سؤال : كيف تفعل و بماذا ستبدأ

[عبد النور 1980]

السلام عليكم و رحمة الله و بركاته
جمعة مباركة للجميع و تقبل الله صالح أعمالكم
فقط أردت أراءكم في مسألة مهمة أرجو أن تتكرموا علينا بآرائكم و تجاربكم - بارك الله فيكم -:
تظن أنك وجدت رفيقة حياتك، ما هي الخطوات التي تبدأ بها للتقدم اليها في ايطار شرعي و حسب عرفنا و ما هي أيضا المخاوف و الهواجس التي تتملك المقدم على هاته الخطوة اذ أن الزواج حياة ان قدر الله ذلك و ليس لعبة
شكرا لكم مقدما و أرجو تواصلكم
ســـــــــــــــــــــــــــــــــــــــــــــــــ ـــلام

[جسور المحبة]

الاستخارة ثم الاستخارة والاستشارة وبعدها تقدم على بركة الله

[أم رقية نسرين]

أوّل شيئ هو الإستخارة ثم الإستخارة

[رزان.]

عليك بالإستخارة و الله يسهلك و يرزقك بالطيبة الصالحة آميــن

[عبد النور 1980]

بارك الله فيكم أخواتي :جسور المحبة ، طالبة تاريخ ، نور الهدى على المرور العطر
و بارك الله فيكن

[moussaamin1982]

أعيش هذه الحالة بالضبط ....انا متردد جدا وخائف........ هي ابنة عمي اعجبتني كثيرا فيها كل المواصفات التي أبحث عنها....لكن.....انا متردد بسب انني ليس لي وظيفة و فقير رغم انهه لدي منزل الواد يمكنني ان اعيش فيه + أشتغل براتب 15000 دينار تشغيل الشباب ...مرة أقول ان سني صغير 29 سنة ....مرة أقول أنني لازلت أفكر في الهجرة إلى اوربا ولا داعي لان أربط نفسي ...مرة اتحدث عن التاويل والدراهم اللي ماعنديش........انا في حيرة واعلم ان حلها عند ربي.

[عبد النور 1980]

بارك الله فيك أخي موسى أمين

[عبد النور 1980]

السلام عليكم أخي موسى أمين
بارك الله فيك و الله يغنيك من بابه الواسع و يوفيلك ما تتمنى
كلمة وحدة نقولهالك ليا بنت عمك تشوفها تليق لك و الله زدم الآن تخاف يطيرو بيها على خاطر هاذي بنت عمك و تعرفها و تعرف دار عمك و الرزق على ربي فقط اجتهد في بذل الأسباب و اذا كنت تشوف بلي ما راكش موجد روحك و ممكن تظلم بنت الناس اصبر شوية و الأولى تقدم على بركة الله و الله يكفيك و يغنيك و ييسر لك كل أمورك
ســـــــــــــــــــــــــــــــــــــــــــــــــ ــــلام

["زينب"]

الإستخارة و التوكل على الله و الأخذ بالأسباب و ربي يسهل كل شيء
أول خطوة الشاب يكلم أهله و يسأل جيدا عن الفتاة ثم الخطبة مباشرة و ترك المجال لأهل الفتاة للسؤال عن الخاطب و الباقي قضاء و قدر " المكتوب"

[عبد النور 1980]

السلام عليكم و رحمة الله و بركاته
شكرا لك أختي "زينب" و بارك الله فيك

[محبة الله الجزائرية]

الإستخارة ثم الإستخارة
ثم توكلواااا على بركة الخالق

[عبد النور 1980]

السلام عليكم أختي ** محبة الله الجزائرية**
و بارك الله فيك على المشاركة الطيبة

[سمية 85]

ينادي الرجل امه...... لعزوج .......راني قررت نتزوج .........ونخليلك انت الي تخيريها كيما بغيتي
ولكن ديري في بالك حاجة بسيطة ......
نحبها صغيرة ما تجاوزتش22 سنة.......ونحبها قارية في الجامعة ........ونحبها متربية ..........ونحبها مترسمة في خدمة محتارمة ........ونحبها جميلة وطويلة وشعرها رطب واذا عينيها زرق مافيها والو قابل ..........وبنت فاميلا وناس .......ونحبها ما تشرطش بزاف ماعندي منين نجيبلها ........ونحبها تعيش معايا في دار بابا وما ديرليش المشاكل .......ونحبها تولد عندك لا يخدعوك .....ونحبها طول بالها شوي حتى نوجد روحي .........ونحبها.وقبل ما يكمل كلامو قالتلو امو نقولك يا وليدي روح حوس عليها انت خير واذا لقيت جيب منها حتى زوج او ثلاثة لخاوتك الاخرين وحتى اذا كاين منها لباباك ماعليش راني قابلة
.........بالصح نوصيك ياوليدي قبل ما تلحق 40 سنة روح وما تخليش روحك هايم على وجهك هكذاك وقولي انا نتصرف


قولولي بربكم ماشي هذه كلها اصبحت شروط الراجل ....اذا كبرت القتاة شوي يا ويلها ممكن ماتولدش واذا قرات خلاص بنت الجامعة ما تلزمنيش واذا ماقراتش واش ندير بيها واذا ما ترسمتش مانحطش رجلي في الغر واذا متوسطة الجمال لا هذه ليست رغبتي واذا قالت داري وحدي لالالالا هذي بدات من الاول تشرط .........

اولا للأمانة هذا الكلام منقول

لذلك حبيت نقول ان الرجل لما يقرر الزواج يديها سنوات وهو

يحوس ولما يجد العروس يديها شهور وهويطلع ويهبط بصح

من بعد كيفاش يديها ؟؟؟؟؟؟؟؟؟؟

[عبد النور 1980]

السلام عليكم أختي و بارك الله فيك
قلت يا أختي الكريمة :كيفاش يديها؟أقول لك : واه كيفاش يديها،هنا نسأل عن الطريقة و العرف الجاري و بعض التوجسات التي تعترض سبيل المتقدم للزواج على سبيل التفصيل ان أمكن أما بالاجمال فهو معروف خطبة و عقد و زواج
و شكرا على مرورك العطر
سلام

[سمية 85]

و ما هي أيضا المخاوف و الهواجس التي تتملك المقدم على هاته الخطوة اذ أن الزواج حياة ان قدر الله ذلك و ليس لعبة
شكرا لكم مقدما و أرجو تواصلكم
ســـــــــــــــــــــــــــــــــــــــــــــــــ ـــلام[/QUOTE]



وانا ركزت على كلامك الأخير لان العرف الشرعي معروف لاجدال فيه وإنما المشكلة تكمن في المخاوف