مشكلة اخي

imene english · 2011-09-24, 15:06

السلام عليكم....اولا اسمحولي بزاف دخلت قسمكم الخاص حبيتكم تمدولي رايكم بصراحة فقط في وحد الموضوع المتعلق بأخي الوسط عمره 21سنة يقلقني أمره كثيرا لانه يسهر بزاف خارج البيت حت منتصف الليل او اكثر و والدي كبير و مريض كلما يهدر معاه يصراو مشاكل كبار عل هذيك رجع والدي كامل مايهدرش معاه عل السهرة و الصبح يصبح راقد و اذا نوضناه يقول علاه و اذا مانوضناهش يقول علاه واش نديرو معاه مايليقش بيه الحال و مايهدر مع حد في البيت غير كي يحب هو و راسو و كي تهدر معاه والدتي يقولها هذا وقتي نحب نخرج و نزغد ونسهر ماتسالونيش ووالدي يقولو راك تدور مع les voyeux مع العلم انه يشرب السجائر منذ عامين فهموني يا خاوتي هذا الولد واش راهو يدير في السهرة و دائماً مقلق باش يخرج و مغضب والديه و كي نهدر أنا معاه يولي عاقل تقولو هذا منه مانزيدش اعطوني حل كيفاش ندير معاه او خطة باش يبعد عل صحابه لانه والديا مايقدرولوش ووالدي مريض نخافو عليه نكرر أسفي الي دخلت بدون إذن لقسمكم الله يحفظكم*

ع.جمال · 2011-09-24, 23:10

السلام عليكم.

مادام يسمعلك فحاولي التقرب منه أكثر ودعوته إلى طاعة الوالدين والإبتعاد عن رفاق السوء وفي كل مرة حاولي تسميعه القرآن أي شغلي التلفاز عند وقت دخوله أو عند قرب موعد نهوضه من النوم على قنوات القرآن لعل الله يحدث أمرا كان مفعولا .
وأخيرأ أسأل الله أن يهدي أخاك ويفرج كربه وبارك الله فيك.

المتوكل محمد · 2011-09-24, 23:26

هذه مشكلة بعض الشباب اليوم وفي كل المجتمعات موجودة
ومادام الشاب يستجيب لكِ فهذا جيد
حاولي أن تتركي موضوع السهر حاليا واهتمي بالصلاة
يجب ان يصلي الخمس صلوات ويحافظ عليها
واذا نجحتم في ذلك تحاولون في موضوع الدخان بالتدريج
تمنعوه من التدخين في الدار تماما وكلما شميتم منه رائحة الدخان تتأففون
وتبدون كرهكم للرائحة منه وتحاولون بين كل وقت وآخر توضيح
خطر الدخان وضرره الصحي والاموال التي يصرفها فيه وهكذا
وياليت تكون لكِ معه نصف ساعة في وقت يكون هو غير مشغول بشيء
تتكلمين معه عن الدنيا واننا نموت ونتركها والآخرة ومافيها من جنة ونار
تتكلمين معه عن قدرة الله تعالى في مخلوقاته وشدته تعالى بمن عصاه
ورحمته بمن أطاعه وأرضاه وتحاولين تقوية الايمان بالله تعالى في نفسه
نصف ساعة كل يوم او يومين او ثلاث ايام لها مفعول كبير في هذه السن
وفقنا الله تعالى لكل خير

imene english · 2011-09-24, 23:42

اقتباس:

المشاركة الأصلية كتبت بواسطة ع.جمال

السلام عليكم.

مادام يسمعلك فحاولي التقرب منه أكثر ودعوته إلى طاعة الوالدين والإبتعاد عن رفاق السوء وفي كل مرة حاولي تسميعه القرآن أي شغلي التلفاز عند وقت دخوله أو عند قرب موعد نهوضه من النوم على قنوات القرآن لعل الله يحدث أمرا كان مفعولا .
وأخيرأ أسأل الله أن يهدي أخاك ويفرج كربه وبارك الله فيك.

الحمد لله رب العالمين جزاك الله خيرا اخي عل نصيحتك كلامك منطقي و مقنع و سأعمل بنصيحتك بإذن. الله

غصون الاسلام · 2011-09-25, 00:30

السلام عليكم اختي الفاضلة

اولا حبيت نقولك حاجه و انو لم تخطئي اذا دخلتي في هذا المنتدى الغالي فكم من مشكلة و وجدت لها حل في هذا المنتدى

و ثانيا فيما يخص مشكلة اخوك فهذا امر عادي بين شباب اليوم يعني قاع يحبو يسهروا و يحبوا يجربوا اشياء لم يجربوها من قبل

لكن المشكلة تبقى في من راه يسهر معاهم و واش راه يعمل معاهم

و يا اختي اذا صرخ عليه ابوه او امه هما صحيح عندهم الحق لكن هو مراهش حاس بهاداك الشي و يبانلوا راهم يتبلوا عليه و يحبوا يقيدوه

و بما انك اختي الكريمة انت تقدري تحكي معاه و يسمعلك حاولي تتقربي منو بدون ما تلوميه على اي شي يقوم بيه لانو بالنسبة ليه راهو يجرب و هذه حياتو

