الشباب الجزائري كامل مريض

[متنازل]

السلام عليكم و رحمة الله و بركاته

الشباب الجزائري كامل مريض

مريض و تعبان وقاضي و قريب يتبيريمي
(رايي و انا حر فيه) ياك هاذ العبارة اصبح مجنيٌ عليها، و ندير فيك اللي تدار و ما تدارش و مبعد نطفيك بيها

مايروحش فكركم لبعيد (لان مستوى حسن الظن عال في المنتدى)

نقصد

ظاهرة ملاحظة (استنتجها الباحث S.D.K) مفادها ان
اغلب شباب الجزائر عنده امراض عضوية (النفسية مش موضوعي) بدنية تتعبه و تصعب عليه الامور و تخليه يشيخ في عمر الزهور (ما نأمنش بالتالية لكن كتبتها)
"La tension راه دايرة فيً حالة الوقت التالي "تطلع و تهبط" يوميا نوزن عند pharmacie.... "
"بعد ربي سبحانه l’insuline راها نافعتني….."
"وليت نحس بالام في المعدة/الظهر/ رجلي/عينيً......(اللي في وجهي مش زوجتي المستقبلية)....

هذا الكلام ليس لكبار سن هرموا، بل
هي بعض الردود من شباب في عمر 22/27/30 (اللي فات 30 ماكش جون اسمحلي ماتحشيش لروحك)
عن نفسي (الحمد لله احسن من غيري، لكن ظهري تقوس كيماهاك( و العين اليمنى 4/10)

نتمنى تكون الفكرة وصلت، و نسأل
1*هل تتفق مع الباحث في هذه الظاهرة ؟ (للعلم لم يقم بمنهجية البحث العلمي)
2*كيف سيكون الحال بعد الزواج؟ (اللي هو الان مسؤولية و زوجة نكدية و ذراري مصمطين عليً "ماهوش تعريفي") يعني تطلبلك صحة
3*هل من حلول؟؟؟ لانك عندما تكتب مشكل لازم تمد حلول (اقوم بمنهجية البحث العلمي احسن من S.D.K)

الحل في نظري (و نتمنى مايكونش بعيني اليمنى) كول اللحم ياسر، في الفطور و في الغداء وفي العشاء (الخروف تحديدا)

وبالمناسبة ما ننساوش شقائقنا نفرحوهم و نبث لهم البشرى
افرحوا و زغردوا يالبنات*** رانا رايحين نقضاو بعد ايامات*** و نخلولكم 2381741 كم مربعات ......

ربي يشافي جميع المسلمين
sadik