الوظيفة = رسوم متحركة نقاش

[kamel1]

بسم الله الرحمن الرحيم
والصلاة والسلام على رسوله الكريم
وبعد

أريد فتح نقاش عام يدور موضوعه عن سياسة التشغيل في بلاد الميكي نتاعنا

أصبح المواطن الجزائري يشعر بالغربة في بلادو ويحس بالوحدة في عيلتو لكبيرة الي هي بلادو


سبحان الله في بلاد البترول ويوجد عشرات الآلاف من البطالين ثم يأتي مسعول ويقول بلي عندنا أقل من 10 بالمية بطالة
تروح تحوس على خدمة يقولك لاكارت جون كي جيبهالو يقولك ..الخبرة نتاع 5 سنين
منين يارحم والديكم رايح جيب 5 سنين خبرة منين ..
في القانون الآن قالك ماعليهش بالسورسي = بصح كي واحد عندو سورسي ويروح يحوس على وظيفة يقولو أستنى شوي
شوي هاذي قداه = يطيشك شهر شهرين ولا يقولك أرواح في جانفي ونشوفو
واش يشوفو حتان يخلاص السورسي يقولك آآآآه لوكان جا عندك سورسي ذرك تخدم -- الله لايربحهم --

[kamel1]

يريدون منا أن ننام أو نشنق أنفسنا
أنا خلاص يأست من حال هاذ البلاد
عمرها ما تستقيم كرهت
كان واحد من الي نعرفهم دايما يقول أنا نسكن هنا بصح vive إيطاليا يقول أنا طلياني
يمعني بلي الجزاير تبرات منو إذن هو تاني لازم يتبرا منها
يقول مانيش جزايري على خاطر ماعنديش حقي في هاذ البلاد
ماعطاتني والو
أنا عندي شبابي قادر نفنيه عليها ولكن هي الي مابغات

وفي اللخر لقيت بلي عندو الحق

حسبنا الله ونعم الوكيل

لوكان نتحدثو على مغامرات الي يبحثو على وظائف نقلبو الهدرة وتولي مسلسل مكسيكي كوميدي وفيه شر البلية ما يضحك
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

[مراد صالحي]

كلامك صحيح مئة بالمئة
ماراحش نقولك تفائل ولا ماتيأسش لاخاطرش راح نضحك عليك
بصح نقولك وكل عليهم ربي وقول ربي يفرج علينا وحاول مادامك شاب تسعى حتى تلقى الحل

[انور 06]

واش تحب يا اخي هذه هي لبلاد واش تحب ادير ما تفهم

[kamel rahma]

راك قلتها: حسبنا الله ونعم الوكيل

[*جوداء*]

يا اخي لايعطيك الله الا ما كتبه لك
لذلك لاتقنط من رحمة الله
ديرو في خاطرك
واعرف ان الله اذا اراد بك امرا سواء ذهبت لايطاليا ولا الماريكان
رايح تكون انت انت
ولا شي يتبدل
ربي معاك