موضوع مميز **الاولوية للطلاء ثم الديكور*

ام حمزة22 · 2014-12-29, 13:54

السلام عليكم ورحمة الله تعالى وبركاته
ان شاء الله تكونو كامل بخير وعلى خير
هاد الموضوع التاني ليا في قسم ديكور المنزلي
والله عجبتني القعدة معاكم في مشاهدت صالونات ومطابخ الخ........
وموضوعي اليوم هو الطلاء وقبل ما نختار ديكور المنزل لازم نختار الالوان لي تليق بدكور المطابخ والصالونات والغرف الخ....
انا عندي عام ونصف ملي سكنت وما نكدبش عليكم كنت حابة ديكور سامبل وشباب
لاكن زوجي حط دراهمو كامل في بناء المنزل وما قدرتش نحقق واش كنت حابة في تشكيل ديكور منزلي
اكتفيت بطلاء البيت وبنفسي
فالاول بونسيت الحيطان كلها بالورق الخشن الخاص بتمليس الحائط
ثم قمت بطلاء الحائط بلوندوي وخليتو حتى نشف و بونسيتو وقمت بهاد العملية 3مرات لاتحصل على حائط املس و براق
ثم بديت في طلاء السقف اولا
وقبل ما نطلي الحيطان قمت بوضع شريط الورق الاسق فوق لي بلانت باه تكون خدمة مقيقيا وشابة
كان اول ما صبغت هو الصالون واللون الانسب ليه هو الباج في اعتقادي هاد اللون الانسب لصالونات
وكان نوع الطلاء لالاك علابالي تقولولي ديمودي لاكن انا هداك النوع لي يساعني
بعد ما كملت الصالون رحت للمطبخ استعملت نفس النوعية لاكن بللون الابيض لي يبهي المطبخ ويوالم اي ديكور مطبخ
بعد ما نتتهيت من المطبح رحت للحمام واكيد نفس نوعية الطلاء وباللون الابيض
اما الكولوار طليتو بنفس لون الصالون
نروح للغرف بديت بغرفت ابني الكبير هو خير الشكل وانا خلطتلو الطلاء حتى تحصلت على اللون لي يحبو وطلا غرفتو بنفسو ربي يحفضو ويحفضلكم اعز الناس ليكم
اما ابني الاصغر اختار الون الازرق الغامق والازرق البارد لهادا صبغت صورين ازرق بارد 2 غامق
اما غرفت البنات طليتها كدالك بلونين وهادا كان من اختيارهن اللون الوردي واللون البنفسجي
اما غرفتي كانت آخر ما طليت واللون كان من ما بقالي طلاء غرفة البنات وضفتلو شوية لون وردي خرجلي لون رااااائع
بعد ما انتهيت من طلاء الغرف رحت لللابواب طليتهم بلون الاكاجو اللامع ثم عييييييت وخليت النوافد لزوجي
اما آخر ما قمت بيه هو طلاء انبوب صرف الغاز مازال للان ما كملتوش فالنص خديت طيحة قعدت فراش 22 يوم ( مثل مايقولو ناس بكري لخرسبولة قطع صبعو )
سامحوني راني طولت عليكم

هادا لون غرفتي

وهادا لون غرفت بناتي

هدا لون طلاء غرفة ابني الاكبر

هدا لون طلاء غرفت ابني الاصغر

ام حمزة22 · 2014-12-29, 14:23

هادا طلاء الصالون

هدا طلاء الكولوار

وهدا طلاء المطبخ بعد عام ونصف اكيد يتبدل لونو ويصفار بعد ما لونتو باللون الابيض

وهادا طلاء الحمام

والان اليكم صور بعض الديكور المتماشي مع لون الطلاء
هي الوان بسيطة وديكور سامبل وبسيط وهادا لي عجبني
فللبساطة اناقة وجمال

هادا موضوعي المتواضع
ان شاء الله يعجبكم وتقدرو تسفادو ا من افكاري البسيطة والمتواضعة

adillo · 2014-12-29, 14:33

السلام عليكم
بركة الله فيك الاخت الفاظلة مشاء الله عليك ونعمة المرأة انتي ربي يحفظك ويحفظلك زوجك والاولاد
اما عن اختيارك الالوان اختيارك جميل جدا اعمل في الطلاء منذ زمن ولقد لاحظت الاعوام الاخيرة انه الناس لما تريد الطلاء مساكنها
دائمايركزون على الالوان العادية والخافتة وعندما اكمل لهم اعمال وارجع اصاب بي الذهول في طريقة تناسق الالوان الطلاء مع مستلزمات البيت مثلا الخزانة والاسرة الخشبية والصلونات المغربية ....الخ مشاء الله طلاء عادي وبسيط لكن فكرة الديكور لي اصحاب البيت تعطي نتيجة رائعة ومذهلة

الرابحية · 2014-12-29, 15:03

نعما الزوجة انت الله يبارك فيك ويحفظك لدارك
تحية اجلال مني اليك

أم أمين2007 · 2014-12-29, 16:26

ما شاء الله تبارك الله
كل يوم ارى فيك نعم المراة
تمنيت لو كنتي جارتي لما فارقتك
ربي يهنيك ويباركلك في بيتك وابنائك

