ساعدة

amina95 · 2011-09-08, 10:24

السلام عليكم و رحمة الله تعالى و بركاته
لوكان تعرفو يا زملائي اني راني في حالة كرهت خلاص نحكيلكوم حنا عندنا في الحي ديالنا زوج ثانويات وحدة بععععععععيييدة و هي لي بعتوني ليها و يقولو عليها عيانا و لخرا قريبة و يقولو عليها مليحة المهم انا صيف قاع و انا نجري,حنا نسكنو في عمارة و عندنا 4 اساتذة و مراقب يسكنو معانا يخدمو في الثانوية القريبة رحت عندهم قاع باش يبدلولي قالولي مستحيل لازم ف لاكاديمي و لازملي معريفة صحيحة تما
الاب تاعي و الام تاعي ماعلابالهومش قاع بييا يعني مستحيل يجرو علييا بابا غير نروح لعندو يقولي روحي خطيني بعدا ماما يا حسراه اومبعد ابعثت خويا لكبير راح عند وليد المديرة تاع الثانوية القريبة و هو راهو غير يلهي فيه اكييد قاللها ليماه و ماحبتش و لي زاد غاضني جارتنا باباها بدللها فاسيلمو خطاش يعرف المديرة و انا ..... قاعدة نستنا كي البهلولة مسجلتش مامبا مفهمتش اذا نروح نهار الاحد ولا لالا
ربي يستركم طلعولي المورال يا لوكان بكذبة
سلام
اختكم في الله أمينة

نعمة القدوس · 2011-09-08, 10:33

والله مآآلقيت وآآش نقوللك أختي

غير أنك تقرآآي في البعييدة وخلاص، لأن صح التغيير لازم يكوون من لاكآآديمي

المدييرة هآآديك مآآعندها مااتدير إذا جآآها أمر من لاكآآديمي

لكآآن عندك معرييفة لتم، شوووفي بآآلاك يبدلووك

ولكآآن مآآكآآنشـــ، أخطييك

مآآتهبطييش من قييمتك بالجري من هذا لهذا، وأقرااي لاشتآآتــــ فالبعييدة، وبينييلهم باللي مهما الثانوية عياانة ولكن أنت رااكي تقرااي فيهآآ

آصلا، شكوون قالك رآآهي عياانة ؟؟

يآآخي كااينيين اللي رااهم قااعديين ينجحووا ؟؟

نتمنى نكوون أفدتكــــ

amina95 · 2011-09-08, 10:39

اقتباس:

المشاركة الأصلية كتبت بواسطة نعمة القدوس

والله مآآلقيت وآآش نقوللك أختي

غير أنك تقرآآي في البعييدة وخلاص، لأن صح التغيير لازم يكوون من لاكآآديمي

المدييرة هآآديك مآآعندها مااتدير إذا جآآها أمر من لاكآآديمي

لكآآن عندك معرييفة لتم، شوووفي بآآلاك يبدلووك

ولكآآن مآآكآآنشـــ، أخطييك

مآآتهبطييش من قييمتك بالجري من هذا لهذا، وأقرااي لاشتآآتــــ فالبعييدة، وبينييلهم باللي مهما الثانوية عياانة ولكن أنت رااكي تقرااي فيهآآ

آصلا، شكوون قالك رآآهي عياانة ؟؟

يآآخي كااينيين اللي رااهم قااعديين ينجحووا ؟؟

نتمنى نكوون أفدتكــــ

واقيل نتبع كلامك و خلاص لانو معقول... راح ناخذو بعين الاعتبار
صح عنك الحق انا مازال مجربتهاش باش نقول عليها عيانة و كاين لي راهم ينجحو فيها صح
على اية حال ربي يحفظك اختي نعمة على المساعدة لي قدمتيهالي
بوركت

نعمة القدوس · 2011-09-08, 10:42

اقتباس:

المشاركة الأصلية كتبت بواسطة amina95

العفووو أختي أميينة

ربي يوفقك إلى مآآييبه ويرضآآه

سماح 2 · 2011-09-08, 11:07

اقتباس:

المشاركة الأصلية كتبت بواسطة نعمة القدوس

والله مآآلقيت وآآش نقوللك أختي

غير أنك تقرآآي في البعييدة وخلاص، لأن صح التغيير لازم يكوون من لاكآآديمي

المدييرة هآآديك مآآعندها مااتدير إذا جآآها أمر من لاكآآديمي

لكآآن عندك معرييفة لتم، شوووفي بآآلاك يبدلووك

ولكآآن مآآكآآنشـــ، أخطييك

مآآتهبطييش من قييمتك بالجري من هذا لهذا، وأقرااي لاشتآآتــــ فالبعييدة، وبينييلهم باللي مهما الثانوية عياانة ولكن أنت رااكي تقرااي فيهآآ

آصلا، شكوون قالك رآآهي عياانة ؟؟

يآآخي كااينيين اللي رااهم قااعديين ينجحووا ؟؟

نتمنى نكوون أفدتكــــ

3ndek 7a9 rani m3ak

~عبد السلام~ · 2011-09-08, 11:17

انا رأيي متقعديش تجري و تطلبي من الناس ثم يردوك

اقبلي بالتحدي و روحي للبعيدة حتوى او لم تكن جيدة

لكنك ستنجحين فيها بـاذن لله لانكي ستثقين بنفسك و تعملين بجد

و في الاخير ستنجحين بلا مزية المديرة او الاكادمية او ...

