نتمنى نتعاونو :) فالفيزياء

[الياس خلاف]

السلام عليكم اخوتي واخواتي الاحباء
اليوم بلا ديرونجمو تمنيت
من الي انجزو التمرين رقم 12 صفحة 199 من كتاب الفيزياء نتاع القوى والحركة يحطلي ولا يصورلي الحل نتاعهم باش نقارنو مع الحل الافتراضي نتاعي وفالاخير حاب نجيب نقطة مليحة خاطر اعتبراتو الاستاذة وظيفة منزلية وارجو الي عندو برنامج ولا شبه كذا ولا كتاب يحطلي الحل

وجزاكم الله الف خير
بالنسبة الي عندو الحل في الميكرو ومبغاش يتعب فقط يتبع مراحل تصوير صورة على الشاشة وهو الظغط في الكلافي على الزر Impr ecroan---syst الي جات فوق فوق فوق الازرار نتاع الالعاب .
وشكرا
واقدر لكم ذلك اخوتي الاعزاء

كملاحظة انا علمي

[الياس خلاف]

مكانش مساعدة ؟

[جلة نور]

اسفة انا ادبية

[CHOUCHOU1]

حنا مزال موصلناش رانا في 184 اسفة

[الياس خلاف]

لا داعي للاسف شكرا لمروركم

اين البقية ؟
تحياتي

[آوْتَآرُ الصَمْتـ]

آسـفــهـ خوويــآآ


كووــوونتــ متنمينــهـ نعــآونكــ لكــن للــآسفـــ

آلــآســتـآذهـ تــآوعنـــآ مــآ تفهمـ واالــو من اللي ندخـلوو و احنــآ نكتبووو

التمارين مــآ نديروووش كــآمـل

VrmnT Chui Trés DzL

[RIMA95]

السلامـ عليكم-----
مع الاسف لا استطيع المساعدة لانني وبكل بساطة مزال مقريناش الفيزياء ومشفناش الاستاذ كامل
ان شاء الله نتعاونوا في المستقبل

[الياس خلاف]

شكرااا لكم على مروركم الطيب تسلمو

[سيرين+]

بليز ممكن تساعدة في حل الاسئلة ص 184

[ريحآنة الوفآء]

اسمحلي خويا الياس حابة نعاونك بصح ما قدرتش لانو مازلنا ماوصلنالوش
وقتاه تحتاجو ممكن نقدر نعاونك غدوا
و اسمحلي مرة ثانية مالف تعاوني و كي احتججتني ما قدرتش نرجعلك الخير نتاعك اسمحلي

[RIMA95]

حلول كتاب الفيزياء المدرسي أولى ثانوي جذع مشترك علوم و تكنولوجيا ‏

[الياس خلاف]

شكرا جزيلا اختي ( التبسية ^_^) بالنسبة للتمرين نحتاجو غدا المساء فهو وظيفة ههه
وشكرا والف شكر لكي يا اختي ريمة ساتفحص بعد ان يتم التحميل ونرجعلك بالخبر
جزاكما الله خيرا
واختي نسرين والله ماني قاعد عندي تحضير ونكتب درس غبت فيه كان نتفرغ منهم بالخف نرجع لختي .
Merci

[الياس خلاف]

يا الله يا كريم زهري 0 هذا اليوم
في المجلة نتاع Pdf نتاع الفزياء يا اختي ريمة والله دارو تمرين 11 وصوطاو 12 دارو بلاستو 13 يعني مكانش التمرين ههههه
ولاكن اشكرك جزيل الشكر اختي الفاضلة .
تحياتي لكم

[RIMA95]

المشاركة الأصلية كتبت بواسطة الياس خلاف

يا الله يا كريم زهري 0 هذا اليوم
في المجلة نتاع pdf نتاع الفزياء يا اختي ريمة والله دارو تمرين 11 وصوطاو 12 دارو بلاستو 13 يعني مكانش التمرين ههههه
ولاكن اشكرك جزيل الشكر اختي الفاضلة .
تحياتي لكم

ok
خيرها في غيرها {رانا لي2 معندناش الزهر }----------------
-----------------------------------------------------------

[hadz47]

https://www.guezouri.org/

خويا شوف هذا
ممكن تصيب فيه بصح أنا
مزال مفهمتلوش
تحياتي إن شاء الله تفهملو