بدون عنوان تابع

[مشكلتي]

https://www.djelfa.info/vb/showthread.php?t=783794

السلام عليكم ورحمة الله وبركاته

بسم الله الرحمن الرحيم

الحمد لله الذي هدانا لهذا الاسلام وما كنا لنتهدي
إلا ان هدانا الله

تحية طيبة لكم جميعا وبعد :-

أنا صحبت موضوع بدون عنوان والحمدو لله على ما نصحتوني من نصائح قيمة بكل صراح أخدت بكل النصائح والحمدو لله إرتاحت نفسيا ومعنويا وهذا بفضل الله وبفضلكم أيضا ربي يجازيكم ويزيدلكم في هذا المنتدى القيم والجميل أتمنى لكم المزيد من التفوق والإزذهار
المهم لقد تقدم لي شخص أرمل ولديه طفلة تبلغ من العمر 4 سنوات وهو 38 طبعا وافقت وبدون سابق إندار بالعربية زكارة في ذاك لي يخدم معايا وحبا في الله لتربية يتيم وياسلام على التكفل بيتيم هذا شرف عظيم لي وبكل فرح وسرور ................
في نهاري الول راح نسمع كلمة ماما ياخير ماااااأ
وكان هذا عن طريق جارنا أكرمه الله هو وعائلته والخاطب هو قريب له جارنا لديه ذكور وبنتان صغيران
المهم عند دخولي إلى العمل يوم 11/12/11 كان أول من أخبرته بكل إعتزاز لوكان شتو وجهه تبدل وقالي شكون هو هذا قلتله ماتعرفوش براني قالي ونتي وافقتي نورمال قتلو وبزعاف وااااااااااااااااه ياك مكتوبي والحمدو لله جامي صاحبة ومعنديش ماضي وراح روح مرفوعة الرأس باركة عليا قالي لالا مافهمتينيش برك شوفي عندي هدرا معاك من بعد و بيناتنا صحاااااااااااااااااا
واليوم 14/12/11 أرواحو تشوفو قالي كنت راح نخطبك وماكتبش ربي ..قلت علاش مكتبش ربي واش يخصك قالي ماتفهمنيش غلاط كنت متردد برك وخفت ماتقبليش بيا وكذا وكذا ومنعرفش واش وبد يعبر على مشاعرو من كل جيهة وطريق حتين بغى يبكي قالي شوفي غير نتي لي نديك وراني ندمان على الوقت لي ضيعتو ولله بكل صراحة بغيت نحن عليه من بعد قلت في خاطري روح تلعب كيما بهدلتني
نبهدلك وروح لصحابك يحلولك القضية لي شاورتهم عليا من بعد جبرني في المكتب وقالي
شوفي ماتوافقيش عليه وفريها معاه راني نجي لداركم مباشرة ...مراحش تلقاي قد الحب لي راح نعطيهلك
وراكي تعرفيني وراني خدام معاك ......ضرك
قولوي نصيحة ولله وبلحلاف راح نديها من عندكم
وبارك الله فيكم

[فاطمة_26]

اختي تزوجي لي تقدملك واخطيك من هذا هذا جاتو طايحة كي قبلتي بغيرو هاذي صراتلي انا شخصيا كنت نعرف وليد جارنا كان يحبني ومن بعد جا راجلي خطبني قالي حبسي منو وانا نجي نخطبك ما حبيتش نكسر قلب الراجل لي تمناني للحلال وقلتلو لالا ومنبعد قاتلي وحدة صاحبتي قالنا بلي لوكان بطلت منو ماكنتش راح نروح نخطبها لخاطر كيما تمسخرت بهاذاك تقدر تتمسخر بيا
ردي بالك تغلطي نفس الغلطة توكلي على ربي واقبلي باللي جا ليك وربي بنتو اليتيمة واعطيها قاع الحنان تضمني بلاصة في الجنة
لقوله صلى الله عليه وسلم انا وكافل اليتيم كهاتين فلاتضيعي عليك فرصة احتساب الاجر
وشكرالك

[عطر الحب]

السلام عليكم و رحمة الله تعالى و بركاته
اختي العزيزة ارتبطي بمن نواك للحلال زوجة له على سنة الله و رسوله ام زميلك في العمل ....ربي ينوب عليه بوحدة اخرى....استخيري حتى لا تندمي.....ربي يهنيك و يسهلك ويسعدك امين

[- بصمة خير -]

كيفاه قبلتي بالارمل بدون صلاة الاستخارة ؟؟؟؟

باأختي حب تلعبي بحياتك باش تنتقمي من اللي يخدم معاك ؟؟؟

يااختي صلي الاستخارة و ربي يوفق باش ماتندميش

[مريم الصابرة]

