لنتذكر لحظة

mhamed5 · 2011-10-22, 19:45

و الله تشوف هكذا نقولو يا ريت ما جاناش التوظيف المباشر هذا و نشوفو واش تديرو. علاه هكذا عليكم اتقو الله احمدو ربي . رانا كامل كنا في الثانوي. لي يحكي هكذا ماجاش و سوفرا في رويسو لوكان جيتو تعرفو تقول و الله ندي منصب و نروح هذا وش نحتاج. و مادام قاعدين تخدمو تعاقد و قاعدين ورا الميكرو و الله ما تربحو ذرة. و راني متأكد و أقسم أنكم ستضيعون وقتا هباء. حنا كنا نضربو على حق يعني نطالبو بمنصب و تعرضنا لشتى انواع القمع فابالك الآن . قل الحمد لله على كل حال. و علابالي انت تقولي بلي انا جبان و ساكت على حقي. يا اخي انا مش جبان او ساكت على حق . هاذي طبيعة بني آدم و الرسول قالها." لو كان لابن آدم جبل من ذهب لتمنى جبلين" لكن اوصانا أن القناعة كنز لا يفنى.لان الرسول صلى الله عليه وسلم قال في ما معناه والله لا يفلح من بات شبعان وجاره جائع. شوفو لخاوتنا لي خارج المنشور من المفروض نحتجو باش يوظفوهم معانا مش على جال درجة واحدة
ارجو ان كلامي هذا تدوه من الناحية الإيجابية و فكرو مليح.
و إلى اخوتنا خارج المنشور صدقونا و الله حالتكم تهمنا و نحن معكم و الله ندعو ربنا ان يفرج علينا كامل. صح جات الفرحة لينا لكنها ناقصة بلا بيكم. أتذكر جيدا زملاءنا في اعتصام رويسو معظمهم ممن هم خارج المنشور.حين نتذكر حالتهم و الله لا نعرف طعم النوم. و كذلك ندعو بالتوفيق للأخت حفيظة التي هي داخل المنشور و لم تدمج بسبب زبانية مديرية غليزان لا وفقهم الله و الأخت مريم من المدية حاملة ليسانس ايطالية و التي هي لحد الساعة خارج التوظيف بسبب عدم توفر منصب ايطالية. انظرو لكل هؤلاء. نسأل الله فرجا قريبا و ان شاء الله ربي يفتح علينا

ناصر2201 · 2011-10-22, 19:52

بارك الله فيك الأخ محمد 5 نتمنى الإدماج لمن هم خارج المنشور أتمم ما بدأت و لا تستمع لكلام الأخرين ومن ضاع أمله يحييه في الرويسو الإدماج للجميع و نسمع أخبار مليحة منك غدا

هاجر09 · 2011-10-22, 19:58

بورك فيك اخي محمد
ان شاء الله تفرج للجميع بمافيهم خارج المنشور و المفصـــــــــــــــــــــــــــــــــــــولين الذين قضو سنوات في التدريس منبعد ذلك وجدو انفسهم في الشارع اين انتم من كل هذا يامن تحتجون على التصنيف ايوجد ظلم اكبر من هذا و حرقة قلب اكبر من هذا قل الحمد لله اولا و اخيرااااااااااااااااااااااااااااااااااااا

amira_alger · 2011-10-22, 20:06

بارك الله فيك أخي محمد . هاذ الناس لي راهم يطالبوا بالدرجة 12 و إلا 13 كان لازم يجيو لرويسو باش يحسوا بقيمة المنصب الذي منح لهم على خاطر كاين بزاف اشخاص تعرضوا للضرب والإهانة من طرف رجال الشرطة و لحد الآن لم يدمجوا . لازم نحمدوا ربي ونقنعوا وإن شاء الله ربي يوفق بقية التخصصات و يتحصوا على الإدماج وهكذا تكمل فرحتنا

ناصر2201 · 2011-10-22, 20:11

أنا عندي إقتصاد و مايهمش التصنيف ربي يبارك في العمل برك ويدمج البقية

billalmagino · 2011-10-22, 20:33

يا أخي محمد واش نقلك؟ راك تشفى واحد النهار كنت تقول لي جبتو الادماج خلات وامبعد، وأنا كنت نرد عليهم ونقول يا الجماعة اتقو الله الادماج جاء بفضل الله ثم بفضل كفاح أناس المرادية بصح هوما كانوا يعقبوا على كل حاجة ، ونفس السيناريو يتعاود بتفاصيله المملة.
دوكا نهدرها بدون حرج وأمام الناس ولي ماعجبوش الحال يخبط راسوا على الحيط.
كاين أناس الله يبارك يدمجوهم في الجامعة وقليل عليهم أمثال عبد الرزاق ، هاجر 09 ، والأستاط أسمر من غليزان راحلي أسموا وأمثالهم موجود بكثرة.
وكاين ناس والله ما يستاهلوا نعطيلهم الخبز ووالله ما يستاهلوا وأمثالهم كثير.
عيب واش راه يصرا، البارح الخاوة يتظربوا في المرادية والناس خلف الشاشات تسأل على الادماج ودروك يطالبو بالتصنيف .
لوكان جيت من بوخطة لي يطالب بالتصنيف نقلوا هات التعيين وروح فوت مسابقة.
الله يهدي ما خلق وربي يبارك في كل من شارك وساهم في الاضرابات من قريب أو بعيد والسلام عليكم

