أسئلة فى خصوص الجيش

فارغ شغل · 2011-12-10, 13:22

السلام عليكم لدي بعض الاسئلة فى خصوص الجيش اتمنى ان اجد الاجابة عليها
1-انا عمري 22 سنة اوت القادم يصبح 23 متحصل على ليسانس هندسة كهربائية ومعدلي فى البكالوريا 12.50/20
كيف انظم الى سلك الجيش هل اتوجه الى مؤسسة محددة او هنالك مؤسسات مخصصة ؟ ام اذهب الى مكتب التجنيد واقول اللهم اني اريد الانضمام ؟
2-هل اوقع عقد او شيء من هذا القبيل ؟ وان كان نعم كما يدوم ؟
3-ماهي الرتبة التى اتحصل عليها وكما الراتب الذي تتحصل عليها فيها ؟
4- هل توجد امكانيات الرفض فى هذه الرتبة اي انها هلى تحتاج الى معريفية ايضا ؟
5-هل هنالك ختبارات امر بيها معدا البدني والطبي ؟
6-متى يتم فتح مواعيد الانضمام ؟

وشكرا
أعلم انها اسئلة سابقة لاوانها

~~س.مراد~~ · 2011-12-10, 13:39

فراغ شغل ريح في دارك خيرتلك

نصيحة .

فارغ شغل · 2011-12-10, 13:45

اقتباس:

المشاركة الأصلية كتبت بواسطة س.مراد

فراغ شغل ريح في دارك خيرتلك

نصيحة .

شكرا شريكي
لكن هذا هو افضل حل بالنسبة ليا

bako01 · 2011-12-10, 13:51

اولا رايح تخل برتبة ملازم يعني نجمة واحدة تدير ستاج في شرشال 3 سنين و عام تطبيقي في الاختصاص و نزيدك تفتح المسابقات في اوت واخر سن ليسانس ل م د 22 و العقد 25 سنة يعني تكملها اكل مكانش استقالة تحك 25 عام بالنسبة للدرك كيفكيف اما لابوليس تقدر تقدم استقالتك ولازم شوية معريفة باش تدخل اما الشهرية مليحة تعيش تفحشيش ناقصاتك حاجة وحدة الحرية محكوم فيك فهمتني و انت دبر راسك خويا

adsense · 2011-12-10, 13:56

25 عام وانت تيري في 5 ملاين ونص خير من حياتك كاملة وانت شاد الحيط واتشوف بعينيك

و إذا فاتك اللاج غادي تندم على الفرصة لي راك رتيتها

نصيحة من خوك إذا كنت ضامن روحك تاقعدا شاد الحيط .روح أعطيها لي العسكر وريح راسك.

bako01 · 2011-12-10, 14:05

لالا الشهرية راهي غادي تزيد كلما ترقيت في الرتبة من 5 الى حتى 10ملاين فما فوق ربي يعاونك ويعاونا

فارغ شغل · 2011-12-10, 14:17

اقتباس:

المشاركة الأصلية كتبت بواسطة bako01

اولا رايح تخل برتبة ملازم يعني نجمة واحدة تدير ستاج في شرشال 3 سنين و عام تطبيقي في الاختصاص و نزيدك تفتح المسابقات في اوت واخر سن ليسانس ل م د 22 و العقد 25 سنة يعني تكملها اكل مكانش استقالة تحك 25 عام بالنسبة للدرك كيفكيف اما لابوليس تقدر تقدم استقالتك ولازم شوية معريفة باش تدخل اما الشهرية مليحة تعيش تفحشيش ناقصاتك حاجة وحدة الحرية محكوم فيك فهمتني و انت دبر راسك خويا

يعطيك الصحة خويا لكن
هنا مورتليش كيفاش هل روح مكتب التجنيد ونقلهم اريد الانضمام او اتوجهة الى بلاصة محددة؟

فارغ شغل · 2011-12-10, 14:21

اقتباس:

المشاركة الأصلية كتبت بواسطة adsense

25 عام وانت تيري في 5 ملاين ونص خير من حياتك كاملة وانت شاد الحيط واتشوف بعينيك

و إذا فاتك اللاج غادي تندم على الفرصة لي راك رتيتها

نصيحة من خوك إذا كنت ضامن روحك تاقعدا شاد الحيط .روح أعطيها لي العسكر وريح راسك.

