طلب من البنات الفحلات

[نصيرة أمي الحبيبة]

مساء الخير عليكم

لبنات شكون تعرف القاطو يجي تارت خشينة و هشة وتدهن بالمعجون ونسكرفجو باقي العجينة على و جه التارت ,,,,,,,,,,,,,,,,,,,,,,,,, شفتها عجبتنى بصح معلابليش كيفاش
الي تعرفو تفيدني بالطريقة
شكراااااااااااااااااااااااا مسبقا

[taza]

teqasdi maskotcho

[batoul2000]

سلااااااام...............هل تقصدين حلوة الطبقات بالمربى؟؟؟؟؟؟؟؟؟؟؟؟؟؟؟؟

[taza]

مدة التحضير 25 دقيقة
مدة الطهي 60 دقيقة
تكفي 6 أشخاص

المقادير:

• 80 غم دقيق
• 75 غم نشاء البطاطا
• 7 زلال بيض
• 110 غم زبدة
• 250 غم سكر
• سكر خشن
• ملح

للتقديم:

• 6 صفار بيض
• 1 لتر حليب
• 150 غم سكر
• عود فانيلا

طريقة التحضير:

1. نذيب 100 غم زبدة على نار هادئة ونخفق الزلال مع رشة ملح باستخدام خفاقة كهربائية لنحصل على كريمة منتفخة وجامدة.
2. نخلط 60 غم من الدقيق مع النشاء ونضيفهما على دفعات الى الزلال على ان تتساقط من خلال منخل مع التحريك بلطف باستخدام مشحاف.
3. نضيف السكر والزبدة المذابة على دفعات ثم ندهن قالب مستدير بقطر 20 سم بما تبقى من الزبدة ونرش الدقيق.
4. نسكب الخليط في القالب ونرش السكر الخشن ثم نخبز في الفرن الساخن عند درجة حرارة 200 مدة 45 دقيقةز
5. في تلك الأثناء نجهز الكريمة بخفق صفار البيض والسكر لنحصل على خليط فاتح ورغوي.
6. نسخن الحليب مع عود الفانيلا بعد شقه طوليا ثم نسكبه على دفعات على خليط صفار البيض ونحرك بملعقة خشبية.
7. نطهو الكريمة بطريقة التغطيس مدة 10 دقائق ةنقدمها باردة مع الكعكة.

[sofiane2075]

https://www.djelfa.info/vb/showthread.php?t=697960


اختي شوفي هاد الموضوع يمكن يفيدك بالتوفيق

[طالبة التقى]

السلام عليكم يااختي هذي الحلوة نديروها من بكري وهي سهلة جدا وتجي بينينة
المقادير وطريقة التحظير
4بيضات نخدمهم مليح مع كاس فايض تع االسكر حتى تولي كريمة نضيفلها كاس سكر +قشور القارص اوالبرتقال ونبدا نضيف الفرينة +2خمارة الحلوة وجي العجينة طرية جدا ونحلها في سنوة ونحي كمية صغيرة منها ونيبسها بالفرينة ونحط المعجون فوق العجينة ونسكرفج فوقها العجينة الي يبستها وندخلها الفرن وكي طيب مع اخرجها نكون وجدت سيرو وهو 2عصير برتقال +2مغارف سكر على الناريسخنوا ونسقي بهم العجينة وهذا اختياري لكن يزيد في بنتها وهذي ياختي طريقتي ناجحة ومجربتها مراروتكرار نتمنى نكون افدتك نريد دعوة فقط في الغيب

[rock on]

السلام عليكم واله انا نعرف قاطو قديم كانت امي الله يخليها تعملو في العيد هو مثل الكروكي بصح هي كانت تخليه جاري شويه باش يجي هشوش تضع كل العجينه في البلاطو لكبير من بعد تدهنو بالمعجون تكون جراتو بشويه ماء زهر ثم تأخذ شويه عجينه تكون خلاتها بالعانى وتزيدلها شويه كاكاو ولا شيكولا كيما تحبو حتى تنشف العجينه ثم تسكرفجها من فوق وتعطينا هداك البالطو انا و أختي نديوه للخباز ولما نجيبوه تقطعو مربعات انشاء الله هذا هو الي راكي تقصديه اختاه

[rock on]

السلام عليكم اختي طالبة التقى اضن انه هو القاطو اللي راهى تبحث عليه الاخت نصيره انشاء الله نكونو وفقنا في طلبها

[batoul2000]

يسلمووو اخواتي على الكيفياااااات...................

[نصيرة أمي الحبيبة]

شكرا على المجهود و على الوصفات
جزاكم الله خير

الوصفة قريبة من وصفة الاخت طالبة التفى بصح مافيهاش السيرو جي كيما عجينة الكروكي برم شوية طرية

المهم يعطيكم الصحة ة أجركم عند الله

[امال7]

أظن أنك تتكلمين على حلوى المعجون لقد وضعتها فى المنتدى و أدخلى فى مواضعى و ان شاء الله تجدينها