كي كنت صغير شكلتو عليا ..1/ الخرافات

اسماعيل الوهراني · 2011-10-20, 11:41

واه كي كنت صغير شكلتو عليا

تفكرت خوتي تفكرت معلمتي جاري و جارتي .. وقاع ليكيباج الحاجة الي خلاتني نكتب الموضوع

هاد اليامات كنت فالدار شفت شنgلة حداء ملقى في الارض بطريقة مقلوبة تفكرت خويا الكبير.. كي كنت صغير كان

يقولي اقلبها والسبب انو ماشي مليح وممكن تصرا حاجة مش مليحة الله غالب كنت صغير كنت ندير عليه ومأمن

تفكرت كي يعلقو ديك السنسلة تع صدف البحر هلى رقبتهم زعما تقلع العين وتفكرت كي تسقط قارورة الملح يقولك ايوا

صايي حية مش مليحة راح تصرا تفكرت جارنا كي دخل لدارو الجديدة دبح عند الباب دجاجة وتفكرت الي يبنو الدور والفيلات

يعلقو عجلة مطاطية pneu وزيد وزيد ..........

على فكرة لحد الان كاين الي يامنو بهاد الصوالح الله غالب انا كنت صغير و راكم عارفين مصادر التلقي لجميع الصغار

مي درك كي خطرا خويا قالي اقلب الحداء عطيته درس في الايمان بالقدر والي نشوفو داير سنسلة تع العين نعطيه

درس في التوكل والي يدبح دجاجة لامور معلومة ..وهكدا ..

المشكل كي كنا صغار الريح الي يسوط يديك والمكشلة الكبرى الي راهم غايضيني كبار و مزال الريح يسوط فيهم

هادو نقولهم افطنوا وكاين الي يعتبرهم قدوة يا حصراه كي كنت صغير ..

وكاين خرافة تاني شايعة مام في درانا و سمعت بيها

خطرا دخلت لكوزينة و لقيت الطعام في مقلى عجزت باه نجيب طبسي ونحط والعائلة كانو مشغولين

ايوا بديت ناكل من المقلى ديركت وادا بالعائلة تدخل شافوني ناكل في المقلى قالولي مشي مليح تاكل في المقلى ايا

نورمال وش عليها قالولي يقولو عرسك يجي فيه النو يعني المطر في هادي ما امنتهمش لاخطرش فيها قضية زواج

قلتلهم معليش غير نتزوج لا بغا يصب التلج ولا التبرلو

يعني خرافات تفهات تضر الدين وضد العقل والنقل وهده غير بعض الامور كيما يقولو غي العربية غيض من فيض من بيض

...يتبع 2/ معلمة كي كنت صغير شكلتو عليا

رقة الحياة · 2011-10-20, 13:19

هههههههههه يرحم بوك و الله لاغاية خويا
خويا انت وهراني لاّ

fatma88 · 2011-10-20, 13:49

ياحسراااااااااااااااااااااااااااااااه منين كنت صغير

fatma88 · 2011-10-20, 14:16

نووووووووووووووووووووووووووووووووووووووووو

fatma88 · 2011-10-20, 14:21

ف ي س ب و ك نوووووووووووووووووووووووووووووووووووو

fatma88 · 2011-10-20, 15:22

اقتباس:

المشاركة الأصلية كتبت بواسطة azouiomar

هايل خويا الوهراني.......................

مرات يخرجلي التوقيع تاعك كبير لا اله الا الله

falah02 · 2011-10-20, 16:50

شككرا لك ..................................................

امينة العامرية · 2011-10-20, 18:03

hhhhhhhhhhhhhhhhhhhhhhh

azouiomar · 2011-10-20, 18:07

اقتباس:

المشاركة الأصلية كتبت بواسطة fatma88

مرات يخرجلي التوقيع تاعك كبير لا اله الا الله

ماتخلعيش هيتمان ناس ملاح كيما انا ماتخليش الوجه يخدعك

الملاك النائم · 2011-10-20, 20:29

بارك الله فييييييييك

lamiss97 · 2011-10-20, 21:40

وا نيشان عندك الحق خويا gاع النهار والشوابنيا يخرفو كيما انا جدتي كان علابالها كي يجي الزلزال زعما الارض يكون رافدها ثو
ر وكي يعيا يقلبها للكتف لخرا حتا هدرتها وفهمتها كيفاه هههههههههههههههه