نادمة ولا أدري ما الحل

رهام87 · 2011-08-04, 10:27

السلام عليكم ورحمة الله تعالى وبركاته
رمضانكم مبارك وتقبل الله منكم
....مشكلتي والله اخجل من طرحها ..لا اعلم من أين أبدءها فلقد تشتتت أفكاري وماعدت أدري ما العمل.......ربما البعض يقولولون لي هده ليست مشكلة ولكني أعتبرها غلطة كبيرة حقا فأنا فتاة مخطوبة لشخص والحمد لله متزن ومحترم وهو يحبني ويحترمني جدا كما أنا أيضا أكن له كل مشاعر الحب والإحترام وهدا ما جعلني أبعث له صورتي بغير حجابي وأنا الفتاة المتخلقة التي تستحي لا اعلم من أين أتتني الجرأة لفعل هذا ولكني الان نادمة جدا جدا لاني أغضبت الله فهو لازال لم يصبح زوجي شرعا لأنه ليس بيننا أي عقد ...أنا نادمة حقا وأستغفر ربي كل يوم وأدعي وخاصة في هذا الشهر العظيم ولكن ضميري يأنبني كثيرا فلم اعتد ان يرني احد أو اكون جريئة وأخاف أن يكون عني صورة خاطئة بعد أن عرفني بإلتزامي........يارب ساعدني واغفر لي
ارجوكم يا اخوتي ارشدوني لحل مناسب لأخبره بأني غير راضية عما فعلته
........
انتظر نصحكم وبارك الله فيكم

فاطمة الزهراء31 · 2011-08-04, 10:44

السلام عليكم
رمضان مبارك ويدخل عليك وعلينا بالصحة والهنا
ختي أنا مرانيش نشوف فيها حاجة كبيرة غلطتي بصح خلاص تصويرة راها عنده تبانلي قوليلو يردهالك وعطيه واحدخرى بالحجاب واستغفري هكا باش ترتاحي
وربي يوفقك انتي وخطيبك ويسعدكم وتتهناو انشالله
صح فطورك غاليتي

رهام87 · 2011-08-04, 11:12

ربي يسترك اختي فاطمة الزهراء ولكني والله غير حشمانة نقولو رجعلي الصورة راني حابةنقولهاله بطريقة مناسبة وصحا فطروك اختي

فاطمة الزهراء31 · 2011-08-04, 15:13

أمين اختي
بلا مزيتنا نوقفوا مع بعضنا ونورمال كي تقوليلوا ردلي تصويرتي هدري معاه غير بالعقل قولي ردهالي ونعطيك واحدة خير منها المهم تعرفي كيفاش تهدري معاه وخلاص وعطيه واحدة بالحجاب وماتحسيش بالدنب مادرتيش غلطة كبيرة والغلط ثاني نعمة وكان مانغلطوش مانتعلموش صح فطورك وخمي في مستقبل تاعكم وربي يسعدكم ويعطيك على حساب نيتك

رهام87 · 2011-08-04, 17:52

امين اختي ربي يبارك فيك وان شاء الله نحاول نقولو .....

مريم قسنطينة · 2011-08-04, 18:02

عادي أختي تعاملي مع هذا الأمر برزانة يعني ما تكبريش الموضوع و اعرفي كيفاش تهدري معاه خاطر قادر هو ماش حاط في بالو حتى حاجة و أنتي بالتصرف تاعك تكبري الموضوع في راسو و تولهيه للأمر . هو بابلاك يشوف فيه تصرف عادي و انتي عطيتيهالو التصويرة بالنية الصافية ما عندك حتى هدف وراءها هذا ما كان استغفري الله و حولي تجيبي من عندو تصويرتك و خلاص قوليلو حابة نخرج عليها نسخة و نحطها في كادر في دارنا هذا ما كان ، و ربي يهنيكم و يكمل بيناتكم

عبدالرحيم75 · 2011-08-04, 19:34

يأختي تقدري تطلبيها من عندو بكل شفافية وموضوعية وحكمة وبلا شك أو ريب وما تخافيش يفهم منك حاجة اخرى ،قوليلو باغي نعطيك صورة أخرى جديدة تقبلها من عندي ولا لا ؟ بالطبع يقولك أعطيهالي ،قوليلو بشرط تردلي الاولى ،هذيك تبقى عندي ونعطيك الثانية بالحجاب ،لأن الاول من حقك تشوفها بالصح كي عاد راح تبقى عندك أحكم لي بالحجاب وردلي الأخرى وفقط بطريقة مهذبة جدا ،بشرط ان لا تفتحي معه هذا الموضوع كموضوع رئيسي ،بل في سياق الكلام وقوليلو راني تفكرت وأبداي في طرح ما قلتلك ،ونسمع عنك خير إن شاء الله ومادام نيتك صافية راح تلقاي غير الخير إن شاء الله وربي يكمل

رهام87 · 2011-08-05, 10:24

ربي يبارك فيكم يا اخت مريم والأخ عبد الرحيم ومننساش الاخت فاطمة الزهراء وينوركم ان شاء الله كيما نورتوني وريحتوني والله غير كنت نخمم فيها بزاف وربي يعلم بلي راكم لقيتولي حل مناسب ......ربي يقبل صيامكم وطاعاتكم

راجي الصّمدِ · 2011-08-05, 11:52

غفر الله لك يا أخت

علاه تحصلي روحك في حوايج كيما هاذو

كان على أخينا الكريم أن لا يقبل بتلك الصورة

إذا كان يريد أن يبدأ حياته على الوضوح والصراحة

لكن نعذروه ربما لا يعلم بالحكم الشرعي

أختي لا عليك أطلبي منه أن يرجعها لك بطريقة

لبقة وحسنة وهادئة وذكية

أخبريه أنّك تريدين أن تحتفظي بها لنفسك

وإن كان يكنّ لك مشاعر إحترام وتقدير فسيعيدها لك إن شاء الله تعالى

أسأل الله أن يجمع بينكما على الخير والطّاعة والإخلاص ...

رهام87 · 2011-08-05, 12:26

امين يارب العالمين.......بصح راني ندمت وربي شاهد وبإذن الله رايحا نصلح غلطتي
ادعولي بالهداية

* زهرة البنفسج * · 2011-08-05, 13:06

أختي ربي يهدي بالك لأن الشعور بالذنب و تأنيب الضمير يدمر الأعصاب

لكن عفا الله عما سلف "بإذن الله" أما عن الصورة فكما جادت به نصائح الإخوة

والأخوات بارك الله فيهم

أما أنه سيكون صورة خاطئة عنك فبإذن الله لن يفعل لأن الله أعلم بصدق نواياك

فقط استرجعي صورتك بطريقة لطيفة ٠ ولاتحملي نفسك المزيد من الندم