{{،، يــآآه ،، ع ـمري مـآ تخيلتهـآ توصـل لهذهـ آلدرجـة..،،|~

miss smiley · 2011-12-18, 16:03

السلام عليكم ورحمة الله وبراتك
أهلا بالجميييييع ان شاء الله راكم بخير
اليوم حبيت نجغبلكم شوي على واحد المووودة راهي نتشرت بزاف
منعرف تقدرو تسموها مودة ولا معاندة ولا vide ولا ثقافة صح
كيما علابالكم كامل من يومين فات اكبر حدث كروي في العالم
وهو الكلاسيكو بين البرصا والرياااال

وكيما تعرفو هاذ الكلاسيكو راهو حرب كبيرة بين الفريقين والانصار تاع الفريقين هاذو..
مالا قاعد نتبع في كل ماهو جديد من بعد الماتش هذا في المنتدياااات تع العرب
لقييييييت بلي راهي وااااااقعة حرب كبيرة بين لعرب على جال الريال والبرصا
والله ولد مدريد لي جد جدو زايد فيها مش محن روحو كيما هوما
ولوكان غير حبست الحرب هاذي في الرجااال برك
والله دخلو فيها حتى الجنس اللطييييف

.....بففففففف
لبنات رجعو ديكلون في بعضاهم بيناتهم حسايف ورونكيل
حقا قحاحقا
قالك هاذوك ما يتفاهموش مع هاذوك
هاذوك دي بارصاويات وحنا رياليات....واااو
وحدة تقابضت مع راجلها كيعاد ضربها
لما سبت ختو - يعني سلفتها - كيعاد هي برصاوية ولخرى ريالية
هههههه

وحدة هجرت صاحبتها لانتيم كيعاد قاتلها ضربناكم ب3

في البرنابيوووووووو

وشي هاذا يا لبنات
ولثم تفكرت واحد التصويييرة ديما نشوفها في الفايس بوك
في Les murs تاع لبنات ....لما نضرب طلة نتوقب عليييهم
البنااات كامل تاع الجزاير حاطين فريقهم المفضل يا البرصا يا الريال
وقاتلييين رواحهم بتصاور كيغستيانو وميسي وفابغيgاس وتشافي
وغير لي زالبوم فوطو تاع الريال والبرصا
وشبيكم يا بنات المستقبل وش حكايتكم مع البرصا والريال والبالون أصلا

ولا راهي ثقافة وعلم ومووودة لازمة في 2012
وزيد قالك ماجاتش غير في البرصا والريال
قالك ولاو البنات من اشد المتتبعين للبطولة الجزائرية المحلية
وكي داها حشود لاعب وفاق سطيف كأحسن لاعب شهري
سكنولو في لاباج تاعو في الفايس بوووك
وحدة تكتبلو لو نعطيك 3 زهرات لمن تمد وحدة

وحدة تحكي على النيمرو

...وحدة وين راح تروح في الميركاتو الجاي
بففففففففف
والله عيات تخشلي راسي وعييت نتخيلها
شابة باهية وزينة ولابسة مليح ووهازة بورطابلها في وذنها
ومركزة مليح ..تسمع شحال دارت النهد -نصر حسين داي -
مع بجاية وخايفة وخلعانة وحاكمة قلبها
ولا وحدة في عمرها 23 سنة كل يوم يجيو يخطبوها الرجالة وتعيط لصاحبتها تقولها اسمعي كي تمارمي بارادو بيبلي
خطراكش هي تشتي mca وراهم في نفس الرتبة
مع asmo مالا بارادو لازم تمركي 4
ولازم asmo تخسر 2-1 خارج بلادها
ههههههههههه ........ياخي معيشة ياخي
انا نقولكم غير التااو بقرايتكم وانوثتكم هههه
ميسي كل عام يدي فيها بالون تاع ذهب
ونتوما اقتلو بعضاااكم
والبطووووووووووولى الوطنية ماربحووش عليها الرجال
يعني راح تربحو عليها نتووما ههههههه
وفي الأخير عندي اسئلة للجنس اللطيف برك
والرجال ما يغيضهومش الحال بيسك هوما نورمال
يتبعو البالو على رواااحهم ومن حقهم
1- شكون تشجعي الريال ولا البرصا ...وعلاه...ومن وكتاه ...وكيفاااه ...؟؟؟؟
2-شكووون ليكيب تااعك في البطووولةالوطنية
وشكرا

{ توبة } · 2011-12-18, 16:17

هههههههههههه و الله معآآك حق
فكرتيني في خويآآ قآآـتل روحو بالبرصآآ و الريآآل
صح هو طفــــــــلـ بصح بآآلغ في حبو للبرصآآ
بصح البنآآتــ ؟
الحمد لله انا منيــــش لاتية بيهم
كنت لاتية بالبآآلو كي تأهلــــــت جزائر لكأس العآآلم
من هذيك الوقــــــــتـ عدت منيش لاتية بيه
و في الأخير يعطيك الصحة على الموضوع الرائع

سماح الجيجلية · 2011-12-18, 16:21

مافيها حتى عيب ادا الطفلة تبعت البالون احنا دارنا كامل نتبعوا البالون ومافيها حتى عيب مي بصح مامبالغينش فيها كيما راك تحكي
انا نسيبورتي البارصا وعندي 5 سنين علاخاطر ربيت والدار كامل تسيبورتي البارصا
اما بالنسبة للبطولة مانتبعهاش بزاف مي نسيبرتي شباب بلوزداد
بارك الله فيك على الموضوع

miss smiley · 2011-12-18, 16:21

{}{..،، هذهـ هـي آلحقيقـة آلمـرة آلتـي لـآ نستطيـع تجآهلهـآ..للآسـف~ْ
|~ْ..،، شكــرـآ لـكـ آختـي ع ـلى توـآصلـكـ آلدـآئـم مع موـآضيعـي.،،^^