طاجين البسباس بالزيتون

~~dahbiya~~ · 2011-10-12, 15:55

1كلغ بسباس +لحم او دجاج+بصلة +2سنات ثوم +ملح+2سنات ثوم+فلفل اكحل+مغرفة موطارد+ معدنوس +زيتون اخضر +حبة قارص +2مغارف زيت ومغرفة سمن

حطي اللحم في قدر حبة بصل رابي ثوم مرابي ملح فلفل اكحل موطارد نص مغرفة كسبر مرحي الزيت والسمن مرقي بنص كاس ماء لما يتقلاو زيدي 2كيسان ماء وقطعي البسباس عل اربع واضيفيه الى القدر والزيتون شمخيه في الماء كل مرة بدلي الماء باه يحافض على اللون والذوق واضيفيه الى المرق نحي من الصوص اربع ملاعق مرق وخلطيها و مع بيضة وخلطي واضيفيها الى المرق عند التقديم حطي البسباس الزيتون وصبي الصوص ومبعد المعدنوس من فوق واعصري عصير القارص وشهية طيبة بانتضار ردودكم

bassamat · 2011-10-12, 19:46

راه جا موسم البسبا س درك نجربها
شكرا

majda archi · 2011-10-12, 22:48

احنا نطيبوها بالزيتون كيما قلتي بالاضافة للكبار les câpres وبنينة وخفيفة تحسي بنة الملوحية نتاع الزيتون والحلاوة نتاع البسباس

حلم جميل · 2011-10-12, 23:15

ان شاء الله نجربها بطريقتك على خاطر حنا نديروها بلا زيتون .