الباك بين الزهر و القراية ؟؟؟؟

الامل بالله · 2011-09-17, 11:54

السلام عليكم

اخواني اردت ان اطرح هذا التساؤل

احيانا نسمعو بلي واحد ميقراش بصح ربح الباك

و احيانا نسمعو بواحد يقرا بصح مربحش الباك

هذا ما دفعني للتساؤل هل الباك زهر ولا قراية ؟؟؟؟؟؟

شاعت في مجتمعنا قضية الزهر هذا عندو ربح و هذا معندوش عليها مربحش فما رايكم انا رايي انو نص نص مشي متقراش و تربح و مشي تكون تقرا تجيب 15 و متربحش

الرجو التفاعل

تحياتي

و بالتوفيق للجمييييييييييييييع

أَمــُ ღـير المٌنتَـــღــدَى · 2011-09-17, 11:59

هههههههه ، واحد مايقراش للباك وينجح نادرااااااااااا ،
وواحد اجتهد ومانجحش مستحيل (لاه كي تزرع سنبلة في مكان نهار موسم الحصاد ماتلقاهاش !!!!)
فأعتبر هذه النظرية خاطئة إذا الزهر في الدلاع
تقبل مروري ، وربي ينجحنا كامل بتفوق إنشاء الله

Jàlil_22 · 2011-09-17, 12:59

أنت قري و توكلي علي ربي

listoma · 2011-09-17, 13:35

لا تكونـــــــــــــــــي عازمــــــــــــــــة على الزهــــــــــــــــــــــــــــــر ...
لالا أديها من عندي الزهــــــــر غير فالدلاع و الفقـــــــــــــوس .... و عاد ماكاش ... ههه...ه
أقراي و توكللي على ربي كيما قالت الاخــــــــت

عاشقة الحبيب طه · 2011-09-17, 13:55

اللي يقرى ينجح
بصح اللي عندوا الزهر يدي نقاطوا نتاع الصح

algerienzenda · 2011-09-17, 14:56

لا غير صحيح يوجد من لا يراجع لكنه يفهم و مع دروس خصوصية يربح الباك لكن بمعدل منخفض و هنالك من لديه رهاب الإمتحانات فيخاف من الباك و لكنه قليل جدا
ربي يوفقنا

رقية بن عبود · 2011-09-17, 15:01

ميش افار زهر انا راني مديتش الباك خاتر مله ماقريتش

hakim 17 · 2011-09-17, 15:01

السلام عليكم

ختي هذي تع الزهر ماكاش منها هذا برك الناس تظنو بلي ما قراش بصح هو يقرى من التحت للتحت

كيما انا العام ليفات جوزت الباك دارنا مكانوش حاطيني نجيبو وديت في الفصول 8 و 9 والفصل الثالث 7 مي كيما نقولو نزرب برك

مي في الدار كنت نقرى وندير ليكور ومبرونشي سواسوة

هذي هيا واللي قرى وماجابوش اما ما قراش مليح لعخاطش كاين شعب يخلعو وهوما والو سيرتو اللي تلقايهم يديرو ليكور في كلش من سبتمبر لعخاطش كاين صحابي صرالهم هكذا مي اللي يقرى سواسوة سور يجيبو سورتو الباك نتع هذو لعوام التوالى

asma1s · 2011-09-17, 15:08

شوفي نحي من بالك بلي الباك زهر ماكاش قاع منها, تلقاي ناس ماقراوش بزاف للباك وربحوه هذا ماشي معناه بلي تزهرتلهم, هذا معناه بلي فاهمين واش كانو يقراو عندهم الاساس لي جابو بيه الباك كاين ناس يفهموا في القسم ..انتي قراي طول العام وجربي دايما تفهمي لخطرش الفهامة دوم.. انا نقدر نقول بلي تلقاي الزهر في الفلسفة!! بصح حتى الفلسفة تتطلب تعب طول العام من خلال دراسة المنهجية .. دوكة الزهر بلا تعب ماكاش منوا..اتوكلي على ربي وقراي لان الباك تاع هذ العوام ماينخافش منو ..سهل للغاية .
حظ موفق للجميع ان شاء الله جيبو الباك

kwaydar · 2011-09-17, 15:12

الحظ يلعب دور كبير جدا في حياتنا

رقية بن عبود · 2011-09-17, 15:13

ان شاء الله بصح لازم لاباز من اول العام ميش عام كامل يتمسخر وعلي الاخر يحصر روحوا اخر كيما انا بصح انا قررة نقرى هاد العام من الاول والدرس اللي نكتبوا نحفضوا ونراجع ok كشما يخصكم اني هنا انا ادبية

Jàlil_22 · 2011-09-17, 15:31

إن شاء الله
أنا علمي

siba47 · 2011-09-17, 16:38

مساء الخير.
انا نقول بلي الباك قرايا اكثر منو زهر هداك مالسموش زهر اسمو توفيق من عند الله كاين لي يتوفق وكاين لي لالا.
وزيد كاين عوامل ثانية راهي دخلت ف السنوات الاخيرة وكلكم يعرفها الا وهي الغش يعني مكاش نزاهة كيما بكري انا هدا رايي. وشكرا وربي ينجح كل واحد اجتهد وتوكل على ربي

الامل بالله · 2011-09-17, 16:40

اقتباس:

المشاركة الأصلية كتبت بواسطة foufou34

هههههههه ، واحد مايقراش للباك وينجح نادرااااااااااا ،
وواحد اجتهد ومانجحش مستحيل (لاه كي تزرع سنبلة في مكان نهار موسم الحصاد ماتلقاهاش !!!!)
فأعتبر هذه النظرية خاطئة إذا الزهر في الدلاع
تقبل مروري ، وربي ينجحنا كامل بتفوق إنشاء الله

صح خويا هذا هو رايي اكيد نتقبل مرورك ربي يوفقك

الامل بالله · 2011-09-17, 16:41

اقتباس:

المشاركة الأصلية كتبت بواسطة jàlil_22

أنت قري و توكلي علي ربي

ايه صح يعطيك الصحة خويا جليل