اذا مفهمتي والو من كلامي ( تصرالي بزاف )

نقلك راني موافق نعمة على واش قالت

و خلاص ^^

amina95 · 2011-09-08, 11:32

اقتباس:

المشاركة الأصلية كتبت بواسطة jamil1996

انا رأيي متقعديش تجري و تطلبي من الناس ثم يردوك

اقبلي بالتحدي و روحي للبعيدة حتوى او لم تكن جيدة

لكنك ستنجحين فيها بـاذن لله لانكي ستثقين بنفسك و تعملين بجد

و في الاخير ستنجحين بلا مزية المديرة او الاكادمية او ...

اذا مفهمتي والو من كلامي ( تصرالي بزاف )

نقلك راني موافق نعمة على واش قالت

و خلاص ^^

شكرا جزيلا اخي و لكن دوك برك عيتلو ابن المديرة لاخي و قالو l'ordre جانا م لاكاديمي باش غير يليكيديه بزاف غاضتني عمري خاطاش بزاف لي بدلو نورمال و دوك فهمت بلي في بلادنا و الله لوكان متكونش عندك معريفة و الله متسواها والو
بوركت

amina95 · 2011-09-08, 20:25

اقتباس:

المشاركة الأصلية كتبت بواسطة sameh rezagui

3ndek 7a9 rani m3ak

شكرا على المرور

سهام-19 · 2011-09-08, 20:33

اولا اقول لك اختاه ربي يفرج عليك وربي يوفقك بأذن الله في مرحلتك الجديدة

واما بخصوص قضيتك راكي تعرفي الحال لي رانا فيه مجتمع تاعنا يخدم غير بالمعريفة لي معندوش معريفة يعوم بحرو وعلى والديك ربي يسامحهم لانو بزاف والدين كيما هكذا ونهار يوصلو النقاط يوليو على ابناء

المهم حكايتي ماشي هاذي راح نطلعلك مورال لكن ماشي بكذبة لانك اختي في الله مستحيل اني نخدعك ونكذب عليك نقولك انتي تفوقتي في شهادة ونجحتي مبروك عليك ثانيا الثانوية مهما تكون ماشي مليحة لكن بارادتك راح تكون جيدة لو حبيتي تقراي وتنجحي ديري مستقبل متخمميش بلي مراهيش نليحة انتي اجتهدي ولباقي على ربي سبحانو

شوفي لاخوتك لي راهم عايشيت في ريف يقطعو كيلوات باه يوصلو للقراية وواش من مؤسسات متتوفرش فيهم ابسط حوايج للدراسة لكن بالقلب الاجتهاد والارادة دائما يتفوقو ورانا نشوفو فيهم اغلبهم لي يجيبو معدلات ماشاء الله هم ابناء الريف انا بنت المدينة ليسي تاعي ماقبلني 1 دقيقة نكون ثما ولكن معدلي ليس جيدا 12 برك رغم انو كل وسائل تتوفر من دروس دعم انترنت كتب كل شيء ولهذا اقرأي في ثانوية بأذن راح ترفعي راسك وراس والديك ومتخمميش كامل

واحنا رانا اهنا نعاونو بعضانا في دراسة ماشاء الله اعضائنا وولاد بلادنا عندهم معدلات جد رائعة رب يزيديلهم ويوفقهم ونكون احنا منهم

راني طولت عليك بصح في الاخير راح تشوفي كلامي بلي صح مكذبتش عليك

تقبلي مروري

hadjer.ch · 2011-09-08, 21:13

ghlatti kimassejeltich ana teni beddelt bla maarifa w nos l5edma dertha w7di choufi rou7i l l'académie l 9ism eta3lim etanawi goulhoum ye3touk awra9 eta7wil mbe3d rou7i l lycée legdim y3emrouh w ycachiweh w mbe3da te9dri trou7i l ycée jdid lelmoudir ycachilek facilement ida 3ndou blayes f lycée
w hadek hwa temma choufi chwi me3rifa bech ycachilek
w 7ega ki tediha lte3 lycikoum legdim goulhoum yektboulek beli masselktich l'assurence bech tselkiha f lycée jdid medem marou7tich sejelti ...
w rabi y3ewnek

amina95 · 2011-09-08, 22:04

اقتباس:

المشاركة الأصلية كتبت بواسطة @lammmis@

اولا اقول لك اختاه ربي يفرج عليك وربي يوفقك بأذن الله في مرحلتك الجديدة

واما بخصوص قضيتك راكي تعرفي الحال لي رانا فيه مجتمع تاعنا يخدم غير بالمعريفة لي معندوش معريفة يعوم بحرو وعلى والديك ربي يسامحهم لانو بزاف والدين كيما هكذا ونهار يوصلو النقاط يوليو على ابناء

