طلب وصفة عاجل ...

حنان امرأة · 2011-12-02, 19:24

السلام عليكم
تحية لكل الاخوات
حابة طاجين المحمر ما نعرف الى عندوا تسمية اخرى
المهم مكونات الاساسية بصل كمية معتبرة
ولجم خروف من الاحسن تكون بدون عظم
والمرقة تكون تقيلة حابة الطريقة تاعوا و واش من توابل تكون فيه
انتظر ردكم
واذا فيه صور فدوني بيها
سلام

جيجلية · 2011-12-04, 10:52

وعليكم السلام ورحمة الله وبركاته

ما حبيتش نخرج بلا ما نرد

أنا ما نعرفش هذا الطاجين لكن عندي وصفة درتها في العيد وجات هايلة هي تصلح للحم والجاج

حطيت اللحم في لاكوكوط + كاس ماء وقطيرة زيت + بصلة مقطعة + شوية ثوموالتوابل فلفل اسود واحمر وكركم وكمون شوية

وملح مغرفة صغيرة على خاطر المرقة تجي قليلة وخاترة ونغلق الكوكوط كتبدا تغلي او تصف ننقص النار ونخليها تطيب بعقلها

حوالي 45د ونحرك الكوكوط ساعة ساعة

yasmina dz · 2011-12-04, 19:23

سا اختي بالنسبة ليا اذا حبيت تجي المرقة ثقيلة نكثر البصل فيها فالتوابل على حساب الذق و تجي هايلة بزاااف

فاطمة22 · 2011-12-05, 16:38

المحمر اختصاص اهل الغرب
شوفي هو يج باللحم الكثير منه في العيد الكبير هاداك ما طيبنا زيدي حبة بصل حبة طماطم بلا ما ترابيهم حطيهم هكاك عود قرفة زعفران ملح حرور وماتكثريش الماء غير حاجة قليلة غطي نص اللحم كي يطيب ديري الشامبينو وخليه يعقاد وبالصحة والراحة.