issam_dz · 2011-10-22, 20:40

بارك الله فيك أخي الكريم محمد و الف مبروك لكل الذين أدمجو و ليحمدو الله حمدا كثيرا ليزيدهم من فضله و من لم يحمده فهذا يعد كفرا بالنعمة و الله الهادي الى سواء السبيل..........
أما نحن للأسف أظن أننا قد فقدنا الأمل كليا في الإدماج أقصد مهندسي الإعلام الآلي أسأل الله تعالى أن يغنينا و يرزقنا من فضله انه هو الرزاق الكريم . قولو آمين.............

mhamed5 · 2011-10-22, 21:04

اقتباس:

المشاركة الأصلية كتبت بواسطة issam_dz

بارك الله فيك أخي الكريم محمد و الف مبروك لكل الذين أدمجو و ليحمدو الله حمدا كثيرا ليزيدهم من فضله و من لم يحمده فهذا يعد كفرا بالنعمة و الله الهادي الى سواء السبيل..........
أما نحن للأسف أظن أننا قد فقدنا الأمل كليا في الإدماج أقصد مهندسي الإعلام الآلي أسأل الله تعالى أن يغنينا و يرزقنا من فضله انه هو الرزاق الكريم . قولو آمين.............

لا تقنط من رحمة الله و الله احس ان الفرج قريب

langue italienne 12 · 2011-10-22, 21:15

باراك الله فيك اخ محمد5 و لكن نحن اصحاب اللغة الايطالية ليس لدينا اي امل و مع دلك سنقوم باعتصام غدا امام مديرية التربية ب تبسة فبمادا تنصحنا مادا نفعل و كيف نتصرف

issam_dz · 2011-10-22, 21:16

ان شاء الله. شكرا لك............

moul09 · 2011-10-22, 21:17

شكرا على المجهودات المبذولة مجددا
أود السؤال عن مصير مهندسيي التخطيط والاحصاء فلقد رأينا سابقا أنهم سيدمجون رياضيات في الثانوي وانتم ذاهبون الى الوزارة غدا بإذن الله أقصد المجلس الوطني للاساتذة المتعاقدين على حد علمي من الاخوة في المجلس
نريد السؤال أين وصلت قضيتنا ونتمنى لجميع اخواننا التوظيف حتى غير المتعاقدين منهم فلا يحس بالبطالة غير لجربها
شكرا جزيلا مجددا

mhamed5 · 2011-10-22, 21:19

اقتباس:

المشاركة الأصلية كتبت بواسطة langue italienne 12

باراك الله فيك اخ محمد5 و لكن نحن اصحاب اللغة الايطالية ليس لدينا اي امل و مع دلك سنقوم باعتصام غدا امام مديرية التربية ب تبسة فبمادا تنصحنا مادا نفعل و كيف نتصرف

غدا سنأتي بالخبر اليقين من الوزارة انا و الأخت خودات و سنرى بعدها

moul09 · 2011-10-22, 21:22

شكرا على المجهودات المبذولة مجددا
أود السؤال عن مصير مهندسيي التخطيط والاحصاء فلقد رأينا سابقا أنهم سيدمجون رياضيات في الثانوي وانتم ذاهبون الى الوزارة غدا بإذن الله أقصد المجلس الوطني للاساتذة المتعاقدين على حد علمي من الاخوة في المجلس
نريد السؤال أين وصلت قضيتنا ونتمنى لجميع اخواننا التوظيف حتى غير المتعاقدين منهم فلا يحس بالبطالة غير لجربها
شكرا جزيلا مجددا

langue italienne 12 · 2011-10-22, 21:32

اقتباس:
المشاركة الأصلية كتبت بواسطة langue italienne 12
باراك الله فيك اخ محمد5 و لكن نحن اصحاب اللغة الايطالية ليس لدينا اي امل و مع دلك سنقوم باعتصام غدا امام مديرية التربية ب تبسة فبمادا تنصحنا مادا نفعل و كيف نتصرف

غدا سنأتي بالخبر اليقين من الوزارة انا و الأخت خودات و سنرى بعدها

شكرا جزيلا اخي محمد و لا تنسى دكرنا في الوزارة نحن في تبسة النسبة الغالبة على مستوى الوطن من فضلك

langue italienne 12 · 2011-10-22, 21:33

اخي رود على في الهاتف انا الى نكلم فيك درك