مشكلتي مع الصور

[مشكلتي]

كنت في علاقة مع شاب عمره 21 سنة و انا ايضا 21 سنة يسكن بجوارنا و بعدها انتهينا لان نفس السن شكل لي عائق كبير
و المصيبة انني كنت راسلة له صوري و لكنها محترمة يعني مع صديقتي , في بيتنا ’ ,,الخ
كي كملنا بدلت رقمي و الان ملقاش كيفاه يهدر معايا راه دار تصاويري في الفيس بوك و باسمي و لقبي و كل معلوماتي و داير اصدقاء الفايس بوك كلهم من منطقتي و يهدر باسمي و ياااااااااااااااااااااااااااااا
منبعد عيطتلو بالماسكي و مرفدش كان يقارع نعيط برقمي و كي عيط سقساني و قالي هذا رقمك قلتلو واه قعدت نبكي نبكي و نقولو وعلاش درتني في الانترنيت الناس كامل عارفيني بلي عاقلة و ماشي تاع النت و الله يلا حرام عليك يا الغدار قالي ارجعيلي و منديرهمش قلتلو صحا ايا كي هدرت معاه قلتلو لازم تخطبني على عام قالي مازلت صغير
المهم قلتلو انا رجعتلك غير على خاطر التصاور باه ماديرهمش في النت قالي ماعليش المهم توليلي و قلتلو مارانيش نبغيك طحت من قلبي يا اخواتي قولولي كي ندير ؟؟؟؟؟؟؟؟؟؟؟؟؟؟؟؟؟؟؟؟؟
الناس كامل علابالهم بلي وحدة كيماانا محال دير فوطو ديالها في النت

يا اخواتي قولولي كي راني نبان للناس ؟؟؟؟؟؟؟؟؟؟؟
قولولي كي ندير اسكو نرجع و لا نبعد؟؟؟؟؟؟؟؟؟؟؟؟؟؟؟؟


عاونونيييييييييييي

[صفية الاوراس]

وانتي واش راكي تستناي منو يا اختي درتيها بروحك وهو لم يرغمك على شيء
الان وقد كنتي على علاقة به سواء بالنت او بالهاتف ومعه صورك يعني سلاح تهديد ضدك ان لم تستمري على علاقة به
الامر شائك لكن لا ترضخي لتهديده ولا تستمري على علاقة به والا سيجرك لفضائح اكبر وقد عرفتي خداعه ومكره
الله يكون بعونك ويفرج همك

[- بصمة خير -]

ربي يفرج همك

علابالي صعيبة تقولي لداركم و لكن حل اخر مانعرفش

الحقيقة مع داركم هي اللي تريجك


اذا وليتيلو و قدرتي جيبي تصاورك منو كككككامل هذا انت اللي تعرفيه و تعرفي اذا تقدري جيبهم و الا لالا

خطة خطيرة و ممكن تخسري ببببببزاف


و لكن نقولك بلاكي نرجعيلو لانو رايح يطلب منك حوايج و يديرلك فضيحة في البلاد كامل ماشي في الحي برك

لازم توبة من قلبك الى الله

الاستغفار صلاة الليل و الدعاء و الصدفة


ربي يوفقك و يستر عليك

[hamzagolf6]

الحل هو خوك

[ناصرالدين الجزائري]

مشكلتك لن تحل إلا بطريقة قانونية ..
فهو قد انتحل شخصيتك و ابتزك و عرض صورك للتشهير بك ..
و هذه كلها أمور يعاقب عليها القانون ...
أنصحك أن تذهبي الى قسم الشرطة لطلب استشارتهم و لمعرفة ما يمكن فعله ...
لكن حذاري أن ترضخي لتهديدات هذا الشاب .. فاي تنازل بسيط من طرفك سيتبعه هو بمطالب أكبر حتى تصبحي لعبة في يديه يفعل بها ما يريد ...
و أهم شئ .. ان تتوبي الى الله و تدعي الله حتى يفرج عنك همك ...
و بالتوفيق إن شاء الله ..