المهم حكايتي ماشي هاذي راح نطلعلك مورال لكن ماشي بكذبة لانك اختي في الله مستحيل اني نخدعك ونكذب عليك نقولك انتي تفوقتي في شهادة ونجحتي مبروك عليك ثانيا الثانوية مهما تكون ماشي مليحة لكن بارادتك راح تكون جيدة لو حبيتي تقراي وتنجحي ديري مستقبل متخمميش بلي مراهيش نليحة انتي اجتهدي ولباقي على ربي سبحانو

شوفي لاخوتك لي راهم عايشيت في ريف يقطعو كيلوات باه يوصلو للقراية وواش من مؤسسات متتوفرش فيهم ابسط حوايج للدراسة لكن بالقلب الاجتهاد والارادة دائما يتفوقو ورانا نشوفو فيهم اغلبهم لي يجيبو معدلات ماشاء الله هم ابناء الريف انا بنت المدينة ليسي تاعي ماقبلني 1 دقيقة نكون ثما ولكن معدلي ليس جيدا 12 برك رغم انو كل وسائل تتوفر من دروس دعم انترنت كتب كل شيء ولهذا اقرأي في ثانوية بأذن راح ترفعي راسك وراس والديك ومتخمميش كامل

واحنا رانا اهنا نعاونو بعضانا في دراسة ماشاء الله اعضائنا وولاد بلادنا عندهم معدلات جد رائعة رب يزيديلهم ويوفقهم ونكون احنا منهم

راني طولت عليك بصح في الاخير راح تشوفي كلامي بلي صح مكذبتش عليك

تقبلي مروري

اولا اشكرك على هذا الرد كله اختي و تخصيص كل هاذا الوقت لي
اشير الى شيء عندما قلت انو والدي ماعلابالهومش بيا يعني ماعلابالهومش بيا حتى ف النتائج الناس كي يعرفو بلي موالفا ندي 17 يفرحو و يقولولي ما شاء الله و هوما حاي كيف كيف عندي 4 اخوة و انا الصغيرة كلهم قراو و نجحو و اكييد كي انا الاخيرة لي كرهو خلاص
المهم عندك الحق اختي رح ناخذ كل مقتراتكم بعين الاعتبار ان شاء الله و اشكرك مرة اخرى على المساعدة و على المرور الطيب لك
بوركت

amina95 · 2011-09-09, 20:35

اقتباس:

المشاركة الأصلية كتبت بواسطة hadjer.ch

ghlatti kimassejeltich ana teni beddelt bla maarifa w nos l5edma dertha w7di choufi rou7i l l'académie l 9ism eta3lim etanawi goulhoum ye3touk awra9 eta7wil mbe3d rou7i l lycée legdim y3emrouh w ycachiweh w mbe3da te9dri trou7i l ycée jdid lelmoudir ycachilek facilement ida 3ndou blayes f lycée
w hadek hwa temma choufi chwi me3rifa bech ycachilek
w 7ega ki tediha lte3 lycikoum legdim goulhoum yektboulek beli masselktich l'assurence bech tselkiha f lycée jdid medem marou7tich sejelti ...
w rabi y3ewnek

salam
chofi kheti ntouma f batna je veux dire f les wilaya intik meme lkhadamin ta3 l'acadimie menkoum w ga3 gentil mais hna f alger bezef lhala mziyra machi kima ntouma nroh tema ybahdlouni wella ghir ida kanet 3andi ma3rifa shiha f l'acadimie
mais a part ca je peux rien faire
my god bless u chèrie merci bcp bcp pour votre aide

هبـــه · 2011-09-09, 20:57

والله ياختي ربي يعاونك ويصبرك بنفس الوقت
انتي حاولي باباك وماماك حاولي ماتستسلميش واذا صار ومبدلوكش اقراي في الي بعيدة وخلاص كاين ناس خرجو دوكا راهم اطباء اقراو في وحد ليسيات معندي منقلكش ما يسواوش المهم اختي موفقة

amina95 · 2011-09-09, 21:10

شكرا اختي على اضافة رأيك , اجتمعتو كلكم على ان ابقى في الثانوية البعيدة و سابقى فيها ان شاء الله
بوركت

bochra2011 · 2011-09-09, 21:24

وانا كذلك لن يختلف رايي عن اراء الاصدقاءء من الافضل ان تبقي في تلك الثانوية //اقصد البعيدة// وماتبقايش تجري من واحد للاخر لانو بعد اذنك فيه التنقيص من قيمتك اسمحيلي اختي بالصح انتي هاد الناس لي مابغتوش يساعدوك ولا ماقدروش انتي قادرة تقراي وديري ارادة وتبينيلهم شكون امينة وزيد بقدراتك تقدري ترفعي من مستوى هاديك المؤسسة ليراهم يقولو عليها عيانة ///كون تبعي الناس ماتفراش اكي عمبالك يزيدو بزااف في الكلام /// اسفة طولت في الكلام

اختي وكيما يقول المثا اطلب العلم ولو في الصين

والسلآلآلآلآم ختام اختك بشرى