سلام إلى الأخ هوني لخضر ....

[عماد1974]

علاش راك متشائم هكذا ......ياخي كي كان التسيير القديم بلا محاسبة ولا مراقبة والسراق دايرين كرعيهم
وميزانية قليلة.......استفاد شحال من معلم من سيارة خير من ماروتي نتاعك لي جبتها بالربال لي جابوهنا
الرجال ماشي لصوص وسراق ...لي يسمع هدرتكم يحسب كل الدنيا سراقين ولصوص....وشحال من واحد جاب عمرة ..
وشحال من واحد راح للخارج وووووووووو.......واليوم تقول ندوا الريح ...لاخطرش كاين مراقبة من 7 نقابات
ومن الدولة ومن المعلمين.....ما كنتش حاسبك هكذا .......هذي النغمة نتاع ليجيتيا هي لي راهي دايرة سيكسي
ومشات بيها الحملة نتاعها ....ما صابتش أرقام تقنعنا بيها ...مع الأسف مشات معاك........راني خايف راك مستفاد
من قبل ؟؟؟؟ وماكش حاب خوتك من المعلمين يشروا ماروتي ....باختصار التسيير المركزي الولائي
أحسن من المحلي حتى ولو كان الفساد فيه 40 بالمئة........نستفاد على الأقل منحة التقاعد
ومنديش 60كوفيرطة ...وبلازمة ......شحال يا خي باقيلك في التعليم ...ودير حسابك ....

[عماد1974]

أين أنت يا أخي ..وأستاذي ....يعجبني طريقة ردك ...فلا تبخلنا ...بكلمة ياودي....

[waw44]

السي الهوني ماديرش عليه راه دفع دوسيه للتقاعد

هو راه ينتقم منا برك يخلطها ويخرج خاطرش ماصنفوهش مليح هو راه في الزوال وخدمات نتاعو زايلة معاه

راه قاعد غير يدعي علينا وعلى الزمان اللى علاه كما هاك بالصح نورمال خلي يفرغ واش في قلبو المسكين

[هوني لخضر]

المشاركة الأصلية كتبت بواسطة عماد1974

أين أنت يا أخي ..وأستاذي ....يعجبني طريقة ردك ...فلا تبخلنا ...بكلمة ياودي....

شوف يا سي عماد اولا بارك الله فيك على هذا المجاملة اللطيفة
و الله العظيم أنا لست من ليجتيا و لم أكن في يوم منها و لن أكون منها و لا يشرفني أن أكون منها لان مدة صلاحيتها انتهت
أما الخدمات فو الله العظيم ما استفدت منها في حياتي الا من المحافظ التي تمنح لنا في بداية السنة مرة على مرة
اما اختياري للوثيقة رقم 2 فقد كان من خلال رأي أغلب الزملاء الذين يدرسون معي بدافع التغيير لا اكثر و لا اقل
شوف يا سي عماد راني خايف الحية راهي ملعوبة و احنا رانا نكسروا في ريسانا ب1 و2

[هوني لخضر]

المشاركة الأصلية كتبت بواسطة waw44

السي الهوني ماديرش عليه راه دفع دوسيه للتقاعد

هو راه ينتقم منا برك يخلطها ويخرج خاطرش ماصنفوهش مليح هو راه في الزوال وخدمات نتاعو زايلة معاه

راه قاعد غير يدعي علينا وعلى الزمان اللى علاه كما هاك بالصح نورمال خلي يفرغ واش في قلبو المسكين

راني سمعت رايحين يطلعونا للصنف 12 و ممكن حتى 13
يا و لو كان يطلعونا ل13 الواحد من ذروك يفكر في الحج حتى يغسل عظامو

[kamel2009956]

المشاركة الأصلية كتبت بواسطة هوني لخضر

شوف يا سي عماد اولا بارك الله فيك على هذا المجاملة اللطيفة
و الله العظيم أنا لست من ليجتيا و لم أكن في يوم منها و لن أكون منها و لا يشرفني أن أكون منها لان مدة صلاحيتها انتهت
أما الخدمات فو الله العظيم ما استفدت منها في حياتي الا من المحافظ التي تمنح لنا في بداية السنة مرة على مرة
اما اختياري للوثيقة رقم 2 فقد كان من خلال رأي أغلب الزملاء الذين يدرسون معي بدافع التغيير لا اكثر و لا اقل
شوف يا سي عماد راني خايف الحية راهي ملعوبة و احنا رانا نكسروا في ريسانا ب1 و2

ياسي لخضر الهوني ننصحك روح وجد كواغطك نتاع التقاعد وماتخمم لافي رقم 1ولا 2
الي فاتو زمانو مايطمع في زمان الناس فقط انا نتمنى كي تخرج تقاعد يتفكروك بربال مليح

[هوني لخضر]

المشاركة الأصلية كتبت بواسطة kamel2009956

ياسي لخضر الهوني ننصحك روح وجد كواغطك نتاع التقاعد وماتخمم لافي رقم 1ولا 2
الي فاتو زمانو مايطمع في زمان الناس فقط انا نتمنى كي تخرج تقاعد يتفكروك بربال مليح

ياودي ما كاين لاربال لا سيدي زكري
بقات 5 سنين راني نطبع فيها كيما جات
المهم ان شاء ربي يحفظنا في هذا الخمس سننين لان التعليم اصبح صعيب و صعيب بالبزاف
وربي يستر الشيوخة جدد ان شاء الله
وبارك الله فيك يا سي كمال

[waw44]

المشاركة الأصلية كتبت بواسطة هوني لخضر

راني سمعت رايحين يطلعونا للصنف 12 و ممكن حتى 13
يا و لو كان يطلعونا ل13 الواحد من ذروك يفكر في الحج حتى يغسل عظامو

شد في داك الحساب راني خايف يطلعوكم للـ 17 وماتقدروش تهبطوا الطلعة ماشي كي الهبطة وانت راك هابط راك دافع دوسيك

كي تجي هابط رايح كي ادير خيلك اقعد في الـ 11 نتاعك باش تجيك الهبطة والخرجة ساهلة ها واش قلت راني خايف عليك يالسي الهوني من الطيحة نتاع الـ 17 راهي واعرة بزاف وووو فكر مليح باش تخرج سلامات والحج راه مايغسلش الكبائر دير حسابك