اعطوني رايكم يا حكماء

[جسور المحبة]

وش تقولو فلي يخطبها واحد مش من ولايتها مع انو عندو الدار وخدام ولاباس بيه ويحبو بعض غير على جال براني واهلها رفضوه بالرغم لي عيات تقنع وتتوسط ليهم وهوما رافضين ومش حابين يعطوه حتى فرصة باش يعرفوه مع انو مصمم ولاو يخرجو في اسباب الرفض مثل انها تبعد عليهم بمئات الكيلومترات وتبعد على اهلها وشكون اللي يهتم بيها اذا مرضت ويساعدها في تربية اولادها؟ شكون اللي يوقف بجنبها ادا تهانت من زوجها ولا من اهلو؟ وادا ما صراش هدا الشيء راح تنسى اهلها بمرور الزمن واذا كانت مناسبة تلقى روحها وحدها راح تقولولي يجيبها لدارهم بصح وقتاش؟ مرة كل شهرين ولا ثلاثة وشحال تقعد؟ على الاكثر اسبوع ولا 10 ايام واذا كانو ولادها يقراو؟.....وقبل كل شىء كيفاش تجيب معلومات صيحة عليه قبل الزواج لانو الخطاب رطاب ................................. اليس هذا ظلم؟ ام انه يجب عليها ان تقبل الوضع وتسكت ..ارجو الرد من فضلكم

[mina80]

شوفى اختى لا كان مكتوبك اكي تديه ولو وقف كل الناس ضدك ولا كان ماشي مكتوبك ما تديهش ولو وقف كل الناس معك تاكدي مرت حد مايديها حد .اصبري لا كان كتبهولك الله تعالى ويحين ذلك الوقت سترين ان المسافة الطويلة اصبحت قصيرة وكل تلك الحجج تصبح لها حلول لان المكتوب هو الذي سيتكلم حينها واهلك ستتغير نظرتهم دون ان يشعرو اصبري وادعي الله تعالى ومن الافضل ان تقومي بالاستخارة .......اتمنى لك السعادة

[جسور المحبة]

ربي يحفظك اختي ويعطيك ما تتمني

[تمر الهنى]

سلام الله عليكم
رغم انني لست حكيمة الا انني سأبدي رأيي
شوفي يا بنت الناس ما تلعبيش بروحك
لا زم تتأكدي من قولوا بأي طريقة و قبل كل هذا استخيري المولى تبارك و تعالى

[جسور المحبة]

في رايك كيفاش نتاكد او وش هي الاسئلة لي نتاكد بيهم

[hano.jimi]

سقسي عليه مليح

[تمر الهنى]

المشاركة الأصلية كتبت بواسطة جسور المحبة

في رايك كيفاش نتاكد او وش هي الاسئلة لي نتاكد بيهم

حسب ما قلت فهو يسكن في منطقة لا تعرفين فيها اي احد
يعني تأكد من الانترنت مثلا تعرفي بأناس من منطقته و حاولي تكرار و مرار الا ان تصلي لشخص يسكن في نفس منطقته و هو يمكنه ان يفيدك ان كان يعرفه او يستفسر عن هويته
أاكد لك يجب ان تستخيري الله و الله ولي التوفيق
و كيما يقولوا '"ليفيها الخير ربي يجيبها ""

[جسور المحبة]

والله رلني ديما مع الاستخارة والفكرة هدي تع اني نسقسي درتها بصح كاين وحدين ما يحبوش يقولو ما علاباليش علاه وش راح يصير ادا كان مليح يقولو مليح وادا كان مش مليح مش مليح انا نشوف بلي ما فيها والو والحمد لله رانا نخافو ربي وخطينا الهدرة الزايدة

[تمر الهنى]

ماذا اظهرت لك الاستخارة اقصد هل رأيتي رؤية ما او شعرتي بضيق او براحة ؟

[جسور المحبة]

والله ما عرفت ساعات نحس روحي مليحة ساعات لا اما عن الرؤيا ديما نشوفو في منام مليح ويبشر بالخير والله اعلم

[اسماعيل الوهراني]

اخطاء يجب ان تصحح من اولياء الامور وعلى المخطوبة التفاهم والحوار والاستخارة للله وان لا تتعجل ..فالوالدين ان كانو مخطئين فهم يبحتون عن المصلحة ..الحوار هو ااساس لاكن ان تنزوي الفتاة بالبكاء والتفكير فلن تجد حلا ..

[تمر الهنى]

يا اختي ما لزمش تلعبي بروحك
سلمي امرك لله و لي فيها الخير ربي يسهلهالك انشاء الله

[المتوكل محمد]

الدين والخلق اساس الزواج الناجح ..
هل يصلي ام لا ؟ هل يشرب الخمر ام لا ؟
هل يتشاجر مع الناس ام لا ؟
هل هو رحيم حنون بأبيه وامه واخوانه أم لا ؟
هكذا تعرفون الرجل ..
وفقنا الله تعالى لكل خير ..

[جسور المحبة]

والله يا اخي انو الشيء لي عرفتو واستنتجتو منو من خلال اسئلة غير مباشرة انو الجامع مش بعيد عليهم ويصلي والجمعة تاني خاطرش لما يكي معايا يقولي راني راح نصلي اما علاقتو مليحة مع والديه خطرش يظل يحكيلي عليهم وعلى مغامراتو والطرائف لي يديرهم ومعاملتو مع الناس تبان مليحة يعني يفشي السلام وخاطيه المشاكل وكي يتقلق من عبد يروح ويخليه

[lili1988]

الحل انكم تبعثوا شكون اللي يصقصوا عليه هكا تع الدار يهدو و يرتاح بالهم