اسمحولي ... بصح واعــرة ...

[sidou65]

لزواج هو نصف الدين، وهو الباعث للاستقرار في حال تواجد المفاهمة والمودة، وهو قبل كل ذلك اختيار، فالرضا في الزواج ليس شرطا بل الركن الأهم، وانعدامه لا يعني فساد الزواج بـــل بــطــلانـه كـلـيــــا.
بــاختصــار، شاب تعرف على فتاة وتعرفت عليه، وكلاهما تتوفر فيه المؤهلات الجيدة والحسنة للزواج وبناء أسرة، ...، عرض عليها الزواج فوافقت، وبالفعل تقدم لأهل الفتاة لطلبها للزواج حسب ما تمليه تعاليم الدين والأصول والعادات والتقاليد، لكنه قـــــوبـــــل بالــــرفــض، لا لسبب إلا لأنه ليس أمازيغيا "مش قبايلي"....مع العلم أن الفتاة أمازيغية "قبايلية"...-لا أقصد التمييز ولكن حتى تتضح الصورة-، في هذه الحالة ما هو ذنب هذا الشاب حتى يحرم ممن أرادها زوجة له؟؟ وما ذنب الفتاة أن تُحرم من الشخص الذي أرادته أن يكون شريك حياتها...
ما تقولوليش المكتوب .... ودخلوا شعبان في رمضان ... الله يخليكم...

[العائدة الى الله]

السلام عليكم

للأسف اخي هذا راجع للذهنيات المتتشرة في مجتمعاتنا وخاصة عند الكبار لازال الكثيرين عندهم نظام قبائلي وعروشي لكن انصحك ان لاتستلم اطلبها مرة واثنين وثلاثة وحاول ان تجد من يساعدك وحبذا لو يكن قبائلي حتى يساهم في اقناع العائلة
وعلي سبيل المثال اعرف عائلة قبائلية ابنتهم كانت على علاقة بشاب عربي ولما تقدم لخطبتها رفضوا لانه بطبيعة الحال ليس قبائلي مرت السنين والفتاة لم تتزوج ورجع نفس الشاب خطبها لثاني مرة وثالث مرة وفي الاخير رضوا بالامر الواقع وتزوجته وكان بعدما تجاوزت الثلاثين لكن لابأس المهم انها تزوجت من ارادته زوجا لها , لذا لا تيأس اخي
رزقك الله الزوجة الصالحة والذرية الصالحة

[sidou65]

عياوني ، جيت نروبوزي في منتديات الجلفة

[جسور المحبة]

واذا مكانش قبايلي وين راه المشكل في رايهم وعلاه السبب بالتحديد؟ ارجو الرد حتى نعرفو وجهة نظر الوالدين ونستفيد جميعنا

[sidou65]

السلام عليكم؛ الأخت جسور المحبة
لقد حاول هذا الشاب مرارا وتكرارا مع أهل الفتاة - والديها بالتحديد- لكن دون جدوى، قالوا أن العادة هي الانصياع لرأي الأجداد -للكبـــار- يعني الجدة أو الجد، صحيح أن طاعة الوالدين واجبة والإنصياع لأوامرهم واجب على الأبناء، لكــن الزواج يتطلب الرضا ولا يقبل تزويج البنات رغما عنهم، ...
تخيلي أختي الكريمة ، أن هذه البنت أو الفتاة سيتم تزويجها رغــما عنها وغصبا عن إرادتها ودون رضائها -أية حياة ستعيشها...؟؟؟-

[جسور المحبة]

والله ربي يكون معاها وكيما انا مشكلتي صح رفضوه لانو براني على مدينتي بصح جامي يرغموني بش نزوج بواحد مش حاباتو والله كون جيت كيفها ندير حرب تحرير ثانية صح طاعة الوالدين مافيهاش هدرة بصح مش لهذي الدرجة ومن المفروض تقولو ما رانيش حابة نزوج بيك ولا تبعث ليه ادا ما قدرتش تهدر معاه المهم تليكيديه باي طريقة هو ولا غيرو كيما راني انا ندير هههههههه

[عوماري]

ليس كل القبائل هكذا

[جسور المحبة]

علابالي مش كامل خاطرش كاين لي رانا مناسبينهم ومتزوجين عندنا

[samah2]

