زواج مع الاجنبية (قاورية) افضل.........

aminerag · 2012-06-16, 15:39

الزواج من اجنبية (قاورية()افضل بكثير من بنت البلاد خاصة ليكون عايش في اوروبا

اخي عايش في فرنسا كان متزوج مع فرنسية دخلت في اسلام وكان عايش هاني كان ديما متهلي فينا وفي امي لكن مبعد طلقها ويانتله في بنت البلاد

وانا حذرته بصفتي عايش في ذزاير ونعرف الميليو كيراه يتمشىى من بعد ضربت عام اخي تبدل في عقليته

انسنا تقريبا وليام تاع زمان راحت و امرة تبدلت ولت تتكبر حتى نهار لفاق راسو طلاقها ورجع مع فرنسية

عادك فاق

و حتى انا رني نتمى نتزوج اجنبية

الاجنبية الا حبنتك ما تنافقش ومعندهمش عقلية تاع العجوزة ومشاكل هديك و تحسبلكش.

ترب الندى · 2012-06-16, 15:48

و من منعك من ذلك
لكن
كآآمل الشباب من حقهم يفكرو كيفك
حتى ما تكون اناني
و جيب لخواتاتك
فرنسيين
خواتاتك نقصد
انا و هي و هن

الجليس الصلح · 2012-06-16, 16:02

كل واحد ليه اختياروا ويتحمل ما اختار بنت البلاد بنت برى المهم يتزوج بالحلال ولله في خلقه شؤون

soso sirin · 2012-06-16, 16:07

ماشي دايمن مي عندك الحق في حاجة انو بنت البلاد تفوت تقطع تحسب راهي قطعت للجنة ربي يهدينا برك انا خويا تاني متزوج في فرنسا مي المرا من هنا معنتها جزايرية اصلها من بوسعادة مي هي تولدت تم مي والله تربيتها ماعندي مانقول فيها و الله مرا و نص تموت على والديا و بابا دايمن يقول لخويا والله كون ديتها منا كون بلاك صوتك توحشناه و هي والله عقليات ربي يجيب الي فيها الخير

ايمان نور الجزائر · 2012-06-16, 17:01

الله يسهل الزواج قدر ومكتوب
لي بغات قاوري تقدر تصيبو ولي بغاها قاورية كاين الطيارة
اما انا فنقول من غير وليد بلادي ما ندي

aminerag · 2012-06-16, 17:16

بنت البلاد العرس ينقام 100 مليون

الاجنبية ينقام 10 ملاين

حلاوة_87 · 2012-06-16, 17:26

عندي 6 خاوتي ذكور..2 متزوجين مع اجنبيات""قاوريات"" و2 متزوجين مع بنات البلاد..وواحد خاطب قاورية والاخير مازال مقررش يتزوج...المهم خاوتي المتزوجين مع الاجنبيات يقولو لخاوتي لاخرين رانا مهنيين عليكم من جهة العقلية والمصاريف وكل شيء..لكن بالنسبة ليا انا مطلقت حتى وحدة فيهم في 4 خلقت معاهم مشاكل...يعني الخلل فيا..

~~س.مراد~~ · 2012-06-16, 17:30

فيف القاورية

يونس معبدي · 2012-06-16, 18:33

اقتباس:

المشاركة الأصلية كتبت بواسطة aminerag

بنت البلاد العرس ينقام 100 مليون

الاجنبية ينقام 10 ملاين

متى يتحل هذا المشكل؟

يونس معبدي · 2012-06-16, 18:36

كل واحد يحب الشئ اللي يخرج عليه
واذا كانت اجنبية و مسلمة شكون اللي يتزوجها
ياك غير المسلم

miss catirin · 2012-06-16, 19:07

desoléé mes rak ghalette wa7ede yekouli gawri dezeweje b gawria tele9 w dezeweje we7eda jazaieria
de5ele f l isselam w rahoum 3aiechin la belle vie
w koul wa7ed yedir wach you5reje 3lih mes haka rak tessahem bah nebourou 7ena 5ewatatek

Rihanna · 2012-06-16, 19:22

أنا ثان راني حابة نتزوج بأجنبي
الرجال في الجزائر ماكان ماكان

يونس معبدي · 2012-06-17, 07:33

اقتباس:

المشاركة الأصلية كتبت بواسطة Rihanna

أنا ثان راني حابة نتزوج بأجنبي
الرجال في الجزائر ماكان ماكان

عُضو مُحترم · 2012-06-17, 09:08

اقتباس:

المشاركة الأصلية كتبت بواسطة rihanna

أنا ثان راني حابة نتزوج بأجنبي
الرجال في الجزائر ماكان ماكان

الله غالب

انتي ما تلاقيتيش بالرجال تاع الصح

بويسك تعرفي غير الانانيش

كون عرفتيني تبدّلي رايك

أم دارين · 2012-06-17, 09:15

السلام عليكم

كي شفت الموضوع كنت محضرة خطبة عن أخطار الزواج بفرنسية

لكن كلمة وحدة حبستني هي كلمة مسلمة

صح إذا الواحد تزوج بأجنبية مسلمة ما عندو واين يزيد
لأنو الأجنبية غير المسلمة فيها مشاكل بزاف بزاف بزاف من حيث الأولاد وتربيتهم وووووو

وبنت البلاد وما أدراك ما بنت البلاد
كيما يقولوها خاف من الجيعان إذا ذاق ومتخافش من الشبعان إذا جاع

حنا نتسماو كامل مسلمين لكن نبقاو مسلمين غير بالكلام يعني المعاملة ربي يجيب

لكن الأجنبية هي أصلا أخلاقها مافيهاش النفاق وكي تزيدلها الاسلام تكمل والكمال لله

طبعا بنات البلاد ماشي كامل كيما قلت لكن الأغلبية راه هكذا

وبالنسبة للأجنبية لوكان تلقاها مسلمة قبل ما تعرفك يكون خير وخير
لأنو اللي تسلم على جالك فيها وجهة نظر

ربي يرزق الجميع بأزواج صالحين يا رب العالمين