سريعة و لا بطيئة و الله ما علابالي

[رفيق حليش]

السلام عليكم
اليوم راني حابة نفرغ واش كاين في قلبي
انا طول عمري وانا نشوف في العباد اللي ماشي نورمال العام هذا شفت واحد النوع جدا متطور في التعصب و الانطواء و التعسف و الاستبداد و الحقرة يعني مش معقول يعود الواحد بارد المشاعر لهذه الدرجة ولا شرير كيما هذا العبد الا اذا كان لاعبها برك
بصح علاه؟
الاستاذ نورمالمون يكون المثال الأعلى للتلاميذ أنا شايفة العكس
اليوم رانا نشوفو في أساتذة .........يعني غير قابلين للوصف
( حاشا البعض ) مارانيش نهدر على النقاط لإني بصراحة تجاوزت مرحلة التذمر على خاطر القضية كي توصل الأستاذ تعطيك زوج نقاط على إجابة ما تستاهلش تحت العشرة راها مابقاتش حاجة تتقال
انا نهدر على العقلية وين راهي العقلية اللي لازم تعود عند الاستاذ اللي بيها يقدر يكسب تلاميذو و يديرهم كيما ولادو
وين راهي المعاملة ؟؟؟ انا من جيهتي ما نقدرش نكذب الاستاذ اللي ما يقدرش يقنعني بلي راني غالطة ماشي استاذ
اما الإحترام؟؟؟ هاذي بلا مزيتي الاستاذ على العين و الراس بصح كي يعود استاذ صح
هاذا واش حبيت نقول و هذا رأيي
اما بالنسبة للعنوان ........ شيء خاص
شكون اللي حالتو كيما انا ؟؟؟