هل تطلب السماح لانه ضميرها يؤنبها ام تنساه؟؟؟؟

[imene english]

السلام عليكم......لقد اندهشت من قصة بنت عمتي التي حكتها لي بالرغم من اننا كنا صديقتين و لكنها لم تحكها لي لانها تعرف رأيي بهذه العلاقات فأردت ان أستشيركم و اعطوني رايكم بصراحة ......./تعرفت عل شاب و هي بالجامعة و أحبته و تقول انه كان يحبها بجننون و انهما تواعدت عل الزواج بعد ان تكمل. دراستها و قد عرفها باهله لمدة ثلاثة سنوات و حسب ماحكاتلي انه كان يحبها و هي أيضاً و كان يصر باش والدتها تكون عارفة بقصة بنتها يعني باش يعرف راي أمها و عندما اخبرت عمتي رفضت رفضا شديدا و بدات عمتي تخرج في كل الأعذار انه يسكن بعيد و الناس هذو مايعرفوهمش و مستواه الدراسي غير متحصل عل البكالوريا و انه من عائلة غير متدينة الخ المهم حلفت فيها و قاتلها مانسمحلكش لوكان ماتحبسيش معاه ال يوم الدين اتخيلو مسكينة بنت عمتي ولات تحوس كيفاش تسيب السبة باش تقطع معاه العلاقة او هي تموت عليه حكاتلي انها جوزت وقت صعيب صعيب بزاف و لكن حبت ترضي والديها و الله و كلما يجوها خطابة ترفض و هذاك الشاب كي مهبول عليها حت وحد نهار كرهت بنت عمتي ماعرفت واش تدير و هو قاعد يقولها نجي و الله غير نجي و صح. عنده كلمة راجل و لكن هي خافت والديها و قاتلو لالا مزال قاعد يحوس غير كيفاه يهدر مع والدها و الخوف تع بنت عمتي خلاها تكذب عليه باش ووهنا من هذا العذاب والديها من جهة و الراجل الوحيد الي حباته من جهة و قاتله انه جاو خطبوها و باباها مد الكلمة او هي ماتقدرش تكسر الكلمة تع رجال هو هبل عليها ماقدرش يصبر و حللها باش يهدر مع باباها و انه رح يشوف ناس معرفة و قالها تحبي الوالي نجيبه يخطب معايا لانه زوج عمتي معروف في المدينة و لكنها رفضت و قاتله تقعد غير انت مانقبلش بيك و اذا جيت راجل ماتزيدش تحوس عليا هو قاعد يحلل حت اخر لحظة و قالها اذا مراكيش مكتوبي انشالله ربي يديني من هذه الدنيا قالها اقبلي برك و لكنها رفضت لانها حساته تمسخر بها كي قالها الوالي يجي يخطب لانها دائماً كانت تقوله انت ارواح بابا يشوفك انت ماكاش منها زواج معرفة و حلفت انها مانقبلش بيه و هو بعثلها مساج كي زعف و قالها أنا درت كلشي عليا و صبرت معاك كلش و الوداع و مارانيش راجل اذا حوست عليك من يومها او هي تعاني حت البارح وين جات حكاتلي و الله غير احترت واش نقولها لأني ضد العلاقات غير شرعية و غاضني الشاب لانه كان يدير كلشي عل جالهاالبنيان تع الدار شاورها في كلش كانو بانيين حياتهم و لكن قلتلها هذا قدر الله لازم تقبلي قالتلي أنا راضية و لكن ضميرنا يؤنبها عل هذاك الشاب و قالتلي حبيت برك نطلب منه السماح عل واش دارت فيه و مدة عام و نصف مزالت مانساتوش و قاتلي انه بعد ما افترقا حوالي سبعة اشهر عيطلها من رقم العمل دياله و لكنها قطعت و لم تكلمه وزادت قابحاته بالمساج و قاتله هذا الرقم واش راهو يدير عندي و لكنه ماجاوبهاش و راهي مقلقة و خافت اذا كاش مايكون صراله عل جالها و سألتني اذا تتكلم معاه لانها عندها بريده الالكتروني أنا صراحة قلتلها انسايه و عيشي حياتك كانه غير موجود و استناي مكتوبك الي يجي لدار والديك خير من واحد يقعد يقولك (نشوف الوالي او شوفي باباك يشوفلك واحد مرفه و قالها بالأكي تزيدي تحوسي عليا) و الله ماعرفت واش نقولها تدير لانها قالتلي حت وتطلب منه السماح ماشي باش تعاود تولي ليه بالصح باش يرتاح ضميرنا في رايكم انتم واش تديرارجوكم اعطوني رايكم بصراحة ؟؟؟الله يهديها و يصلح بالها هذا واش نقول و زعمة واش كان كامل دائر عليها و في الاخير يقولها بالاكي تحوسي عليا ماعرفتش واش نقولها لانها حت هي بنت عاقلة و مربية للأسف مرت بتجربة مرة كيما هادي و ماوقفتش معاها.....محتاجة رايكم *