المشاركة الأصلية كتبت بواسطة sidou65

لزواج هو نصف الدين، وهو الباعث للاستقرار في حال تواجد المفاهمة والمودة، وهو قبل كل ذلك اختيار، فالرضا في الزواج ليس شرطا بل الركن الأهم، وانعدامه لا يعني فساد الزواج بـــل بــطــلانـه كـلـيــــا.
بــاختصــار، شاب تعرف على فتاة وتعرفت عليه، وكلاهما تتوفر فيه المؤهلات الجيدة والحسنة للزواج وبناء أسرة، ...، عرض عليها الزواج فوافقت، وبالفعل تقدم لأهل الفتاة لطلبها للزواج حسب ما تمليه تعاليم الدين والأصول والعادات والتقاليد، لكنه قـــــوبـــــل بالــــرفــض، لا لسبب إلا لأنه ليس أمازيغيا "مش قبايلي"....مع العلم أن الفتاة أمازيغية "قبايلية"...-لا أقصد التمييز ولكن حتى تتضح الصورة-، في هذه الحالة ما هو ذنب هذا الشاب حتى يحرم ممن أرادها زوجة له؟؟ وما ذنب الفتاة أن تُحرم من الشخص الذي أرادته أن يكون شريك حياتها...
ما تقولوليش المكتوب .... ودخلوا شعبان في رمضان ... الله يخليكم...

السلام عليكم
اخي الكريم منيش رايحة نقلك المكتوب
هذه عادات للاسف مهيش غير عند القبائل
كاين عباد نعرفهم الرجل من الجنوب وكيما
تعرفوا لون البشرى نتاعهم سمراء تقدم شخص
لخطبة الفتاة بعد حب من الطرفين فرفضوااهل
الفتاة بسبب لون بشرته ولكن لم ييأس وطلبها
ثانية وثالثة حتى قبل به ولكن بعد جهاد كبير
دام 8 سنوات معذرة على الايطالة اتمنى هذا
الشخص لا ييأس و يستمر مادامت الفتاة راضية
به .منيش عارفة وين راحين بهذ العادات .ربي
يهديهم .

[sidou65]

السلام عليكم؛
مشكورين على التفاعل ، وأعلم أن مثل هذه الأمور تحدث كثيرا، ومش غير عند القبايل، حتى كذلك عند بعض العروش، ولكن الأمر لا يقتصر عند عرش أو قبيلة أو ....، حالة مثل هذه راها تقضي على أحلام شخصين، أقل شيء أن هذين الشخصين تجمعهما ربما أحلام وطموحات...، حتى وإن استطاع كل منهما بعد تفريقهما أن يعيش كلا حياته بعيدا عن الآخر ومع شخص غير الذي أراده فممكن أن يحقق أكثر من الشيء الذي تمناه ولكن دائما يتساءل عمن كان برفقته في يوم من الأيام وبنى معه الأحلام التي دمرها أهلهما....
يا جماعة راها حياة كاملة ، ومن حق كل إنسان يختار مع من يعيشها.... هاذ الشيء كنا حاسبين غير في tv، حتى ولينا نعيشوه ....

[samah2]

المشاركة الأصلية كتبت بواسطة sidou65

السلام عليكم؛
مشكورين على التفاعل ، وأعلم أن مثل هذه الأمور تحدث كثيرا، ومش غير عند القبايل، حتى كذلك عند بعض العروش، ولكن الأمر لا يقتصر عند عرش أو قبيلة أو ....، حالة مثل هذه راها تقضي على أحلام شخصين، أقل شيء أن هذين الشخصين تجمعهما ربما أحلام وطموحات...، حتى وإن استطاع كل منهما بعد تفريقهما أن يعيش كلا حياته بعيدا عن الآخر ومع شخص غير الذي أراده فممكن أن يحقق أكثر من الشيء الذي تمناه ولكن دائما يتساءل عمن كان برفقته في يوم من الأيام وبنى معه الأحلام التي دمرها أهلهما....
يا جماعة راها حياة كاملة ، ومن حق كل إنسان يختار مع من يعيشها.... هاذ الشيء كنا حاسبين غير في tv، حتى ولينا نعيشوه ....

السلام
اخي الكريم انا من رأي ان اي من الطرفين ميضلمش روحو او الطرف الاخر ويرتبط بشخص مراهوش حابب يعيش معاه.
هذا من رأي وربي يسر حالو هذ الشاب والشابة
يجمع بيناتهم بالحلال كل من يقرأ يقول امين .

[جسور المحبة]

صح ساعات الاولياء يظلمو ابناءهم كي يحطموهم بتصرفات كيما هك و انا وحدة من الدين يعانون و اذا كش ما عندك راي او وجهة نظر فيدني بيها

[sidou65]

كي يزيد الإنسان يعلموه كيفاش يهدر ، وكي يكبر ويولّي يعرف يهدر على صوالحه، يقولوله --اسكت- حنا رانا عارفين
لما كل واحد فينا يعرف قيمة حياته ، تمّ نعرفو واش نديرو
الحيــاة ليست كمّ الأنفاس التي نأخذهــا ، بل الحياة هي اللحظات التي تأخــذ أنفاسنــا

[mimi mino]

(وجعلناكم شعوبا وقبائلا لتعارفوا ان اكرمكم عند الله اتقاكم)

الاية تشرح كل شيى

[sidou65]

صح الآية تشرح كل شيء، بصح عند الناس اللي تفهم