شيبتني لامورانغ في جاه ربي وروني؟؟؟؟

زهروان · 2011-08-22, 16:18

السلام عليكم
يا البنات اليوم عملت القاطو مول الشاش لي دارته ام كوثر بصح ماخرجتليش لامورانغ سييت كل الطروق بلا فايدة ...
وتاني كي نطلع بلون داف ونزيد سكر قلاس تهبط ماراني فاهمة والو
وربي يحفظكم

remadna · 2011-08-22, 16:50

لازم يكون الخلاط سريع باه تطلع لك

زهروان · 2011-08-22, 16:57

اقتباس:

المشاركة الأصلية كتبت بواسطة remadna

لازم يكون الخلاط سريع باه تطلع لك

ربي يحفظك اختي remadna بارك الله فيك وصح فطوووورك

أم هنيدة · 2011-08-22, 20:55

أختي نحن في البيت نعمل حلوة مول الشاش وسأعطيك مقادير وطريقة تحضير المورانغ وتصلح والحمد لله جربيها ان شاء الله لكن اتبعي جيدا المقادير وطريقة التحضير

مقادير المورانغ :

-2بياض البيض

-125غ سكرعادي

تحضير المورانغ :

في وعاء ضعي السكر مع بياض البيض وضعيه فوق حمام مائي و باستعمال الخلاط الكهربائي إخلطي بدون توقف حتى تحصلي على مورانغ من غير ما تنزعي الوعاء من الحمام المائي حتى يتكاثف الخليط ويثقال.

ام رنا · 2011-08-22, 21:21

لازم يكون البيض مجبود من التلاجة دقائق قبل وتضربي بسرعة عالية كي يطلع مليح مليح تبداي تحطي السكر كي يطلع في الاول مايديش السكر بزاف ويخرجلك مليح

~خيرات حِسان~ · 2011-08-22, 21:38

أختي ، اخلطي بياض البيض أولا و طلعيه مليح و ابداي تزيدي في السكر بالملعقة و بتأني ، دون أت تتوقفي من الخلط

bassamat · 2011-08-22, 21:57

هبطتلك لانك صبيتى السكر مرة وحدة
اختى ضربى ابيض البيض شوية مع قرصة ملح و كى رغوى شوية زيدى بالمغرف السكرشوية شوية مع الضرب المستمر
او طيبى سيرو و صبيه و انتى ضربى الميرانغ بلا ما تحبسى هذه الطريقة الايطالية

أسية24 · 2011-09-30, 08:48

فعلا اختي مثل ما قالت الأخت بسمات وخاصة الطريقة الإيطالية انا دائما نجربها وتخرجلي ثقيلة وما تسيحش لكن بشرط السيرو لازم يكون ثقيل وتصبيه عليها وهو سخون من فوق النار مباشرة وماتخافيش ما تخسرش لكن لازم تصبي وتضربي في نفس الوقت وما تنسايش رشة الملح إلي قاتلك عليها الأخت بسمات لانها مهمة وممكن تديري رشة سكر عادي

abdu3980 · 2011-09-30, 16:08

الاحسن ديري سكر قلاص ويكون عندك خلاط كهربائى وخلطي بسرعة

*أم كوثر* · 2011-09-30, 16:12

احتي زهروان المورانغ باي طريقة تطلع بسكر عادي او ارطب
و ادا ما طلعتش او بقات سايحة معنتها ان بياض البيض مش صافي يعني فيه و لو نقطة من الصفار و هكا عمرها ما تطلع

behzahra · 2011-09-30, 16:45

اختي تجربتي الخاصة في المورانغ انك لازم تحطيلو رشة ملح و صدقيني اكيد ينجحلك ان شاء الله
و تقبلوا مروري

sarsora777 · 2011-09-30, 21:20

اقتباس:

المشاركة الأصلية كتبت بواسطة زهروان

السلام عليكم
يا البنات اليوم عملت القاطو مول الشاش لي دارته ام كوثر بصح ماخرجتليش لامورانغ سييت كل الطروق بلا فايدة ...
وتاني كي نطلع بلون داف ونزيد سكر قلاس تهبط ماراني فاهمة والو
وربي يحفظكم

السلام عليكم اختي العزيزة الميرنغ ماتجيش بسكر قلاصي تجي بالسكر العادي ديري 2 بياض بيض مع قرصة ملح و طلعي en neige غير يطلع ابداي لوحي السكر غير بالشوي( نص كاس )
ملاحظة ما تلوحيش السكر على ضربة راهي طيح لوحي بالشوي وحركي في نفس الوقت بلا ما تحبسي التحراك وأي سؤال راني هنا.

ربي يعاونك

امال7 · 2011-10-01, 21:19

لا تضع السكر دفعة واحدة بل تدريجيا و من الاحسن أن تضعى السكر عادى و من بعد ترشيها بالسكر الرطب