ام هاديل وياسين · 2014-12-29, 16:38

بارك الله فيكي ام حمزة يعطيك الصحة ولله غير شاطرة ماشاء الله

خرجتلك فووور ربي يباركلك اختي

ام حمزة22 · 2014-12-29, 17:26

اقتباس:

المشاركة الأصلية كتبت بواسطة adillo

السلام عليكم
بركة الله فيك الاخت الفاظلة مشاء الله عليك ونعمة المرأة انتي ربي يحفظك ويحفظلك زوجك والاولاد
اما عن اختيارك الالوان اختيارك جميل جدا اعمل في الطلاء منذ زمن ولقد لاحظت الاعوام الاخيرة انه الناس لما تريد الطلاء مساكنها
دائمايركزون على الالوان العادية والخافتة وعندما اكمل لهم اعمال وارجع اصاب بي الذهول في طريقة تناسق الالوان الطلاء مع مستلزمات البيت مثلا الخزانة والاسرة الخشبية والصلونات المغربية ....الخ مشاء الله طلاء عادي وبسيط لكن فكرة الديكور لي اصحاب البيت تعطي نتيجة رائعة ومذهلة

وعليكم السلام
وفيك بركة الله بارك الله فيك

اقتباس:

المشاركة الأصلية كتبت بواسطة الرابحية

نعما الزوجة انت الله يبارك فيك ويحفظك لدارك
تحية اجلال مني اليك

تحية مبادلة اختي بارك الله فيك

اقتباس:

المشاركة الأصلية كتبت بواسطة غفرانك اللهم

ما شاء الله تبارك الله
كل يوم ارى فيك نعم المراة
تمنيت لو كنتي جارتي لما فارقتك
ربي يهنيك ويباركلك في بيتك وابنائك

ويهنيك اختي
بارك الله فيك
مشكورة على الكلام الطيب

اقتباس:

المشاركة الأصلية كتبت بواسطة om hadil

بارك الله فيكي ام حمزة يعطيك الصحة ولله غير شاطرة ماشاء الله

خرجتلك فووور ربي يسباركلك اختي

وفيك بركة الله ام هديل
الله يسلمك ويهنيك
مشكووووورو

جيجلية · 2014-12-29, 18:47

ما شاء الله ربي يباركلك في صحتك وفي عائلتك

والله درتي عمل جبار وأكيد رايحة تتقنيه خير

انا جبت واحد يطليلي والله هبلني خدمة ماشي متقونة خلاص

rymsirine · 2014-12-29, 18:54

ما شاء الله عليك ام حمزة دائما رائعة وقمة في كل شئ ربي ايفرحك بعائلتك ودارك ويشفيلك زوجك يا رب

ام حمزة22 · 2014-12-29, 19:43

اقتباس:

المشاركة الأصلية كتبت بواسطة جيجلية

ما شاء الله ربي يباركلك في صحتك وفي عائلتك

والله درتي عمل جبار وأكيد رايحة تتقنيه خير

انا جبت واحد يطليلي والله هبلني خدمة ماشي متقونة خلاص

الله يسلمك اختي الجيجلية سعدت بمرورك
والله يااختي لو كان قدرت نبني نبني لان البنائين والنجارين ماراهمش يتقنو اعمالهم دارولي كوارث في المنزل
ربي يهديهم ويسامحهم

اقتباس:

المشاركة الأصلية كتبت بواسطة rymsirine

ما شاء الله عليك ام حمزة دائما رائعة وقمة في كل شئ ربي ايفرحك بعائلتك ودارك ويشفيلك زوجك يا رب

شكرا ليك اختي بارك الله فيك
شكرا للدعاء لزوجي
حفضك الله ورعاكي

salima14 · 2014-12-30, 12:19

بسم الله ماشاء الله عليك مرا ونص يعطيك الصحة حتى انا نبغي الديكور والبريكول تع الدار
لوكان عيطتيلي نعاونك ههههههههه بفرح وصرور
انا الحاجة اللي نكره هو لوندوي والحك يتعب المهم خرجتيهم روعة يعطيك الصحة واي حاجة تخدميها بيدك
تكون فيها لمسة خاصة

ام حمزة22 · 2014-12-30, 13:22

الله يسلمك اختي سليمة
مشكورة على المرور بارك الله فيك
المرة الجاية نعيطلك تعاونيني هههههه

السَّحابة البيضاءْ · 2014-12-30, 14:14

السلام عليكم

بصراحة اذهلتني أخت أم حمزة ( فحلة الله يبارك ) بيت العزّ و الهنا إن شاء الله ، موضوعك لا يحمل فقط لمستك بل يحمل معنى كونك أمّ طيبة حتّى مع أولادك تلبين أذواقهم ( ربي يحفظهم ويجعل تربيتك لهم سبب دخولك للجنة آميــــــــــــــــــــــن يا ربّ )

ام حمزة22 · 2014-12-30, 18:34

وعليكم السلام
والله بصراحة مالقيت مانقول في هاد الكلام المعسول
وشكرا على الدعاء
ربي يجازيك الجنة اختي

nibou · 2015-01-03, 21:45

أختي بارك الله فيك على هذا العمل،يا رييييييييييييييت تعلميني طيقة طلي الجدران و الله حابة نتعلم صح مع العلم أنو الحائط مصبوغ مخلص و لكن تقشر شوي،قوليلي كيف نديييييييييير؟؟؟؟؟؟