اجابة فى الصميم حبيي
اذا كان زوج مهندس دولة فى التسير والاخر مهندس دولة فى الهندسة المدنية ومريحين معايا فى القهوة
انا ليسانس وس راح ندير وقريب نكمل 23 سنة

فارغ شغل · 2011-12-10, 14:25

اقتباس:

المشاركة الأصلية كتبت بواسطة bako01

اولا رايح تخل برتبة ملازم يعني نجمة واحدة تدير ستاج في شرشال 3 سنين و عام تطبيقي في الاختصاص و نزيدك تفتح المسابقات في اوت واخر سن ليسانس ل م د 22 و العقد 25 سنة يعني تكملها اكل مكانش استقالة تحك 25 عام بالنسبة للدرك كيفكيف اما لابوليس تقدر تقدم استقالتك ولازم شوية معريفة باش تدخل اما الشهرية مليحة تعيش تفحشيش ناقصاتك حاجة وحدة الحرية محكوم فيك فهمتني و انت دبر راسك خويا

انا ليسانس lmd
ونهار 12 اوت نكمل 23 سنة
راح يكفي الوقت

bako01 · 2011-12-10, 16:24

كاينا دورة في فيفري هذا ورانا اكل نستناو فيها و كاينا دورة في الصيف في اوت يفيشيو الكونكور و تبوزي الدوسي على حساب البلاصة وربي يوفقنا باش نركبو هههههههههههههههههه ونتهناو من المزيرية نتاع الحيوط

khiro08 · 2011-12-10, 20:44

1-خويا الجيش ملازم 21 سنة مايقبلوكش
2-و الدرك راهو ملازم 23 سنة حتى سبتمر لكن أنت في سبتمبر الجاي يكون عندك 23+شهر مايقبلوكش ثاني
3-كاين مسابقات ملازم أول في الجيش والدرك تحت 24 سنة وممكن حتى تكون تحت 25 سنة في بعض الأحيان لكن يطلبوا مهندسين وليسانس قديم وكذلك ماستر 2 لكن ل م د لست أدري لكن حوس عليها ويكون مكان تسليم لملف مكتوب في اعلان المسابقة كل مسابقة عندها مكان معين
4-سي زهرك في الحماية والشرطة 26 سنة و25 سنة على التوالي لتدخل كملازم

متضيعش وقتك وحوس في المنتدى على هذ المسابقات وشارك وما تهمكش هدرة الناس نصيحة من أخ مجرب

5- مكتب التجنيد خاطيه الحوايج هاذوا

مشكاة الهدى · 2011-12-11, 08:50

نصيحة لوجه الله
ازرب لا يفوتك الحال

fr95 · 2011-12-11, 11:40

يا جماعة بالنسبة للتكوين العسكري الخاص هل يفتحوا كل عام fs و هل هناك تخصصات مطلوبة مع العلم عمري في اوت يصبح 23 سنة و3 اشهر متحصل على شهادة ليسانس حقوق

khiro08 · 2011-12-11, 19:31

اقتباس:

المشاركة الأصلية كتبت بواسطة fr95

يا جماعة بالنسبة للتكوين العسكري الخاص هل يفتحوا كل عام fs و هل هناك تخصصات مطلوبة مع العلم عمري في اوت يصبح 23 سنة و3 اشهر متحصل على شهادة ليسانس حقوق

تفتح على حساب الحاجة

على ما أعتقد بكري كانت تحت 24 وممكن يحكموا حتى تحت 25 لكن العام الماضي ليسانس تحت 23 و مهندس تحت 24

شهادتك غير مطلوبة كثيرا في الجيش أحيانا فقط لكن أعتقد أ،ها مطلوبة في الدرك الوطني العام لي فات أعتقد أن الجيش مطلبش ماعة الحقوق لكن لدرك العام الماضي أعتقد أنهم طلبوا حقوق

لكن الدرك ميفتحش كل عام

فارغ شغل · 2011-12-11, 21:38

اقتباس:

المشاركة الأصلية كتبت بواسطة khiro08

1-خويا الجيش ملازم 21 سنة مايقبلوكش
2-و الدرك راهو ملازم 23 سنة حتى سبتمر لكن أنت في سبتمبر الجاي يكون عندك 23+شهر مايقبلوكش ثاني
3-كاين مسابقات ملازم أول في الجيش والدرك تحت 24 سنة وممكن حتى تكون تحت 25 سنة في بعض الأحيان لكن يطلبوا مهندسين وليسانس قديم وكذلك ماستر 2 لكن ل م د لست أدري لكن حوس عليها ويكون مكان تسليم لملف مكتوب في اعلان المسابقة كل مسابقة عندها مكان معين
4-سي زهرك في الحماية والشرطة 26 سنة و25 سنة على التوالي لتدخل كملازم

متضيعش وقتك وحوس في المنتدى على هذ المسابقات وشارك وما تهمكش هدرة الناس نصيحة من أخ مجرب

5- مكتب التجنيد خاطيه الحوايج هاذوا

يعطيك الصحة
اذا كتلخيص للنتيجة العامة
بقي
1-الشرطة : رغم المعرفة راح نحط فيها يخي فارغ شغل

الحماية اليوم اخر اجل فات الوقت خسارة..

والدرك هي قع وتحل فى الصيف وبيان البلاصة لي تورح تسقسي فيها

الجيش هنا لوكان توريلي وين نسقسي
يخي كاين ياسر مدارس هل روح للمدارس هاذوا ؟