[فارس الجزائري]

السلام عليكم
حاولي أن تظهري له أن الأمر غير مهم عندك سواء عرف الناس أم لم يعرفوا وقولي له أنكي تمنحين له فرصة حتى ينزع الصور من الفيس بوك وارجاعها لك وإن لم يفعل ستبلغين عنه الشرطة لأنه انتحل شخصية الغير
ولا تستسلمي لتهديداته مهما كان حتى وإن دعى الأمر لاخبار عائلتك
فأن تعرف العائلة أفضل من أن يجرك لما لا يحمد عقباه وتخسرين كل شيئ
ووكلي أمرك لله فهو الكفيل بحلها وادعيه أن يسترك فهو خير من يستر عباده
بالتوفيق إن شاء الله

[melissa73]

oui 3andou lhak alakh fares maghlatch f wach 9alk lazmk thadih b chorata khtar alkanoun y3a9b

[❀عنْفُوَاפּ طُمُوحْ❀]

وَ الله كَمَا قَالـ الاخوة مِنـ قَبلـــــــ

قُولِيـ بانكـ لا تُبآلِيـ بِما يفعلـــــــــــ

++++++

يُمكِنُـ تَعْطِيلـ حِسابـ الفايسبُوكـــــــــــ ابْحَثِيـ عنـ احد يمكنه ذلكـــــ

+ + +

لَآ تَرْضَخِيـ ابَداً لَهـ و لا تتنَآزَلِيـــــــــ

فَهذا شَخْصُ لَئيمـــــــــ


+++

اسْتَغْفِرِيـ الرَحْمآنـ و ادعيهـ كيـ تُحَلـ هذهـ المُشْكِلَة

[نيروز الجزائرية]

انا ليست لدي علاقات مع الشباب لكن مرة حاول احد الشبان ان يتقرب مني لكن رفضته ولم اود حتى الكلام معه كان ضلي يتبعني دوما وانا امقته
كان يطلب رقمي يطلب مصاحبتي وفي مرة من المرات اتصل بي ولا اعرف من اين حصل على رقمي واعطاني رقم اخي لا ادري كيف حصل عليه وهددني اذا رفضته سوف يتصل ب اخي ويكدب عليه ويتهمني باشياء الله اعلم واش كان يدور في راسو
خفت بزااف رغم انني امشي جنب الحيط جاني البلاء
حبيت نقول لاخي خفت عليه من ان يحدثلي مشكل معاه ومصاربة لا ادري عواقبها احترت ومرضت صليت ودعيت
بعدها بايام اتصل بيا قتلو وجد روحك راني رايحة لمركز الشرطة نشكي بيك من هداك اليوم اختفى
الاخ فارس قال كلام في محله رأيي من رايه

[مريم الصابرة]

السلام عليكم أختي اولا ما تخافيش منوا صح القضية صعيبة مي هديه إنت ولو تروحي صح للشرطة خير من يولي يهدد فيك بامور اكير لو وليتي ليه هذا ماشي راجل وعقل ذراري قوليلوا راحا نشتكي بيك كان خاف صحا كام لالا روحي إشكي بيه وبالنسبة لداركم قوليلهم سرق الفوتوات وراه يهدد فيك ديري أي حاجة إلا غنك ترضخيلوا ربي معاك إن شاء الله

[الدكتور سام]

نعم هدا العمل(التهديد بالانترنيت))اصبح من ضمن عمل الشرطة و الدرك الوطني.حاولي معه بالتي هي احسن ان يتقي الله فان ابى فهدديه برفع دعوة فان ابى فاخبري الشرطة

[djhaker]

شباااب البنت تــبي حل بدون فضائح


يعني حــل بدون ان يعرف القانون او تعرف عائلتها دون ان يعرف اي شخص بهذا

لا اله الا الله محمد رسول الله ........