[أسية24]

أختي من الأحسن أن لا تتصل به ولاداعي ان تعتذر منه لأنها ستفتح باب العلاقة من جديد وربما يطمع ويعيد بناء أحلام هي متأكدة أن والديها لا يقبلان بتحقيقها واريد ان اقول لها أن الحب ليس وحده كافيا للزواج وكما يقولون الحب أعمى والحب عذاب ولا ينبغي أن تقنع نفسها انها لا يمكن أن تسعد إلا معه أو لا يمكن أن تحب غيره هذا غير صحيح أختي الدنيا ما توقف حتى عند واحد هو راهو عايش حياتو وأنتي تعذبي في روحك والحب يجي بعد الزواج وقبل الزواج إعجاب فقط قوليلها تزوجي وشوفي حياتك الوقت راهو يمشي لازم نمشو معاه وقلبك خليه غير لحبيبك زوج المستقبل

[nano H]

المشاركة الأصلية كتبت بواسطة أسية24

أختي من الأحسن أن لا تتصل به ولاداعي ان تعتذر منه لأنها ستفتح باب العلاقة من جديد وربما يطمع ويعيد بناء أحلام هي متأكدة أن والديها لا يقبلان بتحقيقها واريد ان اقول لها أن الحب ليس وحده كافيا للزواج وكما يقولون الحب أعمى والحب عذاب ولا ينبغي أن تقنع نفسها انها لا يمكن أن تسعد إلا معه أو لا يمكن أن تحب غيره هذا غير صحيح أختي الدنيا ما توقف حتى عند واحد هو راهو عايش حياتو وأنتي تعذبي في روحك والحب يجي بعد الزواج وقبل الزواج إعجاب فقط قوليلها تزوجي وشوفي حياتك الوقت راهو يمشي لازم نمشو معاه وقلبك خليه غير لحبيبك زوج المستقبل

السلام عليكم
من رأي متتصلش بيه كون تتصل بيه يزيد يديرأمل بلي ترجعلوا
مادام راضت واش قاتلها أمها خلاص تعيش حياتها وترضى واش
كتبلها ربي وزيد هو قالها متزديش تتصلي بيا.
من رأي ماكنتش تحبو وهذي هي غلطت لبنات يتمسخروا ومبعد
يديرو رواحهم ضميرهم أنبهم بعد 7 شهور تفكراتووننصحها وقلها
انسيه وانسي رقم تيليفون والبريد الاليكتروني. معذرة ان كان قسو
على ببنت عمتك للان ربي يهديهم هاد لبنات الوقت ميعرفوش صلاحهم.

[ياربي اني راضية]

ختي والله غير قصتها محزنة مسكينة هذي الطفلة وثاني الراجل لهاك ربي سبحانه حرم العلاقات واش نقلك بنت عمتك مليحة كي خبرت امها على العلاقة ومليحة كثر كي سمعت كلام امها بصح واش مسكينة ادير راهي صبرت ونظن نسات شوية وتزيد تصبر وربي اجبلها مكتوب مليح وزيد اذا عيطت واش راح ادير علبالي بلا حابة تعيط باه يعرف بلا مش هي السبة وانها مفرطتش فيه لوكان يماها موافقة تعيط بصح يماها ماهيش اموافقة راح تزيد تعبوا وتعب روحها هاك راها دارت الصواب وربي يجمع شملهم اذا كان مكتبهم لبعض

[ياربي اني راضية]

المشاركة الأصلية كتبت بواسطة nano h

السلام عليكم
من رأي متتصلش بيه كون تتصل بيه يزيد يديرأمل بلي ترجعلوا
مادام راضت واش قاتلها أمها خلاص تعيش حياتها وترضى واش
كتبلها ربي وزيد هو قالها متزديش تتصلي بيا.
من رأي ماكنتش تحبو وهذي هي غلطت لبنات يتمسخروا ومبعد
يديرو رواحهم ضميرهم أنبهم بعد 7 شهور تفكراتووننصحها وقلها
انسيه وانسي رقم تيليفون والبريد الاليكتروني. معذرة ان كان قسو
على ببنت عمتك للان ربي يهديهم هاد لبنات الوقت ميعرفوش صلاحهم.

