يا الشاطرات ادخلو عااجل

[ايمااان]

السلام عليكم يا الشاطرات و الفحلات كيما علبالكم بلي العيد الكبير قرب و حبيت نعرف كيفاش كل واحدة تحضر الملفووووف
نقصد الملفوف نتاع الكبدة
انشاء الله تجاوبوني يارب العالمين
نتكل على ربي و عليكم ارجووووكم ما تخيبوش ظني

حلفتكم بالله تجاوبووني

[bassamat]

والله يا اختى مانديروهش الكبدة نديروها كمونية

[ingénieur sabrine]

السلام عليكم

حنا عندنا في الغرب نديرو الكبدة تفيض في الماء و شوي ملح ( اه خليها تفيض غير شوي باه ماتجيش

يابسة) ومن بعد قطعيها مكعبات و لويها في الشحم( الردى) تاع الملفوف ( وهو تاني رشيه بشوي ملح) و

في الاخير قليه و لا شويه في النار


وشهية طيبة اااااااااااااااااااااااااااااااه نسيت ( باش ترسليلي حقي هههههههههههههههههههه)


صح عيدكم وكل عام و الامة الاسلامية بخير

[ميرة31]

عادي نشوو الكبدة ثم نقطعوها مورصويات ولوو عليها الشحم ونديروها في الاعواد .............

[tamara31]

سلام اختي طريقة الملفوف عندنا في وهران ديري الشحم ملح وليه ينشف ومن بعد شوي الكبدة وقطعيها مكعبات وقطعي شحم شرائح طويلة ولفيه عليها وديريها في سفافد الشواء وشويها على نار الباردة كيما نقولو
تجي هايلة وصح عيدك

[lamia30]

السام عليكم
بعد ما تغسلي الكبدة تشرحيها شوي وتتركيها اطراف كبار وهنا تكوني وجدتي النار وتكون باردة تحطي فوقها الكبدة مرشوشة بلمح لما تولي نص طياب نحيها قطعيها طراف صغار بشكل مكبعب لفيها بلشحمة الرقيقة وتكوني وجدتي فلفل حلو وحار وطماطم ويمكن تضيفي بصل وتبدي تعمري في الاسياخ يعني كبدة وبينها الخضرة وتحطيها على نارباردة تطيب بعقلها وشهية طيبة وعيد مبارك