تصدقوا والا تكذبوا.....والله تشوكيت!!؟

قدوتي رسولي · 2011-11-17, 20:26

السلام عليكم
واش راكم نتمنى تكونوا çv المهم الخبر الحصري والجديد انو ثانويتنا بدات توزع في بطاقة الرغبات وكامل الاقسام عطاولهم
مام احنا مي لقاونا نديروا في فرضـ الفيزيـــأآإء فقالولنـــــأآ دركـ نرجعوا والحد الآن ولا خبر المهم
انا مانيش حايرة في هدي مي ماشي داخلـــة مخــي كيفاه واحد مازال ماقيمش روحوا ومازال ماشافش la note نتاعوا في المواد العلمية ويعطوه يخير
بصراحـــ’ة رانــــي حايرة واش ندير parce que اختـــي قاتلي المرة الاولى ديري math ومن بعد قالتلي ديري علوم باسكو تحتاجيها في medecine والمات مايقراوش مليح علوم واختي راهي تقرى في الطب "ادعولها"
mais mama et papa قالولي ديري ماااااااااااات

وانا ماعندي حتى ميول باسكو ماشفتش روحي
وقلت نصلي صلاأة الاستخارة ونشوف؟

وانتم واش رايكمـــ وجهونــــــي لعل وعسى ربي يسهلـــي
تعبتكم وطولت عليكم
bon chance
اورفوااااااااااار et b.8

منة الرحمن · 2011-11-17, 20:30

ختي حتى بالرياضيات تقدري تتوجهي طب .. لأنو شعبة الرياضيات فالباك فالترتيب هي الاولى وبعدها تقني رياضي وبعدها علوم

و الأولوية فالطلبات دائما للرياضيات ..

titi2010 · 2011-11-17, 20:42

ديري ماااااااااااات

ريحآنة الوفآء · 2011-11-17, 20:51

اولا اختي قولولهم يستنوكم حتى تشوفو لنوت تاوعكم و لكان ماهدهمش ربي الله غالب
انا نحترم راي والديك بصح شوفي الحاجة الي تساعدك اذا انت حابة علوم غير اقري علوم و اذا رياضيات اقري رياضيات
و ماتخافيش مرة اخرى ان شاء الله في الباك كي كون معدلك كبير مايهمكش ديري واش تحبي
انا حابة رياضيات بصح قالولي صعيبة قلتلهم انا ديمة عندي الامل و مايهمنيش لازم مانصعبش الامور قالولي انحنا ننصحوك و خلاص و مازلت نخمم الكل قالولي رانا كنا كيفك و مشكلتك كيفا مشكلتي ماما و papa قالولي اقري واش تحبي المهم طب في الاخير
و انا مانحبش الطب لانهم كثرو و انا حابة نقرا pilote و قالولي لازم تنحي الخمار و انا غير هذي الي مانديرهاش تبقت في التعليم هو الخدمة المناسبة للمراة بصح ندرس في الجامعة
يعني نقرا في المدرسة العليا اللاستاذةة علوم او رياضيا ت او فيزياء
و طولت عليك حكيتلك واش عندي الكل بلا ما افدتك ربما اسمحيلي

شيماء 28 · 2011-11-17, 20:59

نعم صلي صلاة الاستخارة وسيوفقك الله الى مايحبه ويرضاه

~~قـطر الندى~~ · 2011-11-17, 21:04

بالمناسبة عندكم شعبة رياضيات احنا ماحلوهاش بوبسك مكانش لروحولها بزاف

الجزائرية 2010 · 2011-11-17, 21:17

نصيحتي ليك ديري علوم تجريبية حتى كي تطلعي للجامعة تقدري تختاري وش تحبي مش كيما الرياضيات
وربي يوفقك

الجزائرية 2010 · 2011-11-17, 21:18

حنا مازال مامدولناش بطاقة الرغبات صراحة

امال08 · 2011-11-17, 21:42

شوفي انت صلي صلاة الاستخارة ومن بعد ربي يديرلها حل وخاصة اذا كان والديك عندهم علم بهاد المجال فديري كما يقولولك لخطر هما يبغوا مصلاحتك بصح انت دايما شوفي ميولكو قدراتك واستخارتك لربي راه يتوضحلك الاحسن ليك في حياتك

imado07 · 2011-11-17, 21:49

ديري ماااااااااااات
كيما انا

hadadji13 · 2011-11-17, 21:49

الى الخت التي قالت بان العلوم التجريبية تقدري تختاري واش تبغي العكس الرياضيات هي التي لها الاولوية في كل الاختصاصات وهي التي تقدري تختاري اي تخصص حتى الطب وانا نقولك اختي اختاري المات احسن وانا تاني رايحة نختارها لاني نفم الماث والفيزياء عكس العلوم

maroin · 2011-11-17, 22:03

ديري ماات وخلاص

محبة بلادها · 2011-11-17, 22:14

ربي يكون في عونك اختي

همسة ◕‿◕ برآءة · 2011-11-17, 22:16

أولآ و عليكمـ آلسلامـ و رحمة آللهـ و بركآتهـ
اممممممـ
و آلله حتى آنا حرتـ ،، يمدولكمـ توآ آلبطاقاتـ ؟؟؟؟ علآه مزروبين هههـ
لآزمـ آلوآحد يقيمـ روحو قبل و يخممـ مليح و يعرفـ وش يخير

آختي آنا نقوللكـ خيري وآش حآبة آنتي، و آلأهمـ وآش تقدري عليهـ
آنا عن نفسي... صح نحب آلريآضياتـ
بصح حآبة بآذن آللهـ نروح علومـ تجريبية خير

و في آلأولـ و آلأخير آنتـ صلي آلاستخآرة و مآ تخمميش خلاص
آللي يخيرهالكـ ربي هذيكآ هي
و ربي يوفقكـ انتـ و اختكـ و نحنا الكلـ

صحآ آختي.....

لويفي عبد الحليم · 2011-11-17, 22:25

حنا جاتنا قالتلنا باه نعرفو برك كيفاه نملاو الاستمارة
وننصحك اذا كنتي فووور في المات والفيزيك روحي للمات لانو الشعبة الاولى
وزيدي صلاة الاستخارة مليحة
والله اعلم
لاني كنت كيفك نفس الشيء صرالي كل واحد يوجهني كيما يعرف هو
ومن بعد قررت وحدي
انا وربي يكون في عونك اختي