حلويات عيد الفطر2011 من بيتي و حصريا

[douda21]

[/ATTACH]السلام عليكم اهنيكم جميعا بعيد الفطر الله يقبل منا الصيام و القيام و يعيدو علينا سنين طويلة بالهناء و الفرحة
اقد لكم صينيتي المتواضعة لحلويات العيد ان شاء الله تعجبكم و اي طلب عن وصفة انا في الخدمة
الصورة في المرفقات
بسم الله مشاء الله لا اله الا الله
1= سلطان المائدة اكيد المقرود
2=البقلاوة
3= المخبز مغلف بعجينة اللوز
4= دزيريات
5=قاطو البسكوية بحلوة الترك و يسمي les trufes
6=النقاش
7= المشوك
8=القطايف
9=لي اورسان les ourssin
10 =لي سابلي

تم تعديل الصورة اتمني ان تكون واضحة

[nadia1]

يهبلو اختي

[الصوامعية]

يبانو شابين للاسف الصورة صغيرة بزاف شكرا أختي و صح عيدك

[فاطمة أمينة]

هايلين بصح كبر الصورة باش نكلوا قاع

[remadna]

الله يبارك يعطيك الصحة
عيد مبارك
الصورة صغيرة جدا لو تقدري تعاودي تحطيها كبيرة

[maiar]

allah yberk
sha 3idek

[جمانة2008]

ma cha-allah, ya salam, yeslmoooooooooooo

[ام غيث]

[IMG]<script src='https://img14.imageshack.us/shareable/?i=dsc00038bmz.jpg&p=tl' type='text/javascript'></script><noscript></noscript>[/IMG]

[جيجلية]

شكرا اختي تاكلوهم بالصحة وصح عيدكم

اعطيني ليغوسات تاع هذا النوعين لو سمحتي

=قاطو البسكوية بحلوة الترك و يسمي les trufes
6=النقاش

[douda21]

المشاركة الأصلية كتبت بواسطة جيجلية

شكرا اختي تاكلوهم بالصحة وصح عيدكم

اعطيني ليغوسات تاع هذا النوعين لو سمحتي

=قاطو البسكوية بحلوة الترك و يسمي les trufes
6=النقاش

شكرا لمروركم العطر نورتم الصفحة بردودكم
بالنسبة لحلوة البسكويت بالحلوة الترك
اشهي حلوة و اسهلها علي الاطلاق في عشر دقاقئق سويتها و غلفتها و حطيتها في اوراق الحلوة

تحتاجي علبة بسكويت عادي سواء بسكويت كاسكروت او بيمو
علبة صغيرة حلوة الترك تاع 50غ
150 غ ربدة دائبة
عسل
ملعقة او اتنين كاكاو
جوز الهند للتزين
الطريقة
هرسي البسكويت ارحيه في ال mixeur
حتي يولي فتاة فقط
تفتفي معاه علبة حلوة الترك و خلطيهم جيدا حتا يتجانس الخليط اضيفي ملعقة الكاكاو ثم الزبدة بشوية ماشي دربة مرة بشوية حتي تحسي بلي ام تماسكو مع بعض وبعدها ابدي خلطي و فرغي بشوية لعسل حتي تحسي انك قادرة تعملي كريات
انا لم اضع كمية محددة للعسل لانو عينك هي ميزانك زيدي بشوي حتي الخليط تقدري تشكليه
اخيرا شكلي كريات و رمديهم في جوز الهند و حطيهم في اوراق التقديم
و بالصحة و الهناء
ملاحظة انا اظفت مقدار ملعفة فانيليا ساءلة للمزيج اعطتني نكهة مميزة مع انو الوصفة خالية من هده الاضافة انا احب ان اضع دائما لمستي الخاصة و جا ما يتشبعش صراحة و باجماع الكل و اكيد انو النكهة اضافتلو ميزة فريدة

[بسمة محبة]

ما شاء الله الله يبارك خرجو روعة يعطيك الصحة أختي

صحا عيكدم و كل عام و انتم بألف خير

سلام..

[hamous]

صح عيدكم ممكن طريقتك في تحضير عجينة اللوز لتغليف الحلويات ويعطيك الصحة

[douda21]

المشاركة الأصلية كتبت بواسطة hamous

صح عيدكم ممكن طريقتك في تحضير عجينة اللوز لتغليف الحلويات ويعطيك الصحة

شكرا لمروركم العطر انا شريتها اختي اي تتباع بصح دوك نجيبلك طريقة تحضير la pate d`amend

[أم ماريا الحلوة]

صح عيدكم
و ما شاء الله خرجو يهبلوا

[mimitaha]

عيدك مبارك اختي ويسلم يديك على الحلوة ممكن وصفة لو اورسان راني عييت ونا نحوس عليهم وعجبتني نتاعك بينا زوينة ربي يوفقك ويهنيك نشاء الله