السلام عليكم اختي
هو ممكن راكي تغصبيها قبل ما تطيب مليح وتعسليها
وممكن العسل لي ديريه ماش عاقد مليح اذا كنت انت لي تخدميه
يعني ديريه مثل الشاربات لي نسقو بيهم المشوشة
هي على الاقل اذا كانت سنيوة تاعك كبيرة تاخد ساعة في الفرن على نار هادئة
وكي طيب تتحمر من التحت ورايحة تعرفي ذلك من جوانب الصينية لي تكون بدات تنفصل على العجينة
وبدات تحمار
بعدها حمريها من الفوق كي تاخد اللون الذهبي لي تحبيه انت عسليها لازم يكون العسل خاثر وماش سخون بزاف يعني دافي
خاطر اذا كانت البقلاوة سخونة والعسل سخون بلاك هذا السبب لي يخليها تتعجنلك
نصيحة استعملي لعسيلة لي تتباع في المحلات اذا كنت ما تعرفيش تخدميها وحدك في الدار
ان شاء الله نكون اجبتك على تساؤلك وما تنسايناش من دعائك
( تقرير عن مشاركة سيئة )، و الموجودة أسفل كل مشاركة .
2011-08-25, 16:13
العرض العادي
