الرقاة

مريم الصابرة · 2012-02-16, 20:40

السلام عليكم يا جماعة شكرا على كل رد
اليوم جبابكم موضوع على الرقاة اللي يرقيو بالقرآن ممكن شفتو الراقي فنشرة الأاخبار اللي يصور النسا وهو يمارس معهم الزنا ويهددهم وما يشكوش بيه وزيد يعطيهم وصفات سحرية وأعشاب سامة بزاف
هذا راقي وإلا سحار واش جاب القرآن لأعمال السحر والشعوذة ظاهرة الأكيد معروفين بيها النسا السحر يا نسا علاه ربي لا يعلى عليه مي الساحر ربي أعلى منو
وهذا الراقي ما يخافش ربي ملتحي لابس قميص ويدعي القرآن وهو مشعوذ وزاني من فوق هذا ويقوم بأعمال وسخة
إذا ما ثقناش في رجال الدين في شكون نوثقو والنسا اللي لقاو صورهم معظمهم متزوجات الراجل مسكين فالخدمة ومرتو عند الراقي المشعوذ ناقشوني واش رايكم؟ شكرا

اميرة الجزائر2010 · 2012-02-16, 20:45

السلام عليكم ختي
وي اختي الغالية هذاموضوع شائع في وقتنا الكل يذهب الى المشعوذين نساء و رجال و و و انا قرات مؤخرا عن راقي مي هو مشعوذ كان يفعل ما قلتي اظنك قراته في الجريدة
والله حرام عليهم كما تدين تدان و كما تزرع تحصد هذو بنات ناس و اعراض ناس ربي لم يقل هكذا لهذا اختي شيء ربي نهانا عنه و نحن نتعمل بفعله سوف يؤدي بنا الى الهلاك و نقولو وعلاه راه يصرالي هكذا
ربي يهدينا امين و يفتح علينا امين
شكرا مريلينا

الامل في الله · 2012-02-16, 20:48

الشرع واضح وضوح الشمس : لا يختلي الرجل بالمراة الا ان كانت من محارمه فلو كانت كل امراة تحضر عند الراقي تحضر معها زوجها او ابها او اخيها ما كانت الجراة تاتي لهدا الرجل ايضا فالراقي لا يجوز لخ ان يلمس المراة ابدا فكيف تتركه المراة يفعل دلك

اختي مريلينا قرات مرة في احد ردودكانك مريضة اتمنى ان تكوني بخير و اطلب من الله سبحانه و تعالى ان يشفيك

محمد...عبد النور · 2012-02-16, 20:54

السلام عليكم و رحمة الله و بركاته
صح موضوع مثير و متجدد كل مرة يكتشفون من يدعي أنه يمارس الرقية و غايته منها الكسب المالي و بعدها يزيد على ذلك فيصبح همه إشباع نزواته و غرائزه ....ووو
لكن العيب في جهل من يذهب عنده
فالأفضل للشخص أن يتعلم دينه و عقيدته و يتجنب الوقوع في براثن من هم على شاكلة هؤلاء من الذئاب البشرية و السحرة و المشعوذين
و خير من أن نطلب من الناس رقيتنا فلنتعلمها و نرقي أنفسنا بأيدينا و نجعلها عبودية لله و تقربا إليه لأنها أي الرقية دعاء و طلب الشفاء
ربي يهدينا و يعلمنا ديننا و يسترنا دنيا و آخرة
شكرا أختي مريلينا على الموضوع و جزيتي الجنة
ســـــــــــــــــــــــــــــــــلام

اميرة الجزائر2010 · 2012-02-16, 21:00

من يبتعد عن الله سوف يتعب و يشقى و في الاخير يرد الى الله يا رب اهدينا و فرج علينا و كل واحد يحافظ على نفسو و يطيع الله و لا يفعل ما نهى عنه فسوف يعيش سعيداو مقتنها و ربي يعطيه من حيث لا يحتسب

مريم الصابرة · 2012-02-16, 21:02

اقتباس:

المشاركة الأصلية كتبت بواسطة اميرة الجزائر2010

السلام عليكم ختي
وي اختي الغالية هذاموضوع شائع في وقتنا الكل يذهب الى المشعوذين نساء و رجال و و و انا قرات مؤخرا عن راقي مي هو مشعوذ كان يفعل ما قلتي اظنك قراته في الجريدة
والله حرام عليهم كما تدين تدان و كما تزرع تحصد هذو بنات ناس و اعراض ناس ربي لم يقل هكذا لهذا اختي شيء ربي نهانا عنه و نحن نتعمل بفعله سوف يؤدي بنا الى الهلاك و نقولو وعلاه راه يصرالي هكذا
ربي يهدينا امين و يفتح علينا امين
شكرا مريلينا

السلام عليكم اختي العزيزة نظن نفسو الراقي الليوراوه فالنشرة من باب الواد فالحقيقة ونهدرو الصراحة النسا معروفين بالسحر اكثر من الرجال نكنو صراحا ربي يهدي الخلق نقولك الصح أنا نقرا القرآن وحدي فالما وما نروحش للرقاة هذو جامي رحت ربي يهدي الناس يا ختي الدنيا ولات واعرة شكرا

