كل وحدة تدخل وتحكي برنامجها يوم عيد الاضحى

[ليال122]

السلام عليكم يا جزائريات ارجو منكن الدخول وتحكيلنا كل وحدة واش دير نهار العيد الاضحى يعني كيفاش تستغل لحم الاضحية وش ديرلو كيفاش تحضر بيه اطباق بنينة

[sourire0207]

mawdou3 chbab mé ayna rodoud???
3id el2adha 9areeeeeeeeeeeeb

[ليال122]

راك تشوفي اختي يعرف غير يدخلو يقراو الموضوع ويخرجو هكداك يمكن موش يدارو يعيدو ويضحيو على العموم انا نكتب واش نديريوم العيد نوضو الصباح بكري نصلو ونفطرو فطور خفيف وبعد صلاة العيد يروحو الاولاد و الرجال يعيدو ثم يرجع الرجال يذبحو الاضحية الي نديرو عليها المشوي و اللفوف بالكبدة و باقي الدوارة نقليوها وحدها ونكلوها مع الخبز والشاي ونديرو سلايط وديسير الي جا وامباعد نغسلو لماعن ونشوطو البوزلوف ونغسلوه ونظف مليح ندسو في الكونجراتور ونستهلكوه بعد الي يكمل لحم الاضحية في المساء نقسمو لحم الاضحية باش نعطو منو للفقراء و المحتاجين ونخرجو نعيدو على الاقارب و الجيران وفي العشاء ماعدنا واش ناكلو كل واحد يحس بالي شبعان نديرو حاجة خفيفة

[wassila21]

السلام عليكم
حنا أنوضوا بكرييييييييي، نستقهواو ، بابا و خاوتي يروحوا للجامع و أنا نخمل الدارو نوجد الباسينات و يما تعجن، و كي يرجعوا نعيدوا على كل واحد، و من بعد الرجال يذبحوا الأضحية، و حنا ننظفوا الكبدة و الرئة و المصارن و الكرشة، و من بعد نشوطو الزليف ، يما تطيب المطلوع و أنا نقلي و ندير البيري و الشلايظ، و مور الفطور نسيق الحالة ، و نطيبوا الزليف للعشاء، و نوجدوا العصبان نعمروه و نخيطوه و نخبوه لغدوى من داك، و في وقت القهوى نتلموا في دار جدة، حتى لليل نرجعوا و نتعشاو ، وخلاصت الحلقة الأولى :d و الأضحية غدوى من داك باش نقسموها

ربي يلحقنا العيد و حنا في صحة وعافية

[•~ندية الجوري~•]

لما نتذكر يومـ العيد نتعبـــــ ....
و إذا حكيتــ عليهـ يتضاعفــــ التعبـــــ....

بارك الله فيك على الموضوع
.....

[جيجلية]

آآآآآآآآآآه من يوم العيد الرجال اللي يعيدو أما احنا أشغال شاقة

بصح كيتلايمو الخاوة والعائلة كامل نتغداو مع بعض ونتعشاو ننساو شوية التعب

يارب قدرنا واغفرلنا واكتب لنا حجة العام القادم آآآآآآآآآآآآمين

[achraf07]

ان نصلى ثم نرجع نعاونو فى الذبيحة ثم نتغداو ثم نزورو العائلة

[امين صالح]

السلام عليكن
الله يعينكم ، يوم العيد ، انا نشوف زوجتي تتعب كثيرا يوم العيد ، نحاول اني نساعدها باش نقدر
على القل ما نزيدش عليها ، و الحقيقة قبل ما نمدلها المصارن نقيهم و نفرغهم مليح باش نقص عليها الخدمة
ربي يخليها لي تكون تخطيني ساعة نحصل
عييييييييييييييييييييدكم مبارك
حبييت نحيها من خلال هذا المنبر

[ناريمان 09]

انا نحكيليكم علي تقاليدنا ماما طيب كسرة كوشة او تخدم سلاطة مشوية و نرحو البصل و المعدنوس او اكيد الهريسة لازم تكون حاضرة يذهب ابي و اخوتي لصلاة العيد ثم يرجعوا يذبحوا الاضحية ماما تشوط البوزلوف او انا نغسل لمصارن او نصمتهم ام بعد في الغداء نشوو او او نعملو كمونية بعد الانتهاء من الغذاء الطامة الكبري طيح فوق راسي نروح نغسل جبل تاع لماعن او من بعد نروح نسيق الدار مليح روحي تخرج او بعد ما نكمل نسيق الجردينة من وسخ الذبيحة نتعب بزاف اول يوم او فذاك الوقت تكون ماما غسلت البوزلوف مليح او قستوا او نحت ليه قرونوا كي نكمل انا او تكون روحي خرجت نروح للكوزينة نعاون ماما في قص احشاء الخروف للعصبانة ......في العشاء نطيبوا بوزلوف مفتت او اليوم الموالي نطيبوا العصبانة او نقصوا الكبش و الي القاء في انتظار حكاياتكم عن تقاليدكم في هذه الايام المباركة

[شدا]

السلام عليكم ..... ربما تتشابه جميع ولايات الجزائر في الاحتفال بيوم عيد الاضحى .....