علاه اختي تسيئي الظن بالطفلة مسكينة باين بلا حبتوا والله غالب متقدرش تخاصم امها على جالوا وضميرها مئنبهاش بعد 7 شهور كماتقولي نظن من لي قاتلوا و هي في هذي الحالة و هذا وين قدرت تحكي لبنت خالها وربي يهدي لبنات ويعرفوا اصلاحوا ويحبسوا هذي العلاقات المحرمة

[sarl02]

انا راه غايضني غير الجان هذا مسكين الي راح فيكتيم.....

[nano H]

المشاركة الأصلية كتبت بواسطة ياربي اني راضية

علاه اختي تسيئي الظن بالطفلة مسكينة باين بلا حبتوا والله غالب متقدرش تخاصم امها على جالوا وضميرها مئنبهاش بعد 7 شهور كماتقولي نظن من لي قاتلوا و هي في هذي الحالة و هذا وين قدرت تحكي لبنت خالها وربي يهدي لبنات ويعرفوا اصلاحوا ويحبسوا هذي العلاقات المحرمة

السلام عليكم
أنا مسئتش الظن بالطفلة ونهنيها كي معصاتش أمها بصح في رأي
غلطت من المرة الأولى مش بعد 7 شهور يأنبها ضميرها وخايفة
عليه لا دار حاجة في روحو وأنا راني قاصدة نسكون قاسية باش
الاخت تقول بنت عمتها متزيدش تتصل بيه. صدقيني كانوا المكتوب معاه ربي يكتبهولها .

[المارد الجنوبي]

علاه حتى وصلت روحها لهاد الحالة كان من اول العلاقة تصارحو بالحقيقة هكدا يقطع الطريق مي بقات 3سنين معاه ومبعد تكدب عليه وتقولو بلي راهم خطبوني
نضن الصراحة كانت غايبة في العلاقة .
على حساب راي حتى وطلبت منه السماح ماراحش يسمحلها
ربي يجيب الخير

[شذا الربيع]

برأيي أختي الكريمة أن تتصل به وتريح ضميرها فقد يصحو ضميرنا بعد سنوات لنتذكر اناس كنا قد ظلمناهم أو أخطأنا بحقهم ربما من كلمة تقال على مسامعنا أو موقف نراه أمام اعيننا يجعلنا ندرك ما غفلنا عنه
أيضا حتى يعلم هو السبب الحقيقي الذي جعلها تبتعد عنه وتنهي علاقتها به وهذا من حقه مثلما هو من حقها لو كانت هي محله
أيضا من رأيي تعطيه فرصة أن يتقدم إلى أهلها وإذا رفضوا تحاول إقناعهم بالحسنى فأسباب الرفض غير منطقية في ديننا الحنيف
ربي يقدر الخير

[imene english]

المشاركة الأصلية كتبت بواسطة أسية24

أختي من الأحسن أن لا تتصل به ولاداعي ان تعتذر منه لأنها ستفتح باب العلاقة من جديد وربما يطمع ويعيد بناء أحلام هي متأكدة أن والديها لا يقبلان بتحقيقها واريد ان اقول لها أن الحب ليس وحده كافيا للزواج وكما يقولون الحب أعمى والحب عذاب ولا ينبغي أن تقنع نفسها انها لا يمكن أن تسعد إلا معه أو لا يمكن أن تحب غيره هذا غير صحيح أختي الدنيا ما توقف حتى عند واحد هو راهو عايش حياتو وأنتي تعذبي في روحك والحب يجي بعد الزواج وقبل الزواج إعجاب فقط قوليلها تزوجي وشوفي حياتك الوقت راهو يمشي لازم نمشو معاه وقلبك خليه غير لحبيبك زوج المستقبل