و اي نصيحة تعطيهالو تكون عكس ما يحب يا اما راه يقول بانو موافق و يقولك ربي يجيب الخير او يقعد يتهرب منك

يعني اهدري معاه حاولي تعرفي شكون هاذوا اللي راهم معاه و واش يعملوا مع بعض (و هذا طبعا لازم يكون عندك قوة كتمان الكلام اللي راح يقولهولك باش يدير فيك الامان و يقعد يحكيلك)

و اقعدي تبينيلوا اشياء لم يكن يعرفها عن الحياة و لا عن اصحابوا,,,,,,,,,سانديه

و الوالدين قوليلهم يدعولوا بالهداية,,,,,,,,,,,و اذا هدروا معاه خليهم يهدورا بالملاحة و يهدوا على كلام عام مش كلام يخصوا (يعني تاني اذا قعدوا كل ما يدخل يهدروا معاه على روحوا و يقعدوا يلومو فيه و يصرخوا عليه و يقولولوا كلام من غير بلاصتوا راح يهرب و يتفادى قاع يهدر معاكم) و هاد الشي يوصل الى التفكك الاسري و يقعد قاع ما يشوفهمش مثل والدين

راهو في سن حساسة ...........سن يبينلوا عقولوا فيه حوايج يحب يجربها

و من جهة اخرى اعملوا قوانين في البيت مثلا لازم يدخل على الساعة 11 ليلا .............و اذا لم ياتي في الوقت قبل اغلقوا الباب ......... صحيح راح يقعد يهددكم بانوا ما راحش يجي لكن اقعدوا ثابتين و خلوه مع راسه (هاد الفكرة جربناه مع خويا و نجحت)
الاكل في وقت العشاء لو كان ميجيش متخلولوش و يحب ياكل برا او في اي مكان يدبر راسه

يعني المغزى من هاد الكلام هو انكم تحسوه بالمسؤولية

و فيه طرق كثيرة

و اسمحيلي على الاطالة

و ربي يساعدك و يهديه و يهدينا قاع

بالتوفيييييييييييييييييييييييق

أسية24 · 2011-09-25, 09:03

اختي شريله هدية باش يحس بلي راكي تحبيه وتخمي فيه كعطر أو ساعة أو نظارات أو لباس وكذلك حبذا لو تشترين له مصحفا بعدها راح يسمعلك لانو هذا السن ما يحبوش يدو أوامر مباشرة وكذلك تكلمي معه عن أضرار التدخين وعن رغبتك في مساعدته للتخلص منه وإبحثي له عن دواء في الصيدليات للمساعدة على وقف التدخين وكذلك حاولي أن تبرمجي له أشياء في البيت ترغمه على العودة مبكرا مثلا ماذا يحب هو مثلا كتدريس إخوته الصغار أو برنامج معين يبث في وقت خروجه ويكون من هواة هذا النوع من البرامج وحاولي إشراكه في أعمال الخير مثلا اعطيه صدقة وقولي له ضعها في المسجد أو أعطيه كتب وملابس مستعملة وقولي له إذهب بها إلى جمعية أعطيه مصاحف يضعها في المسجد إن كان بمقدورك ذلك ولا تتحدثي عن أصحابه بسوء لانه يرى نفسه واحد منهم وذمهم يعني له الإساءة له هو أيضا

imene english · 2011-09-25, 09:50

اختي غصون الاسلام حبيت نشكرك بزاااااااف عل نصائحك كيما يقولو عقلك و كلامك يوزنو ذهب بارك الله فيك واسمحيلي خضيت كل هذا من وقتك ربي يجازيك انشاالله في أمان الله اختي

imene english · 2011-09-25, 10:10

شكرًا اختي اسية24 مديتيلي فكرة رائعة انشالله في اقرب وقت نجيبله الهدية و ندير كامل الأفكار الي مديتهملي و خاصة فكرة المصاحف للمسجد عندي بزاف و أنا حابة نديرها باش هو يديهم وانشالله ربي يهديه و يكون ولد صالح و. طائع. والديه و يكون معانا كامل المسلمين في جنات النعيم انشالله جزاكي الله خيرا اختي و لكل من رد عل رسالتي اشكرررررركم كثيرا

أسية24 · 2011-09-25, 10:16

اقتباس:

المشاركة الأصلية كتبت بواسطة imene english

شكرًا اختي اسية24 مديتيلي فكرة رائعة انشالله في اقرب وقت نجيبله الهدية و ندير كامل الأفكار الي مديتهملي و خاصة فكرة المصاحف للمسجد عندي بزاف و أنا حابة نديرها باش هو يديهم وانشالله ربي يهديه و يكون ولد صالح و. طائع. والديه و يكون معانا كامل المسلمين في جنات النعيم انشالله جزاكي الله خيرا اختي و لكل من رد عل رسالتي اشكرررررركم كثيرا

العفو حبيبتي هذا واجبي وانا متفهمة جدا لمشكلتك وربي يكون معاك