حاولي اولا استرجاع الصور الاصلية من عنده لكي لا يبتزك مرة اخرى و اضمني انه لا توجد عنده صور اخرى يعني نسخ عن الصور الاصلية

الفيس بوك سهل جدا يكفي ان ترسل صفحة مزورة رايح يقبل يحط معلومات ترجع لك كل صور الي في الانترنات او ان يقوم احد باختراق جهازه اخذ

كل ما لديه صور بريد اللكتروني اي شي يقوم باحراق الجهاز

المهم ان ترجعي انتي صور الاصلية .....

او اخبري اخوك او ابن عمك او اي شخص تثقين فيه يستطيع ان يرجع لك صور دون فضائح وبدون مقابل

او اخبري الشرطة بذلك ودعيها تقم بدورها بس اكيد الجرائد رايحه تكتب لاني اعرف جرائد الجزائرية لا ترحم

اسف جدا لو قصرت معاك

[عبد النور 1980]

السلام عليكم و رحمة الله و بركاته
يا أختي كيفاش ترجعي لشخص خبيث كي هذا و الله أمر غريب قولي لداركم :**كانت عندي صورة مع صحبتي و هملتلي( ضيعتها) و مين شفت في الانترنت لقيتها و بعد أيام اتصل بيا ولد جارنا و قالي هدري معايا و الا...** هكذا توقفي الأمر هنا خير ما يتطور الى مالا يحمد عقباه و خليهم هوما يتعاملوا معاه
و ليا رجعت ليه يزيد في تهديده و يعرفك بلي تخافي تخبري داركم و لا الشرطة و يزيد يتسلط عليك لأنك في موقع ضعف
اللهم أخبري داركم و حتى ليا زعفوا عليك أو ضربوك ماكي خاسرة والو خير من أن ترجعي لكلب، اليوم راهو يهددك بصور غدوة مانيش عارف شا يبانلو في راسو
الله يكفيك شره بما شاء و يفوتها على خير
سلام

[moi*]

يا اخواءنا الاعضاء الكرام راكم تقولو شرطة

هل تعلمون معنى هذا الكلام؟؟؟؟؟؟؟؟؟؟؟؟؟؟؟

حبيتو دارهم يقتلوها

بغض النظر انك اخطات لما اعطيته الصور حتى لو محترمة حتى لو بالحجاب او في المنزل من هذا الذي

تستامنينه على نفسك وتعطينه الحبل الذي لفه حول عنقك

لا حول ولا قوة الا بالله

المهم الان انك تقطعي علاقتك به

مهما حاول تهديدك فهي تبدا بالرجوع اليه وتنتهي بشيء لا تحمد عقباه

الحل انك تتكلمي مع اخوك ان كان متعقل او الجئي الى احد افراد عائلتك من الذين تثقين بهم

ابن خالك او ابن عمك

اسال الله ان يسترك و يفرج عنك في القريب العاجل

[djhaker]

المشاركة الأصلية كتبت بواسطة عبد النور 1980

السلام عليكم و رحمة الله و بركاته
يا أختي كيفاش ترجعي لشخص خبيث كي هذا و الله أمر غريب قولي لداركم :**كانت عندي صورة مع صحبتي و هملتلي( ضيعتها) و مين شفت في الانترنت لقيتها و بعد أيام اتصل بيا ولد جارنا و قالي هدري معايا و الا...** هكذا توقفي الأمر هنا خير ما يتطور الى مالا يحمد عقباه و خليهم هوما يتعاملوا معاه
و ليا رجعت ليه يزيد في تهديده و يعرفك بلي تخافي تخبري داركم و لا الشرطة و يزيد يتسلط عليك لأنك في موقع ضعف
اللهم أخبري داركم و حتى ليا زعفوا عليك أو ضربوك ماكي خاسرة والو خير من أن ترجعي لكلب، اليوم راهو يهددك بصور غدوة مانيش عارف شا يبانلو في راسو
الله يكفيك شره بما شاء و يفوتها على خير
سلام

حل منطقي
يعجبني الحل