اعلان ورشة لتغليف علبة سمن المدينة

kiya · 2013-02-12, 08:49

اسعد الله صباحكم
بعد الطلبات الكثيرة من العظوات باش نديرولهم ورشة لعلبة سمن المدينة
رايحة نديرلكم شرح للطريقة لاني جد اسفة ماعنديش الوقت باش نخدم وحدة جديدة ونوريلكم الخطوات بصح نتمني انو الشر لي درتو يكون كافي
المهم رايحة نقلكم على المستلزمات باش توجدو رواحكم
لازمنا اكيد
*علبة سمن مدينة فارغة ونظيفة
*اشرطة ولا كيما نقولو حاسية ولا دبلة ولا سفيفة كل وحدة وش تسميها
المهم 2 رولو من الحاشية تاع 0.5 سم ابيض ولون اخر ونفضل اللون الاخر يكون لون فاتح باش تجي مليحة وباهية
ابرة كبيرة تدخل فيها الحاشية
ابرة صغيرة وخيط ابيض
بريكة باش نحرقو الحاشية باش ماتتسمسرش
والكاوية او الكواي ) (اداة الكي)

غربة أهل السنّة · 2013-02-12, 09:11

و عليكم السلام و رحمة الله و بركاته

بارك الله فيك أختي كيا ,,لطالما أعجبني تطبيقك في علبة السمن "ما شاء الله"
و أنا سعيدة جدا بهذه المبادرة منك لتعليم الاخوات ما يفيد

جزاك الله خيرا و اشكر لك عملك

kiya · 2013-02-12, 09:16

شكرا ليك عزيزتي
ولله هذا من دواعي سروسي اني نعلم الاخوات لطالما تعلمت منهم وهزيت بزاف حوايج من هذا المنتدي
على الاقل كي يشوفوها يتفكروني
ونكون حطيت بصمة في الحياة ولو كانت صغيرونة