طلب حلويات الاعراس ،،جزاكم الله خيرا

[ikram.dz]

السلام عليكم و رحمة الله و بركاته

حياكم الله يا فحلات

ان شاء الله تكونوا بخير ،،

عندي طلب ليكم و نتمنى ما تردونيش :

عرس خويا قررب ( 04سبتمبر) و اني حايرة وش نديرو القاطو ..سيرتو تاع الحنة

إلي نقدموه مع القهوة و إلي يحني عليه من بعد في السهرة ..

و نحوس على الجديد و الطرق تكون مجربة و مضمونة ،،

هذا عرس خويا الاول و الوحيد و حابين نفرحوا بيه و نديرو حاجة مليحة

وجدنا تقريبا كلش و مازالنا نخموا في القاطو ،،

الور واش تقتارحوا عليا ؟؟


نتمنى من كل من يستطيع المساعدة ان يضع لي الوصفة و طريقة التحضير

و خاصة المتألقين في هذا المجال .. ربي يخليكم يا فحلات

و شكرا مسبقا لمن ساعدني ،، و ربي يفرحوا و يحفظوا و يرحم والديه

و العاقبة لكم و لاحباءكم في الافراح و المسرات

[النجمة المتميزة]

كي نقعد ان شاء الله نوريلك الصور تاع القاطو و حتى ليسرفات و الحلوى و كيفاش زيناهم حنا عكسكم بنت عمتي الكبيرة تزوجت و هذا اول عرس ديرو عمتي و حبينا كلش يكون بريزونتابل يعني احنا دينهم معانا لأهل العريس نهار داوها و الحمد لله جاز على خير

[ikram.dz]

المشاركة الأصلية كتبت بواسطة النجمة المتميزة

كي نقعد ان شاء الله نوريلك الصور تاع القاطو و حتى ليسرفات و الحلوى و كيفاش زيناهم حنا عكسكم بنت عمتي الكبيرة تزوجت و هذا اول عرس ديرو عمتي و حبينا كلش يكون بريزونتابل يعني احنا دينهم معانا لأهل العريس نهار داوها و الحمد لله جاز على خير

بارك الله فيك اختي

عيشك (سعدت بردك)

اوكي ،، و لكن عيشك ما طوليش عليا بويسك اني قتلك العرس ما عندو ما بقالو في 4 سبتمبر

و ربي يفرحك و يرحملك الوالدين

شكرا لك

[om malouka staifia]

مساء النور اخت ي العزيزية انا راني من المبتدئات في المجال ولكن حبيت انقولك كلش مبروك و ربي يهنيك و ربي يقدركم و متتحيريش كايننين الحرائر انشاء الله يعاونوك

[طيف السعادة]

السيقار + عين الجمل بعجينة واحدة
نحضر عجينة البقلاوة 4 كيلات فرينة + كيلة سمن ذايب + بيضة قرصة ملح ونعجن بماءالزهر + ملون ابيض نتاع الميزان
نلون جزء صغير من العجينة باي لون
نضع العجينة في كيس ونخليها ترتاح ليلة او نصف يوم
نحلل العجينة ونقطع مربعات نلف العجينة حول الاسطوانات الخاصة بالسيقار ونلصق الحافة بياض البيض

ونقطع وردات بالعجينة الملونة ونلصقهم ببياض البيض ثم حبات حلوى فضية والى الفرن ثم تعسل مرتين او ثلاثة واخيرا تحشى حسب الموجود انا حشيتها نسلى + كوكاو باقي عندي كمية
تحبوا تحشوها بالمربى + جوز الهنداو شكولا نوتيلا مع كوكاو
نضع شوية كوكاو على الجانبين

ومن نفس العجينة نشكل عين الجمل والطريقة واضحة بالصور
عقدة الكوكاو فيها 3كيلة كوكاو + كيلة سكر قلاسي + معطر الليمون معطر ..اللوز الحلو والمر وقشورالليمون وماء زهر

بعد مانشكلها تطهى وتعسل https://for
um.el-wlid.com/t463026.html
https://forum.el-wlid.com/t463026.htm...m/t463026.html
هذه بالنسبة لقاطو الحنة وسيقار في بلاست القريوش

[طيف السعادة]

هذا صابلي القهوة درناه فرس اختي

500غ زبدة زائد كاس سكر رطب وتخلطيهم الباتور ثم تزيدي 3صفار بيض زائد واحدة كاملة وتخلطي مليح بالباتور وفي اناء اخر تضعي فرينة زائد ملعقة صغيرة خميرة وفانيلا وتخلطيهم وتضيفيهم الى خليط الزيدة بالعقل حتى تتحصلي على عجينة طرية وتشكليها دوائر او زهرة احنا درنا دوائر وزيناهم بالشكلاطةوعلى الاطراف بالكاكاو او تضعي خطوط بيضاء بالجيب الحلواني او تستعمل السكر بدل الشكلاطة وتضعي فوقها زهر بيعجنة السكر

[جومانة09]

[جومانة09]

[جومانة09]

الصور منقولة مشي تاعي