من فضلكن اريد طريقة عمل البراج

zahra rimal · 2012-02-26, 16:58

مساء الخير اخواتي بمناسبة اقتراب الربيع اريد صنع البراج لكن عمري ما طيبتهم ارجو منكن المساعدة و إعطائي الكيفية و جزاكم الله خيرا

فرح العمر · 2012-02-26, 17:11

سلام اختى ديرى هاذى الطريقة وان شاء الله تنجحى
3 كيلات دقيق
1 كيلة سمن مدينة
لمى بالماء كيما المقروض
للحشو غرس مرحى
الطريقة
اقسمى العجين تاعك قرصات قرصى الاولى فوق المايدة ماتكونش رقيقة بزاف شويه شويه م قرصى الغرس فوق نيلون يكون خشين ثم اقلبيه فوق القرصة تاع العجين ثم قرصى القرصة الثانية تاع العجين فوق النيلون و حطيها فوق الغرس ثم اقسمى على شكل براج و حطى طاجين تاع الطين و فوقو طاجين تاع الحديد و حطى الحبات تاعك يطيبو الطريقة هذى تاع الطجين مراحش تدير الدخان و راح يطيبو روعة

بشرى2008 · 2012-02-26, 17:18

أنا ندير 3 كيلات دقيق + كيلة زبدة la belle ذايبة والباقي كيما ذكرت الاخت فرح العمر

zahra rimal · 2012-02-26, 17:39

شكرا جزيلا اخواتي ربي يجعلو في ميزان حسناتكم

janino · 2012-02-26, 17:40

اختى حنا البارح درناها و جات روعة كما فالو الاختين من قبل 3 كيلات دقيق كيلة سمن مدينة بسيها مليح و كى يتشرب الدقيق كامل ليدام حطى كمية من الملح و شمخى بالماء العادى و ضفى شوية ما الزهر اقسمى على زوج قرصى الاولى فوق طابلة و حطى كمية الغرس الى تكونى نقتيه و عجنتيه بسمن و قرفة و شوية كاربونات باش يجى طرى حطيه فى الوسط و غطى من فوق و قرصى و من الاحسن اختى طيبيها فى طاجين تاع حديد تجيك تذوب فى الفم و تطيب حمرا و اى سؤال تفضلى و موفقة اختى

ام عبد الباسط · 2012-02-26, 17:44

الطريقة كما ذكرت الاخوات فقط لا تنسى الملح طبعا للعجينة وقبل ما تلمى العجينة نحى منها شوية وهى مبسسة كى تقرص ضعى من الخليط اللى نحتيه من تحت ومن فوق العجينة كى طبيب حكيها فى السيار

mina3 · 2012-02-26, 18:58

نفس الطرق لي عطاوهملك الاخوات

liliane24 · 2012-02-28, 03:48

أختي هذي وصفة المبرجة للسيدة فاطمة بالتفصيل على هذا التسجيل:
https://herosh.com/download/10694394/0226100700.amr.html