تابع لمشكلتي في القسم

مشكلتي · 2011-12-04, 20:45

السلام عليكم ورحمة الله
انا صاحبة الموضوع
https://https://www.djelfa.info/vb/sho...d.php?t=791242

اود ان اشكر كل ما ساعدني وربي يهدي كل من اخذ مشكلتي بموقف مضحك
المهم الاستاذة المسؤولة قامت بتغيير لي المكان مع طفلة اخرى واجلست الطفل اللي كان معايا مع صحبتها
ما هدروا والوا قالوا نورمال ولعشية راحت بدلت البلاصة ومزية كانوا كاين غيابات راح قعد وحدواا
كي خلاصوا الحصص هدرت مع الطفلة قاتلي تعيشي صحبتي ماهيش حابة تقعد مع هاذاك الطفل
وهوما نورمال ما هدروا والو كي بدلت الاستاذة وراحوا بدلوا شغل عااادي
.... وانا باش نحوس على طااولة دوووك وحدي ما لقيتش كيفاه نروح نسرق من اقساام اخرى ...
قلت للسورفايونت قاتلي دوك نشوفلك طااابلة ما زاداتش كااامل حوست
كرهت بزااااااااف وراااني حااايرة خايفة تاثر عليا هاد المشكلة في دراستي خصوصا عندي الشهادة هذا العام وعمري ماصرالي مشكل كيما هاك العام ليفات تاني كنت قاعدة مع طفل بصح هو في حدو وانا في حدي مي هذا العام الله غااالب
ما هو الحل في رايكم
بعيدا عن الردورد الصبيانية

/زهرة عصفور الجنة/ · 2011-12-04, 20:55

الحل في نظري ان تلحي على المراقبة حتى تأتيكي بطاولة وترتاحين منه اختي ربي يوفقك ان شاء الله

mis · 2011-12-04, 21:05

معليش اصبري الصبر مفتاح الفرج ربي دائما يكون مع الصابرين

ناصرالدين الجزائري · 2011-12-04, 21:11

انصحك أختي أن تخبري ولدك أن مشكلتك لم يتم التعامل معها بجدية من طرف الأساتذة ... فالادارة و الاساتذة قد لا يهتمون بمشاكل التلاميذ احيانا و يعتقدون ان مشاكلهم ليست لها اهمية ... لكن والدك سيعرف كيف يتحدث معهم ... كيف لا و قد أخبروه انهم سيتكفلون بحل هذا المشكل و الى اليوم نرى تخبطهم ...

و كان الله في عونك ...

بســ *الأمل*ــة · 2011-12-04, 21:29

أختي حاولي تتغاضاي على هذه المشاكل وفكري فالشهادة والنجاح لانها ممكن ان تلهيك عن دراستك وتضعك في دوامة لا حصر لها استعيني بالله وان اضطر الامر أخبري والدك ربما تجدين لديه الحل

اية الرحمن1988 · 2011-12-04, 21:32

ننصحك أبقاي على رايك ومتغفليش ديما حوسي على طابلة
ولا ذكري المراقبة هكا يكرهو من كثرة إصراراك ويجيبولك طابلة ويهنيوك

غصون الاسلام · 2011-12-04, 21:33

اختي روحي اشري نظارات نتاع شوف

و لبسيهم و قولي للاساتذة نتاوعك لازم نقعد من القدام لاني مرانيش نشوف مليح

و راح يبدلولك بلاصتك

بالتوفيييييييييييييييييق

** موحدة 02 ** · 2011-12-04, 22:00

حنونتي الله يحفظك زيدي ادي باباك و هو يهدر معاهم و الصامط يغلب القبيح

هاجر 76 · 2011-12-05, 17:05

هدى المشكلة حتى وهى صغيرة بالنسبة لسنك قادرة تاتر على دراستك يااختى ادا ماساعدوكس المراقبين لازمك تخبرى والدك ياخد المشكلة بجد ويتكلم مع المدير طابلة ليك وحدك مراهيش امر مستحيل
الله يفرج همك ويفرحك

~~كاشف النصابين~~ · 2011-12-05, 18:05

اصلا لا يجب ان يجلس الولد مع البنت في القسم في وقتنا هذا فنصف الاولاد لا يعرفون التربيه

اخبري والدك ان يذهب و يكلم المدير و ان لا يسكت ابدا لاني قلتي في موضوعك الاول ان هذا الشخص يزعجك بكلام غير مقبول و لا احد يرضى لابنته او اخته بهذا الكلام
فعلى والدك التكلم مع المدير اما ان يحضرو لك طاوله لوحدك او يرو حل لهذا الولد
و يجب ان يكلم اخته التي تدرس عندكم
و ان اردت حلها بطريقه الصعبه اخبري اخوك ذا عندك اخ او احد اقاربك ابن عمك و اي شخص اكبر منك و اتركيه هو يتولى تربية هذا السافل

كَـآهُو · 2011-12-05, 20:22

يا اختي لازم تديري حد لهاد المشكلة وخصوصا عندك امتحان شهادة التعليم المتوسط

و الوالدين وين راهم

لازم يكونو صارمين في هاد الوقت و ياخدوه بجدية اكثر

و قتلك بدلــــــــــــي القسم ادا قدرتي

*الحواس* · 2011-12-05, 20:41

يجب أن تأخذي طاولة إضافية من أي قسم حتى لا يتضرر أي تلميذ عند أخذك للطاولة

بلبلة الجزائر · 2011-12-05, 22:16

يا صغيرتي خذي صديقتك بوقت الراحة و اذهبا لقسم مجاور

و اخذي طاولة اضافية بعد أخذ الاذن ............اما التاثير الدراسي اكيد سياثر لذلك ساااااااارعي حبيبتي

ولاتنسي اخبرينا بالجديد وحفظك الله ورعاك

اتمنى لكي النجاح بالشهادة يارب تنجحي