مقرود المقلة رو لي مجرب ولذيذ للغاية

[نورانيات]

دائما في التحضير للعيد راني نقترح عليكم وصفة تاع مقرود المقلة هزيتو من وحد الموقع وجربتو غير البارح راه خرجلي هايل ويحمر الوجه درك نعطيلكم المقادير وطريقة التحضير:
العجينة: 500غ سميد+100غ فرينة+3م ك سمن المدينة+ 2م ك زيت +2 م ك سكر أحرش بلي بماء الزهر ولمي أيضا بالماء
الحشو: نقي الغرس وزيديلو القرفة والقرنفل وشوية زبدة أو زيت وقطرات من ماء الزهر وإذا حبيتي حطي المكسرات اللي عندك باش تزيدلو في البنة أكثر.
الطريقة : إخلطي مقادير العجينة على الترتيب السابق ثم حلي قطعة منها على المائدة المر شوشة بالفرينة وضعي الغرس عليها كيما نديرو للبراج من بعد أبداي رولي العجينة مع تسويتها باليد حتى ما تتحلش ثم عاودي ابرميها على المائدة باش يجي شكلها مليح.
قصي الأنبوب إلى حلقات ثم إقلي المقرود في الزيت الساخن وزينيه بالجلجلانية عند التقديم.

[mira27]

merçi pour la recette, mais y'a pas de photos

[nari21]

ختي ماشي السمن قليل شكرا

[narimane1991]

مشكورة ختي الله يمنيك واش حبيتي انا انشاء الله نجربو ونردلكم الخبر مع اني معنديش شك في الروعه نتعو مشكووووووووورة اختي الكريمة

[نورانيات]

لا السمن هداك هذيك هي الكيلة أنتاعو كون تزيدي أكتر يتفتتلك في الزيت كيما تقليه مالازمش يكون مبسس بزاف كيما مقرود الكوشة
تحيات لكل الأخوات على ردهن اللطيف.

[هديةالرحمان]

انا ندير 3كيلات سميد خشين وفي الكيلة الثالثة ندير نص فرينة ونص سميد
وكيلة سمن يجي هايل

[غنوة الجزائرية]

الله يعطيك الصحة غادي نجربه
صح فطوركم

[remadna]

يعطيك الصحة على الوصفة

[fatimazahra2011]

ி ιllιl █║▌│▌║║⊙△⊙█│║▌║║▌│▌ (( ^_^ ))