مريم الصابرة · 2012-02-16, 21:54

اقتباس:

المشاركة الأصلية كتبت بواسطة amall

الشرع واضح وضوح الشمس : لا يختلي الرجل بالمراة الا ان كانت من محارمه فلو كانت كل امراة تحضر عند الراقي تحضر معها زوجها او ابها او اخيها ما كانت الجراة تاتي لهدا الرجل ايضا فالراقي لا يجوز لخ ان يلمس المراة ابدا فكيف تتركه المراة يفعل دلك

اختي مريلينا قرات مرة في احد ردودكانك مريضة اتمنى ان تكوني بخير و اطلب من الله سبحانه و تعالى ان يشفيك

السلام عليكم اختي شمرا على المشاركة الرائعة ربي يهدي عبادو من المفروض المرا ما تشوفش الغريب وحتى لو راقي تروح مع الوالد نتاعها وترفض يلمسها مي ولات كل شي عادي ربي يهديهم
أختي شكرا على السؤال فالحقيقة أنا دايما مريضة مصابة بمرض مزمن مي الحمد لله حاجة ربي ألف مرحبا

مريم الصابرة · 2012-02-16, 22:00

اقتباس:

المشاركة الأصلية كتبت بواسطة لذريق

السلام عليكم و رحمة الله و بركاته
صح موضوع مثير و متجدد كل مرة يكتشفون من يدعي أنه يمارس الرقية و غايته منها الكسب المالي و بعدها يزيد على ذلك فيصبح همه إشباع نزواته و غرائزه ....ووو
لكن العيب في جهل من يذهب عنده
فالأفضل للشخص أن يتعلم دينه و عقيدته و يتجنب الوقوع في براثن من هم على شاكلة هؤلاء من الذئاب البشرية و السحرة و المشعوذين
و خير من أن نطلب من الناس رقيتنا فلنتعلمها و نرقي أنفسنا بأيدينا و نجعلها عبودية لله و تقربا إليه لأنها أي الرقية دعاء و طلب الشفاء
ربي يهدينا و يعلمنا ديننا و يسترنا دنيا و آخرة
شكرا أختي مريلينا على الموضوع و جزيتي الجنة
ســـــــــــــــــــــــــــــــــلام

السلام عليكم أخي الفاضل شكرا على المرور الكريم والعطر
العمل الرقية العاية النزوة معك كل الحق فالحقيقة يا اخي أنا نرقي روحي نتوضى ونقرا قرآن في قرورة ماء ونشربو ديما قبل النوم نرقد مرتاحة جامي رحت للراقي هذا وجامي جربت الرقية عن طريق شخص ربي يهدينا يا اخي الغلطة فينا غحنا النسا بكل صراحة تمادينا شكرا لك اخي

مريم الصابرة · 2012-02-16, 22:06

اقتباس:

المشاركة الأصلية كتبت بواسطة اميرة الجزائر2010

من يبتعد عن الله سوف يتعب و يشقى و في الاخير يرد الى الله يا رب اهدينا و فرج علينا و كل واحد يحافظ على نفسو و يطيع الله و لا يفعل ما نهى عنه فسوف يعيش سعيداو مقتنها و ربي يعطيه من حيث لا يحتسب

السلام عليكم يا ختي اللي يبعد على ربي هكذا يسرالو راني معاك واحد المرا جات وحدة تطلب مرا كبيرة فتحت الباب في دارنا قاتلي اعطيني الصدقة دخلت جبتلها نصيب وبعض الحوايج من نتاع يمى المهم شوكاتني مديت يدي نمدلها شدتهم ومن بعد بدات تهدر في واحد الهدرة وراه جايك راجل وكذا وكذا وعندك كذا وكذا خلعتني نحيت يدي نجري قلتلها الحاجة إنعلي بليس أنا ما نحبش هذو الصوالح تخيلي واش قاتلي باين عليك جايحة إلحقي زهرك شوكاتني عايرتني في دارنا لازم نشوف زهري عندها وإلا تعايرني ياخا نهار كامل وأنا مشوكية قالي واحد الراس حاوزيها مي حشمت مرا كبيرة قلتلها الحاجة روحي إطلبي السماح من ربي ما بقالكش هههههههههههه يا ختي اميرة شوفي زهرك أنا وإنت فاتنا التران هههههههه ما نقدرش حتى نجري موراه روحي إنت ههههههههه

اميرة الجزائر2010 · 2012-02-16, 22:13

اقتباس:

