انا حااااااااااااااااايرة

nina38 · 2011-09-05, 23:50

:حابة نعرف كيفاش نوزع وقتى بين مواد الحفظ والطوال وكيفاش نديرله باش ماننساش
ارجو من اصحاب المعدل 15 ما فوق يدبرو عليا وانا فى انتظار و شكرا

nina38 · 2011-09-08, 16:09

اين الردود!!!!!!!!!

sweet Giirl · 2011-09-10, 17:29

انا نقولك حاجة برك الباك راهو عام ماشي نهار ولي ميقراش من نهار لول راحت علييه

YOUCEFASO · 2011-09-11, 17:47

عنها الحق لي ما يبداش الحفظة من الفصل الاول رايح يندم بزاف

djihade · 2011-09-15, 18:18

انا بديت نحفظ من شهر فيفري وكل درس نحفظه راني دايما نكرره أما الحفاظة من اول الفصل أبدا ما ناسبتني لان اكيد راح تنسي لحفظتيه انا ننصحك تاني ابدي لحفاظة من شهر جانفي او فيفري حتى ماتنسي وبالنسبة لمواد الفهم الرياضيات والمحاسبة انا درستلهم دعم وكنت كل مرة ارجع من الدعم نعاود نكرر وش قريت ووش فتحنا من تمارينات في نفس اليوم حتى ماتتغبر كيما يوقل الشيخ تاعنا وربي ينجحك اختي ويوفقك وانا نحب نقلك ماتقلقيش روحك بزاف على الباك لانه شعبة التسيير نسبة النجاح فيها عالية وانا نجحت ب 13.21 والحمد لله .. وعقبالك انت تنجحي بأكثر مني

djihade · 2011-09-15, 18:30

اختي انا مثل ماقتلك الرياضيات والمحاسبة كنت كل مرة ارجع من الدعم نعيد نراجعهم ونفتح كل واجباتي لقدمها لينا استاذ الدعم بشرط نفس اليوم حتى ما انسى اي فكرة وبالنسبة للاقتصاد والقانون بديت نحفظ فيهم من شهر فيفري اي تجيك البداية شووي صعيبة بصح مبعد كي تبدي تحفظي تفرحي وتتحمسي اكثر وخاصة لما تتنافسي انت وصديقتك لبجنبك يعني كل اسبوع تحفظي درسين او 3 مثلا لكن بشرط حفاظة جدية لازم تحفظي كل عنصر وتعيدي تكرريه وبالنسبة للشريعه تصدقي اني راجعتها برك مراجعه لما كنت من غدوى راح عديها وجبت فيها 14 اي ساهلة مش صعيبة انت برك حاولي تفهمي الدروس مع استاذك بالقسم فقط والاجتماعيات كانت هي المشكل الاكبر عندي انا ماحفظتها كلها لانها يااسر يااسر دروسها وتواريخها وشخصياتها ومصطلحاتها اففففف منها ــ حفظت منها ياسر وبقو ياسر لكن المشكل اليوم لراح نعدي فيه الاجتماعيات طارت الكل من عقلي اتبخرت ومع الاسف جبت 8.00 فيها لكن انا كونتلها مؤونة من قبل عزمت اني نجيب نقاط مليحه وجيدة بالاقتصاد والقانون والشريعه حتى تغطيلي نسبة الضرر في الاجتماعيات ووو بالنسبة للغويات يعني انت وحسب فهمك ومقدورك ولاباس تاعك ... اختي ربي يسرها عليك ويبسطها وان شاء الله تكوني من الناجحين

azzedine_s1989 · 2011-09-26, 11:08

انا نقولك كل يوم 3 تمارين رياضيات و يويم بيوم 3 تمارين محاسبة اما بالنسبة للحفظ اقتصاد والقانون و اجتماعيات بمعدل درس كل يوم و باقي وزيعيه حسب الوقت و كا جمعة راحة و الله هو الموفق وللمزيد من المعلومات اتصلوا على الرقم 0778558794

يوسف1993 · 2011-09-27, 14:11

مواد الحفظ في الصباح الباكر ومواد الفهم المسماء
بالتوفيق