُّوبَة شِي سَاهَلْ التَّحْقِيقْ *** إذَا اخْلَصْنَا صَحْ وَاعْزَمْنَا
مُحِيطْنَا يَصْفَى وْيْسُودْ الرْحِيقْ *** الرِّيحَة الزَّكِيَة العَاطْرَة تَغْمُرْنَا
وْرَبِّي بْقُدَرْتُو يَرْزُقْنَا التَّوْفِيقْ *** وْيجَازِينَا لْكُلْ فالآخِرَة بَالجَنَّة

أسألكم شكون اللي تغيض كثر فضيلة ولا الفضيلة؟

بذكاء زاوجت بين ما حدث لفضيلةالرّضيعة، بالجاهليّة
وبين الفضيلة التي أذهبتها العقولُ بِجهلِها في وقتِنا الحالي..
بالنّسبة لي احزنني مصيرُ الفضيلتين،
لكن على الأقلّ فضيلة وقع لها ما وقع في غيابِ الدّين الذي يُنيرُ العقول،
فقد كان النّاس جهلة تسيّرُهم أعرافُهُم و ما شابه ذلِك،،
لكن الفضيلة تُداسُ الآنَ أيضاً دون مُراعاةٍ لِقوانينِ
الشّريعة الإسلاميّة التي تحرّر العقول من غفلتِها..

ولكن ماذا عسانا نقول فيمن تغشى عيونهم غِشاوة اللّامبلاه المرصّعةِ بجهلٍ يقودُ النّفس خلف شهواتِها فتضيعُ قيمها و فضائِلها
،،،،
سبحان الله والحمد لله ولا إله إلاّ الله واللّهُ أكبر
اللهمّ منك السّترَ فاستُرنا و امِتنا على طاعتِك
ـــــــــــ
أحيّيك أخي على رُقيِّ فكرك
وعلى أفضاله علينا

لك كلّ التّقدير والاحترام

[الوليـد]

و عليكم السلام و رحمة الله و بركاته :

تقبّل الله منا و منكم و غفر لنا و لكم.

حقيقة يا حمادة سبعة و سبعين --- راك شوقتنا لأشعارك البنينة
و خليتنا دايما منتاظرين --- مواضيعك الشِّعرية الزينة

هههههه ( مجرّد محاولة لا ترقى إلى مسودّات أفكارك)

بارك الله فيكَ و جزاك خيرا.

[مولود حداد]

السلام عليكم ورحمة الله
أخي وليد اعتقد يقينا ان لك القدرة على صياغة الملحون حاول وسيكون لك شأن فيه بإذن الله.
الأخت سراب العمرالتاريخ يعيد نفسه لكن بأشكال مختلفة، مشكورة على المتابعة .
موفقين