مشكلتين في مشكلة

[مشكلتي]

السلام عليكم

مشكلتي انو عصبية زيادة و ننفعل بزاف و يخليني ما نعرف حتى واحد و كي نفيق مع روحي نندم سيرتو مع والديا و نخاف نكون عاقة نلعن الشيطان و ندعي ربي في صلاتي باه يخفف عليا العصبيه هذه لي قاعدة تفسد في صورتي برك و تديني للهاوية
و حاجة تانية الحمد لله نصلي و نقرا القران يوميا و نصوم لكن لا ادري اذا هي مشكلة و لا لا و هي اذا اذنبت مثلا كذبت او اغتبت او وعدت ربي ما نزيدش ندير خدمة مش ملاحة و لكن الشيطان يغلبني ,,,, ( بالرغم اني نادرا باه نكذب و اغتاب لاني عندما اكذب في دقيقتها نتراجع و نهدر الحقيقة و اذا اغتبت في دقيقتها نسكت)علابالي بلي غالطة بلي حرام لكني نندم بززززززززاف من بعد و نستغفر ربي و نبقى نخمم اذا رايح يغفرلي ربي لانو و كاني اصر على المعصية كي نقرا القران يقول ربي يغفر للذين يعملون السوء بجهالة و انا كنت نعمل فيها و علبالي بلي حرام
كلما يغلبني الشيطان كي نتفكر روحي نكرهها
وليت نحشم ندعي ربي تظهرلي نفاق و الله وليت موسوسة كلما ندير حاجة نبدا في دوامة نحاسب روحي و التخمام هلكني في صحتي حتى اصابني الارق

ادعيولي ربي يهديني