شكرًا اختي آسية حت هي ماحبتش باش تولي العلاقة و لكن باش تطلب منه السماح عل واش دارت فيه و هي مرت بظروف قاسية و مزالت تتألم و كرهت الزواج كلنا نقولها علاه يجو يخطبو و ترفضي بلا ماتفكري تقولي هكذاك و الان كي عرفت قصتها عجزت عن وجود الحل و كيفاش راح تنساه لانها تحكي و تبكي و حت أنا بكيت معاها و الله قصتها مرة و الشاب يغيض بزاف

[salahsocio]

شفتو علاه هاد العلاقات محرمين ...مش غير هاك ممكن تحدث أكثر من هاك .لأنو تعدي على حدود الله .العلاقات هادي حرام

[imene english]

المشاركة الأصلية كتبت بواسطة nano h

السلام عليكم
من رأي متتصلش بيه كون تتصل بيه يزيد يديرأمل بلي ترجعلوا
مادام راضت واش قاتلها أمها خلاص تعيش حياتها وترضى واش
كتبلها ربي وزيد هو قالها متزديش تتصلي بيا.
من رأي ماكنتش تحبو وهذي هي غلطت لبنات يتمسخروا ومبعد
يديرو رواحهم ضميرهم أنبهم بعد 7 شهور تفكراتووننصحها وقلها
انسيه وانسي رقم تيليفون والبريد الاليكتروني. معذرة ان كان قسو
على ببنت عمتك للان ربي يهديهم هاد لبنات الوقت ميعرفوش صلاحهم.

شكرًا اختي راهي كيما هي كيما كامل البنات مكاش الي مايغلطش و لكن هي كل شي دارتو كان من خوفها عليه و حبت تقطعلو الأمل باش تريحه و لكن هي ماريحتش للان خافت تكون ظلماته راني دائماً نعيطلها في التلفون و نسقسي عليها و لات كي الوردة المذبالة

[imene english]

المشاركة الأصلية كتبت بواسطة sarl02

انا راه غايضني غير الجان هذا مسكين الي راح فيكتيم.....

إيه صح و لوكان راح خطبها من الباب احسن هو يغيض لانه دار كل شي عل جالها حكالها أسراره و كان يقولها انتي هي حياتي و انتي الأمل الوحيد تاعي باش يتزوجها و كان يخاف عليها بزاف عل حساب واش حكاتلي هي غلطت و هو غلط و خ
حلفلها الي مايسمحلهاش بالصح عند ربي هي حبت ترضي والديها و هذا ابتلا من الله و نزيد نوقف معاها حت تنساه

[nano H]

المشاركة الأصلية كتبت بواسطة imene english

شكرًا اختي آسية حت هي ماحبتش باش تولي العلاقة و لكن باش تطلب منه السماح عل واش دارت فيه و هي مرت بظروف قاسية و مزالت تتألم و كرهت الزواج كلنا نقولها علاه يجو يخطبو و ترفضي بلا ماتفكري تقولي هكذاك و الان كي عرفت قصتها عجزت عن وجود الحل و كيفاش راح تنساه لانها تحكي و تبكي و حت أنا بكيت معاها و الله قصتها مرة و الشاب يغيض بزاف

وأنا على جال هكذا قتلك غلطت من البداية .
كون تفاهمت معاه مدام حابين بعضاهم وقالتلوا نحاولوا نقنع والديا
وهي كون دارت المستحيل على جال الشاب الي تحبو
الي يحب شخص يعمل المستحيل ولكن بتراضي بدون متخسر من
الطرفين . صدقوني هذه عن تجربة شخصية.

[imene english]

المشاركة الأصلية كتبت بواسطة nano h

وأنا على جال هكذا قتلك غلطت من البداية .
كون تفاهمت معاه مدام حابين بعضاهم وقالتلوا نحاولوا نقنع والديا
وهي كون دارت المستحيل على جال الشاب الي تحبو
الي يحب شخص يعمل المستحيل ولكن بتراضي بدون متخسر من
الطرفين . صدقوني هذه عن تجربة شخصية.

قالتلي انها هي ثاني دارت المستحيل و تشجعت وخبرت عمتي يعني أمها و كي رفضت قالتله تقنعهم و هو. كان ديما يطلب منها باش تعاونو يقولها انتي برك قولي إيه. بالصح الخوف يغضبو عايها والديها دارلها هكذا بعدت عليه