الي تحب ولدها ما يمردش شتاءكاملة تتفضل

kakoucha · 2013-01-15, 22:45

الفكرة بسيطة.......ادا حسيتي بولدك بدا يزدر او زدر ...سعال...جيبي ماء البحر حطيه في قطاطر وقطريلو في انفو
وخليه يبصق وينسر خشمو حاشاكم
هده العملية مفيدة جدا خاصة صباحا.
ممكن تكرري العملية حتى 6 مرات في النهار او اكثر.
اما ادا كان رضيع فقلبيه على كرشو فوق رجلك و انت جالسة رايحة تشوفي واش يخرج من انفو.
صدقوني جربوها ما راحينش تزورو الطبيب شتاء كامل
والله هو الحافظ و الشافي
لا تنسوني بالدعاء

امونة الشاوية · 2013-01-16, 01:02

ربي يباركلك والله كي يمرضو الاطفال نسوفريو

وفاء سعاد · 2013-01-16, 08:47

بارك الله فيك راهو يتباع في قرع تاني عند الفرماسي

kakoucha · 2013-01-16, 09:20

شكرا حبيباتي.....انا عمرت من البحر و مخبيتو في الدار .....ما كانش ما احسن......البحر ما لقاش الي اديرو اشهاااااار

ام ظافر · 2013-01-16, 11:24

خصوصا هذا الشتاء كامل الاولاد تقريبا مرضو ربي يشافيهم ويعينا عليهم

kakoucha · 2013-01-18, 13:08

شاركونا هده الطريقة في الوقاية و عاونونا في نشرها تنحيو الغبينة على الاولاد وتتسمى حسنة جارية علينا اجمعين

ليلى القسنطينية · 2013-01-19, 17:33

شكرا على النصيحة
و جزاك الله خيرا

ام عبيدة · 2013-01-19, 18:51

بارك الله فيك

ساندي 28 · 2013-01-20, 22:00

شكرا اختي راني شريت ماء البحر في قارورة بخاخ مع لابومب نتاعها وصفهالي الطبيب لولدي نستعملها رائعة جدا ومتخلي والو في الانف شكرا لكي اختييييييييييييييييييييييييييييييييييييييييييييييي يييييييي

kakoucha · 2013-01-21, 08:52

لا شكر على واجب حبيبتي....انا الان اعيش التجربة مع بنتي عمرها 4 اشهر و بدل ما نوصل حتى ل chambre d'inhalation مثل خوها راهي ترتاح والحمد لله في 72 ساعة الاولى قبل الوصول الى antibiotique راني نهبطلها في السخانة ونقطر في ماء البحر.......ما تخافوش منو اولادنا راهم يسبحو فيه في الصيف...والله المستعان