المشاركة الأصلية كتبت بواسطة مريلينا

السلام عليكم يا ختي اللي يبعد على ربي هكذا يسرالو راني معاك واحد المرا جات وحدة تطلب مرا كبيرة فتحت الباب في دارنا قاتلي اعطيني الصدقة دخلت جبتلها نصيب وبعض الحوايج من نتاع يمى المهم شوكاتني مديت يدي نمدلها شدتهم ومن بعد بدات تهدر في واحد الهدرة وراه جايك راجل وكذا وكذا وعندك كذا وكذا خلعتني نحيت يدي نجري قلتلها الحاجة إنعلي بليس أنا ما نحبش هذو الصوالح تخيلي واش قاتلي باين عليك جايحة إلحقي زهرك شوكاتني عايرتني في دارنا لازم نشوف زهري عندها وإلا تعايرني ياخا نهار كامل وأنا مشوكية قالي واحد الراس حاوزيها مي حشمت مرا كبيرة قلتلها الحاجة روحي إطلبي السماح من ربي ما بقالكش هههههههههههه يا ختي اميرة شوفي زهرك أنا وإنت فاتنا التران هههههههه ما نقدرش حتى نجري موراه روحي إنت ههههههههه

كما قلتي فاتنا التران ههههه مي منروح حتى مكان لازم نحمجو ربي واش نحالك راه يمدهولك " و ما منعك حتى يعطيك " و لسوف يعطيك ربك فترضى " الحمد لله على كل حال مرات الانسان تضيق به الدنيا و يرى اصدقائه في جهة و هو في جهة يضيق به الحال مي من بعد تحمد ربي لنه هو الذي يعطي و ياخذ و واش مديتوش هنا تديه عن ربي الحمد لله
خلينا مريلينا يهرب التران يجي النهار وين يولي يحوس هو علينا هههههههههههه

محمد...عبد النور · 2012-02-16, 22:14

صح أختي مريلينا ، مرات نتلاقى مع أشخاص يلجؤون الى هذا العمل و مين ننصحهم يقولولي واه عندك الحق و رانا غالطين فقط نروح عليهم يرجعوا لعادتهم ،هم متسولون أكثر منهم دجالون و المشكل يبقى فيمن يصدقهم
الله يهدينا جميعا و يصلح أمورنا
ســــــــــــــــــــــــــــــــــلام

مريم الصابرة · 2012-02-16, 22:19

اقتباس:

المشاركة الأصلية كتبت بواسطة اميرة الجزائر2010

كما قلتي فاتنا التران ههههه مي منروح حتى مكان لازم نحمجو ربي واش نحالك راه يمدهولك " و ما منعك حتى يعطيك " و سوف يعطيك ربك فترضى " الحمد لله على كل حال مرات الانسان تضيق به الدنيا و يرى اصدقائه في جهة و هو في جهة يضيق به الحال مي من بعد تحمد ربي لنه هو الذي يعطي و ياخذ و واش مديتوش هنا تديه عن ربي الحمد لله
خلينا مريلينا يهرب التران يجي النهار وين يولي يحوس هو علينا هههههههههههه

السلام عليكم اختي الصراحة أنا والله ما علابالي يجي وإلا يروح وإلا كاين تران من أصلو عايشة مهنية اللي يمدهالي ربي ألف مرحبا عليها لولا الأقدار لو كنت الآن أم مي الله غالب ربي يرحم خطيبي من بعدو جربت وربي ما كتبش ضرك والو جامي يا ختي ما نعاودها راني مع يمى ربي يخليهالي والمكتوب عند الله نحوس نبرا برك ترجعلي صحتي هذا ماكان
شكرا

اميرة الجزائر2010 · 2012-02-16, 22:21

بالشفا ختى الغالية الصحة احسن من كل شيء ربي يشافي اختي و تحتاجي اي شيء لا تترددي لن اسامحك رانا اخوة في الله

مريم الصابرة · 2012-02-16, 22:26

اقتباس:

المشاركة الأصلية كتبت بواسطة لذريق

صح أختي مريلينا ، مرات نتلاقى مع أشخاص يلجؤون الى هذا العمل و مين ننصحهم يقولولي واه عندك الحق و رانا غالطين فقط نروح عليهم يرجعوا لعادتهم ،هم متسولون أكثر منهم دجالون و المشكل يبقى فيمن يصدقهم
الله يهدينا جميعا و يصلح أمورنا
ســــــــــــــــــــــــــــــــــلام

السلام عليكم يا اخي أغلبهم دجالين ومتسولين والباقي سحرة والعياذ بالله ونسا يخسرو دراهم كبار على خرافات ربي يهدي ماخلق سرتني مشاركتك المميزة بموضوعي جزاك الله خيرا وعليكم السلام ورجمة الله تعالى وبركاته

مريم الصابرة · 2012-02-16, 22:30

اقتباس:

المشاركة الأصلية كتبت بواسطة اميرة الجزائر2010

بالشفا ختى الغالية الصحة احسن من كل شيء ربي يشافي اختي و تحتاجي اي شيء لا تترددي لن اسامحك رانا اخوة في الله

السلام عليكم حنونة ربي يجازيك الصحة هي كل شي منين ذاك نتقلق ونقنط من المرض من بعد نستعفر ربي ونولي عادي شكرا حنونة كنت محتاجة لأخت ولقيتها فالمنتدى راكي ختي وزيد لقيت اخوات الله يبارك وحتى إخوة شباب تبارك الله شكرا عزيزتي ربي يخليك