من بسمات للاختtakwa

bassamat · 2011-10-04, 12:33

تفورى الكسكسى عادى المتوسط و تحطى فى الكسكاس معاه اعواد القرنفل يعطيه مذاق هايل
من جهة اطلى الدجاجة نتاعك بالبصل ملح فلفل اكحل و قليها مع عود صغير من القرفة و واحدة نجمة الارض
و امرقى كى طيب نحى الجلدة و العضم و فتيها
وصفى الصوص
من جهة اخرى احكمى مقلة او كسرونة و اقلى اللوز و من بعد نحيه
فى باقى الزبدة حطى حفنتين من عين بقرة مرنخة و زيدى مغرفتين سكر و القليل من المرق باش طيب
نفس الشىء ديريه مع الزبيب
و احتفضى بكل حاجة وحدها
فى جفنة جيبى الكسكس واسقيه بالمرقة قيس ما يتشرب اقسميه على اثنين
فى صحن التقديم حطى الجزء اللول ثم فرشى الدجاج ثم الجزء الثانى من الكسكس لكن هذه المرة حاولى طلعيه مثل الجبل

و ارشقى اللوز خطوط خطوط وعلى حافة الصحن دورى الزبيب و عين البقرة
ان شاء الله تكون كل الاخوات استفادت واعطونى رايكم

ديريه راح يدعيلك اى و احد كلاه

سَلْسَبِيّلْ · 2011-10-05, 18:59

بسومةهذي وصفة دونجي انا عجوزتي تموت على الكسكس لكن بغير مرقتو ماضنيتش نخاف نجربها نحصل وان قليلة زهر ههههههههههه
شكرا على الوصفة لكن انا منحبش العين بقرة وتالي كون جربتها لانني احب المغامرت

bassamat · 2011-10-05, 21:44

لكن جربتى الخيز

سَلْسَبِيّلْ · 2011-10-06, 11:24

تحوسي على خبز البطبوط جربت الطريقة الالى والثانية لكن 2 والله مطلعلي وولادي عجبهم الاول نتاع الدقيق دروتو 3 خطرات

bassamat · 2011-10-06, 13:08

ان شاء اللله نحطلك التطبيق قدام عينك