سأعاني من فقدان الذاكرة يوم الأحد

فريال المحتاجة عفو الله · 2011-09-09, 20:19

أنتظر يوم الدراسة بفارغ الصبر و أتمنى لو يكون غدا لكن هناك مشكلة أواجهها كل سنة هي تلك الامتحانات التقويمية التي أشعر و انا أجيب على أسئلتها أنني إما غبية ( حشاكم ) أو فاقدة للذاكرة ... لا أذكر شيئا و أواجه صعوبة كبيرة في الإجابة مع أنني و بكل تواضع من الممتازين

أعلم أنها ليست محسوبة و أعلم أنه ما كان علي أن أوليها كل هذا القدر من الانتباه لكن لا أود التشكيك في قدراتي من اليوم الاول خاصة أن الأساتذة يطرحون علينا أسئلة شبيهة بالامتحان الرسمي كم هذا مزعج !!!!!
ما رأيكم ؟

raoufit · 2011-09-09, 20:34

جاوبي على سؤال أو 2 اللولين
و الباقي ماتقرايهمش حتى يفوتو شوية ايامات و اجبديهم جاوبي عليهم
أحسن حل

ٵڶقًـ۾ًـږღٵڶڝۼےـړ · 2011-09-09, 20:36

لا تهتمي أختي ،، و لا تقلقي ،،

انما التقويم التشخيصي ،، فقط خطوة لتحفيز الطالب على تذكر ما درس من قبل

لست مجبورة ان تجيبي او ان تعرفي الاجابة ،، و انما هو شبيه بدرس حوصلي

مقدم على طريقة الامتحان الرسمي هه ه

و مكيش وحدك ،، انا تاني مشكيتش نقدر نجاوب 100 بالمئة

كل التوفيق

فريال المحتاجة عفو الله · 2011-09-09, 20:37

مع أن الأساتذة غالبا ما لا يصححون تلك الاختبارات أو الأسئلة التقويمية لكنني أنزعج حين ارى نفسي قد نسيت معظم المعلومات
صدقوني ندمت لأنني لم أراجع جيدا ( راجعت فقط مراجعة خفيفة خاصة في الرياضيات ) أما العلوم فيمكنكم القول أن الأاستاذة سيصاب بالذهول حين يرى إجابتي و ربما يصاب بصدمة قلبية المسكيييييييين ههههه
سلام

la belle sarah · 2011-09-09, 20:54

انا تاني كيفك صديقتي فريال والله راني خايفة من نهار لول
ان شاء الله يعدي مليح برك
مي ماشكيتش يخلعونا من نهار 1 !!!
ربي يستر ههههه

فريال المحتاجة عفو الله · 2011-09-09, 20:55

ههههه أنا مش غير النهار الأول قولي الساعة الأولى ... المهم راني حاسة روحي رايحة نجوز امتحان مش راح نعقب حصة التعارف ( أصلا لا توجد هذه السنة حصة تعارف نفس تلاميذ سنة 2 ثانوي و نفس الأساتذة لا تغيير يذكر )
المهم كيما قال الاخ نجاوب على سؤال أو 2 نبعد عليا العين زعما هههههههههه ( و انا يعلم ربي )

bita00 · 2011-09-09, 21:02

ماتخافوش العام طووويل ونقدرو نداركو فيه كلش ان شاء الله برك العزيمة تكون من بداية العااام وربي يوفكم اكل ان شاء الله

فريال المحتاجة عفو الله · 2011-09-09, 21:06

شكرا لكم على التشجيع إخوتي
أتمنى أن تمر السنة الدراسية كما نشاء و أفضل
كنت أنتظر يوم الدراسة و الآن أنتظر يوم النتائج اليوم الذي سيكون فيه الجميع سعيدا بإذن المولى عز و جل ( علي أن لا أستبق الأحداث و لكنه جو البكالوريا بدأ يؤثر علي فعلا )
يا الله كم أنتظر يوم الأحد !!!!! و صدقوني لا أجد راحتي إلا هنا لأن الأغلبية مثلي متشوقون حين أتحدث إلى أمي تقول : أووووووووه سأجن من الدراسة قبل أن تبدأ ... و كأنك تلميذة في الابتدائي و ... ههههه ( يبدو أنها لا تفهم معنى انتظار البااااااااااااااك )

faysel01 · 2011-09-09, 21:08

ادا كنت فاهم دروس العام الماضي كما يجب غيل تطل عليهم تبدا تتدكر بالشوية انت تحسب روحك انسيتهم مي بسرعة تتفكرهم و الله المستعان.