السلام عليكم أختي إقبلي بالراجل اللي جا ليك وربي هذيك اليتيمة أجرك عند ربي كبير وكبير بزاف اللي يخدم معاك لو كان حاب يخطبط واش شدوا وكي تبطلي من السيد ما يجي ما والو روحي ديري دارك وربي يهنيك إن شاء الله

[sarl02]

واش معناها قولك انك قبلت زكارة ...وزيد اول واحد اتقوليلو هو الي كنت معاه..؟؟.واش هذا الخلاط يا اختي ...وانت علاه رحت اتقوليلو اصلا ؟ولا اكسبري باش تبروفوكيه؟اتاكدي هكذا ما اباركلكش ربي وهذا ليس بتصرف فتاة رزينة وعندها روح المسؤولية والدليل على كلامي انك مازلت تلعبي واتحوسي هل تقبلي ام لا.............نورمالمو ربي ما اكتبلكش مع الشخص الاول تقطعي معاه العلاقة نهائيا ..وموافقتك او رفضك للشخص الي اتقدملك ما يدخلش فيها الشخص الاول .....انا نصيحتي ليك انقولك ارفضي الشخص الي اتقدملك وخليه اشوف وحدة اجدر منك بالزواج منه وانت ابقاي مع الاول لانك لست اهلا للزواج في هذه المرحلة..................

[عُضو مُحترم]

اعتقد ان امرا كهذا لا نقاش فيه

ريقلي روحك و ما تزيديش تهدري معاه

[lolati]

أولا : اخطأتي في قولك انكِ وافقتِ زكارة في الشخص الاول لأنكِ انتِ من سيعيش التعاسة وتتحملين نتيجة ذلك اما هو فأنا ابصملك بالالوف انه مجرد ان يجد - واحدة اخرى - يمحيك من ميموارو ولا كأنك كنتي موجودة.

ثانيا : صاحبك الاول متردد وغير مؤتمن عليه , بالله عليك كيف تقبلي بشخص يشك في اخلاقك والله غريب؟؟ الثقة اساس نجاح كل علاقة .

ثالتا : انقدي نفسك وثقي في الارمل فهو على الاقل صادق وابتعدي عن خطى الشيطان .

موفقة

[/زهرة عصفور الجنة/]

أختي ما يجب ان تفهميه جيدا لا يوجد هناك انتقام في الحياة الانتقام نراه فقط في المسلسلات.ان كنت قد قبلتي بالارمل انتقاما من الاول فلن تسعدي بعيشتكي أبدا.اختي صلي صلاة الاستخارة وان شاء الله ربي ينورلك بصيرتك

["زينب"]

يظهرلي راكي فرحانة بالعريس الأول و راكي مشفقة على الشخص الذي يعمل معك
لازم تخيري واحد فقط و الخيرة فيما اختاره الله لكي, إذا الأول خلاص وافقتي عليه, الثاني نسيه
الأحسن تصلي صلاة الإستخارة و خلي الأمور تمشي كيما كتب الله

[feloussa]

لا أختي في الله تصرفك بأنك تريدين الزواج بهذا "زكارة " في الآخر و لما جاك و قالك نتزوجك ولليتي راح "تحنّي عليه و غاضك"؟؟؟؟؟؟ واش من تصرف؟؟؟؟؟؟؟؟ راكي تخلي العاطفة تاعك تسيطر على أهم القرارات في حياتك أنا نقولك أحسن شيئ ديريه أنك تستخيري الله بصلاة ركعتين و تدعي دعاء الاستخارة (اللهم إني استخيرك بعلمك....) و ماتكمليش في هاد الطريق تاع "والله شفني مسكين و كون تشوفوه كيفاه وانتي من قبل قاعدة تنقدي فيه " جامي تخلي عاطفتك تسيطر عليك في قراراتك بل ارجعي دايما لربي سبحانه هو اللي يحل كل مشاكلك
هذا رأيي أختي وان شاء الله يعجبك و ربي يخلص وحلك و يحل مشكلتك و يفرج كربك و كرب كل الؤمنين و المؤمنات.

[abdel02]

هذه ثمرات المسلسلات المكسيكية والتركية...الزواج الميثاق الغليظ عند الله تعالى ولى زكارة...الزكارة فعلتيها في روحك يا اختي الكريمة...اخاف عليكي من كيد احدهم...خاصة زميل العمل...

[AKIS]

لو أعرف الذي هذا الأرمل لنصحته بالعزوف عن خطبتك لإنك صغيرة العقل

[حسينة 36]

استهدي بالله وصلي الاستخارة قبل فوات الاوان

[CHAFA123]

صلاة الاستخارة و اقراي القران الكريم . هذه حياتك و ليست لعبة لتقبلي بانسان باه تكيدي لاخر فكري جيدا