{{ .،،فريد من نوع ـك آنت آيهـآ آلشـآب آلجزـآئري..~ْ

[miss smiley]

السلام عليكم و رحمة الله و بركاته
مساء الخير على لي يحبنا ولي مايحبناش علاش.. ان شاء الله تكونو انتيك و بيا مأنتكين ديما



--------------------------
ندخلو مباشرة في الموضوع المهم

بزاف لي جان تاوعنا حياتهم كامل مايخموش على لافونير تاعهم.. حتى يلحقو ل certain age يفيقو لرواحتيهم و يقولو يا ندامة.. و لا يقولو الله غالب مالحقناش

القراية مايكملوهاش.. و يقولك وش نديرو بيها.. القاريين هاد الوقت راهم شادين الحيوط.. و يتبعو المقولة اللي تقول : اللي قرا قرا بكري

و من بعد للبطالة ديراكت.. يحكمو الحيوط و لي جورني تاوعهم يتعاودو
*المنوض ماشي قبل ال 11 تاع النهار.. غير ينوض ينوض بالعياط.. حطولي حليــــــــب.. و من بعد يلبس الحوايج المخيرين عندو.. يبيكي شعرو.. ويعبق الحالة بالريحة.. تاع اختو بيانســـuر.. و يجيبها في الزنقة.. بيانسور قدام الليسيات و السيام.. و يقابر هدي رايحة و هدي جاية.. بيانسuر مع لي كومونتار


و من نيمرو تاع هادي لنيميرو تاع لخرى.. و راكم علابالكم كيفاش الحب مسكين راهو يتمرمد في الجزائر

*و من بعد يولي للدار.. يعمرها و يعاود يخبطها برقدة حتى لمور العصر..(لاسياست لازم يطبق السنة).. بصح ينوض قبل المغرب بشوية

*و موراها ديركت للزنقة.. يلعب مع صحابو.. يلعبو ماتش.. دومين.. كارطة
بسلامتهم يعرفو يجوزو الوقت
و يدخل للدار قريب الفجر.. و ديركت للرقاد و ماينوضش قبل ال11 تاع النهارصايي تعود المشي على هاذ الرثم

*و هكدا هكدا.. لي جورني كامل يتعاودو.. و يجوزو اعوام و هوما هكدا

**الام مسكينة.. تعيا تنصح ياوليدي يا وليدي..يقولها راني كبير و نعرف مادبروش عليا ..المسكينة هكداك و تبقى تنصح فيه.. بصح شغل راهي تهدر مع حيط للعلم هو والحيط كيف كيف ولا الحيط خير منو بشوي

**الوالد مسكين كيف كيف.. مرات يهدر بالعقل..و مرات يدبرلو خدمة بصح الولد يتكبر على الخدمة.. يقول مانخدمش اي خدمة..(بيانسو يحوس على المدخول بزاف و التعب قليل).. و مرات يداوس مع وليدو و كاين اللي حتى يحاوزو ولادهم و يقول خلي الزنقة تربيه.. مي اسكو الشارع يسقم البنادم؟

**و تجوز عوام و عوام.. هنا الشاب يلقى روحو خلاص بدا يكبر.. راح الحال و يبدا يحسب
لازم يستبيت.. و لازم خدمة دايمة و لازم دار .. يصيب روحو لازم عوام باش يفريها..هنا يقبل باي خدمة يولي يقول يا ندامة لوكان غير يولي الوقت للور.. و كي يسقسوه علاش وصلت روحك لهاد الحال.. يقول الله غالب مالحقناش.. مايستعرفش مامبا بلي كان دايها غير لعب
اسمحولنا اذا جبدنا حاجة تجرح شبابنا
وحاشا اللي ما يستاهلوش

مالا نصيحة اخوية مني ليكم يا لي جان التهاو بقرايتكم و اتهلاو فيها و في ميماتكم...ما تصيبوا غير هوما فالدنيا..و كل واحد ينافيقي على روحو في ضوء الحال...==))تقول شي عجوزة راهي تهدر..خخخ

اليكم الميكروفون
سلاااااام