[السمسمه]

اما نحن عدي نوضو صباح بكري نوجدو قهوة نفطرو و مبعد لاولاد و باباب يروحو يصليو اما حنا نقعدو فالدار نقوها و ونوجدو حوايج الذبيحة و حنا عندنا تقليد الشخشوخة تحضر فالعيديدن معناها ماما توجد الشخشوخة كي يرجعو و نعيدو على بعضانا و مبعد ننحرو الاضحية ثم نتعاونو انا و ماما ننقو المصارن و الدوارة و زوج خوتاتي يشوطو بوزلوف و الكرعين كي نخلصو كامل نسيقو و نقو الحالة نسقو شخشوختنا نتغداو و نريحو شوي و مبعد العشية نكملو نقطعو اللحم نتعاونا البنات مع ماما و نحيو قسمة اهل النصيب من المحتاجين و عند العشاء نوجدو لي بروشات و الكبدة و القلب و ثم يحضر الباربيكيو و يبدا الشواء على شواية نتاع التريسيتي لحمها بنين و صحي مفيهش بزاف دهون كي نكملو يكونو تلمو جبال نتاع لماعن يحصلو كي العادة فيا نكملهم جوايه 10.00 نتاع الليل كي نكملو نضربوها بتدويشة نحو التعب و من التدويشة نرقد و منزيدش النوض حتان 7.00 نتاع 2 ايام العيد و اليوم الثاني صح نعيدو من دون تعب ................

[nabila.ha]

احنا عندنا نوضو الصباح بكري نفطرو بالقوهوة و القاطو و لي راح يدبح ما يفطرش اكيد يروح بابا و خاوتي يسلمو على اهل و الاقارب و مبعد يروجو للجامع و انا وماما رانا في الدار انا نسيق و نخمل شوية الدار و مبعد يجي بابا و خاوتي من الجامع يبداو بالدبيحة ويجيبولنا الدوارة نغسلوها و نقطعوها انا ماما ونقلو منها للدباح لي دبحلنا قبل ما يروح و امبعد نوجدو الغداء نديرو غير لقايع نقلوهم و الملفوف و السلاطة و البطاطا مقلية نتغداو و مروح نغسل الماوعن و ماما راهي تشوط في بزلوف و بابا راهو يقطع الكبش و نقسموه نهار الاول.و كي نكملو التقسام نعاود نسيق البلاصة لي دبحو و قطعو فيها . و مبعد نروحو نوجدو رواحنا و نخرجو نعيدو على الاهل و الاقارب و نتعشاو عند دار جدي و ونديرو الطعام باللحم .و الغدوة كي نجو نخدمة العصبان .
صح عيدكم و لعقوبا للعام الجاي

[أم نهال]

أنا نوض بكري راجلي يروح للجامع وانا نبدأ نرتب فلدار ونوض الدراري يشرب القهوة بحلوة العيد ونلبسهم حوايج نتاع العيد ومبعد يجي راجلي من اجامع ونبداوا نتاصلوا بالعايلة بالتلفون نعيدو عليهم و تبدا الدبيحة و نقلي فالفطور الكبدة و القلب ونبعد نحضر فلعشاء العصبان.

[رحيق الايمان]

ليلة العيد طيب ماما كسرة الكوشة ونوجدو الفحم ونشريو الخبز للشواء في الصباح ماما وبابا يروحو للمسجد وانا نوجد الدوزان تاع الذبيحة و القهوة كي يجيو نستناو شوي من بعد نروحو كامل لبلاصة الكبش لانه بابا اصدر مرسوم رئاسي بانه جميع افراد العائلة لحظت النحر تكون متواجدة يذبح هو و نسلخها انا وخويا ووين يفتحوالفاد ماما ترفد الكبدة تقليها لانه عادتنا الي يذبه الكبش يفطر بيها و انا نكمل عملية التنظيف و الغسيل تاع الفاد من بعد نقليه للغداء و الي يحب يشوي يشوي في العشية ماما تشوط الراس و انا نخدم العصبان واكيد الي يجي يقبل علينا نديرولو المشوي مع القازوز .بعد ما تشيح الاضحية نقسموها نخرجو الي كتب والباقي نعاودو نعلقوه للشواء في الليل نديرو كسكسي للعشاء واكيد تتلم العيلة كامل من غدوة نعرضو على الي بقاء و طبقوها وتم الاضحية
نسيت نقوللكم نخليو الرجل اليمنى تاعها لعاشوراء يسمى وين نبداو نقسمو طول تتنحى و تتخبى في الكونجيلاتور

[ريماس]

احنا قبل مانتزوج كنا عيلة الله يبارك نوضو احنا البنات نخملو الدار وبابا وخاوتي الدكور يروحويصلوومنبعد يرجعو يلقاونا محضرين الكسرة والسلايط والقازوز وسلاطة مشوية والقارس من بعد يدبح بابا الله يخليه لينا وخويا من بعد يبدى السلخا ص اللحم نشو الكبدة والدواةر قليل برك والاخر يتشوى على الفحم ممممممم من بعد نتغداو ونغسلو البزلوفونوجد ه قبل العضاء من د فب اليل نوجدوالعصبا ن مع الثريدة هايل نتعشاو مع زوجة خويا والعيلة ونبعثو شوي للقريب وغدوى نهار اخر تصبحو