madoelodie · 2011-09-09, 21:15

تقويم واش هههه ؟ انا جامي حضرتلو بصح نحضر للتصحيح برك

raoufit · 2011-09-09, 22:06

اقتباس:

المشاركة الأصلية كتبت بواسطة فريال المحتاجة عفو الله

شكرا لكم على التشجيع إخوتي
أتمنى أن تمر السنة الدراسية كما نشاء و أفضل
كنت أنتظر يوم الدراسة و الآن أنتظر يوم النتائج اليوم الذي سيكون فيه الجميع سعيدا بإذن المولى عز و جل ( علي أن لا أستبق الأحداث و لكنه جو البكالوريا بدأ يؤثر علي فعلا )
يا الله كم أنتظر يوم الأحد !!!!! و صدقوني لا أجد راحتي إلا هنا لأن الأغلبية مثلي متشوقون حين أتحدث إلى أمي تقول : أووووووووه سأجن من الدراسة قبل أن تبدأ ... و كأنك تلميذة في الابتدائي و ... ههههه ( يبدو أنها لا تفهم معنى انتظار البااااااااااااااك )

يا أختي صدقيني لا يوجد من يحس بك و يهتم بأمرك أكثر من والدتك
فحتى إن لم تبين لك ذلك فتيقني بأنها تحس بك و هي مهتمة بأمر الباك أكثر منك
إذا كنت متشوقة للباك و الدراسة فهي متشوقة أكثر منك لرؤية ابنتها تنجح في هذا الإمتحان
وفقك الله أختاه و لا تنسي أن ترضي والديك قبل إرضاء نفسك

ورثان الجنان · 2011-09-09, 22:14

اختي ثيقي بالقدرات ديالك وإن شاء الله مايكون غير الخير
والله عام راائع وبيفيه يجوز
دك نهار الأحد ندخلو حتى نولو في جوان وتقولو البارح برك دخلنا نقراو
وتتمناو لوكان نهار الباك يطول شوية باش تحفظو وتراجعو أكثر وأكثر
يعني لازم التحضير من أول يوم
بالتوفييييييييييييييييق للجميع

ورثان الجنان · 2011-09-09, 22:18

آآآآآآآآآآآو راك مقلقين لهاذي الدرجة
ريحو اعصابكم ماراكم رايحين تستفادو والو دوكا
برك والفو رواحكم على تهدئة الأعصاب
مالا حالكم هاذي قبل ماتدخلو يعني وكي يلحق الباك كيفاش
ربي يعين وخلاص

la belle sarah · 2011-09-09, 22:44

اقتباس:

المشاركة الأصلية كتبت بواسطة med-18

آآآآآآآآآآآو راك مقلقين لهاذي الدرجة
ريحو اعصابكم ماراكم رايحين تستفادو والو دوكا
برك والفو رواحكم على تهدئة الأعصاب
مالا حالكم هاذي قبل ماتدخلو يعني وكي يلحق الباك كيفاش
ربي يعين وخلاص

يا اخي انا الحماااااس اللي بداخلي مانقدرش نوصفو وفي نفس الوقت
الضغط والتخوف
وكاني راح نعقب الباك غدوا

ورثان الجنان · 2011-09-09, 23:23

اقتباس:

المشاركة الأصلية كتبت بواسطة la belle sarah

يا اخي انا الحماااااس اللي بداخلي مانقدرش نوصفو وفي نفس الوقت
الضغط والتخوف
وكاني راح نعقب الباك غدوا

صدقيني والله مارايحين تستفادو والو دوكا
تطفروها غير في ارواحكم هذا مكااااااان
راني جوزت عام وعلابالي كيفاش راح يكون
وإن شاء الله مايكون إلا الخير هذا مكااااااااان
ماتتقلقوووووووووووش برك