استفسار حول الدخول للدكتوراه 2012

[اسهاء]

السلام عليكم و رحمة الله و بركاته
لقد صدر اليوم 3 من جويلة فى جريدة النهار
افادة تقول انه فى السنة المقبلة سيتوجه الطلبة الناجحون فى الماستر مباشرة الى الدكتوراه
فهل سيلغون نظام المعدلات الذى كان يعتمد فى السنة الماضية
من له دراية بالامر فاليخبرنا
و جزاكم الله كل خير

[آلاء الله 89]

المشاركة الأصلية كتبت بواسطة اسهاء

السلام عليكم و رحمة الله و بركاته
لقد صدر اليوم 3 من جويلة فى جريدة النهار
افادة تقول انه فى السنة المقبلة سيتوجه الطلبة الناجحون فى الماستر مباشرة الى الدكتوراه
فهل سيلغون نظام المعدلات الذى كان يعتمد فى السنة الماضية
من له دراية بالامر فاليخبرنا
و جزاكم الله كل خير

على الأرجح أن الشروط تزداد تعقيدا كما أن عدد المناصب في الدكتوراه تقل عاما بعدعام
على عكس النظام القديم بمجرد الحصول على شهادة الماجستار فالتسجيل في الدكتوراه يكون أوتوماتيكيا
اللهم وفق الجميع

[thegoldenboy]

لا أعتقد ذلك
لا يمكن الدخول مباشرة للدكتوراه
لأن هناك فروع يقدر طلبة الماستر بها بالعشرات

[استاذ على نفسي]

المشاركة الأصلية كتبت بواسطة thegoldenboy

لا أعتقد ذلك
لا يمكن الدخول مباشرة للدكتوراه
لأن هناك فروع يقدر طلبة الماستر بها بالعشرات

مراكز جامعية فيها بالمئات في التخصص الواحد وحدثولا حرج

[أمينوو]

نتمنى ذلك يا رب

[roseikram]

merci 3la sujet puisque plus important , pour les conditions de doctorat reste bil classement et impossible passe le doctorat automatique

[أمينوو]

كلاسمو + أنتروتيان...........وبالتوفيق للجميع إن شاء الله

[مريم قسنطينة]

السلام ، أنا العام هذا تخرجت ماستر 2 و والله ما علابالي كيفاش رايحين يديرولنا على حسب أحد الأساتذة المسؤولين في بسكرة رايحة تكون بشروط ، ماش تلقائية ، ربي يوفقنا أجمعين

[أمينوو]

وانا كنت مهندس دولة خلصت 2010 وزدت درت ماستر 2 كبوابة للدكتراه ومنعرف كفاه يحسبولنا وما هي الشروط للإلتحاق بالدكتراه وعلى حساب كلام رئيس القسم يحسبولنا سنة 04+05+مذكرة مهندس دولة + مذكرة ماستر.........والله أعلم لانهم ماخلصو الإصلاحات عداك ياك من المفروض في نهاية شهر جوان تبان القوانين و المعابر من نظام إلى نظام ولحد الساعة كلش غامض.........من لذه خبر او معلومة مؤكدة و بالدليل و البرهان لا يبخل علينا.........وشكرا للجميع....

[مريم قسنطينة]

و الله يا أخي دوخونا معاهم أنا ما فهمت والو قالولي في بسكرة بلي بعتو الملف تاع الدكتوراه بالنسبة لتخصصي كيمياء إللى جامعة قسنطينة و من ثم إلى العاصمة و قد تم دراسته و بالتوازي دراسة الملفات الأخرى الخاصة بالتخصصات الأخرى و لكن القرار ما نعرف واش قالو فيه خاطر قالي أحد الأعضاء في المنتدى بلي راهم دارو الغجتماع و خلصو لكن واش قرروا ما نعرفوش حتى مبعد كيما العام الماضي في قسنطينة الطلبة تاع الدكتوراه ما عرفوش مصيرهم حتى ديسمبر يعني الطالب يبقى قلبو معلق إلى حين و أنا ما كنت فاهمة والو في هذه الدكتوراه سقسيت الأستاذ المسؤول في بسكرة قالي بلي الأساتذة المسؤولين على كل فرع هوما اللي يقترحو الشروط يعني في حدود ما تقبل به اللجنة في العاصمة و يبعتو الملف إلى الجزائر العاصمة و يتم دراسة الملف و عدد المناصب المقترح فتحها و شروط الغلتحاق بهذه المناصب و على كل حال احنا تاع الكيمياء قررنا نتضامنو مع بعضانا و نوقفو يد بيد من أجل عدم التهميش هذا ما عندي انشالله نكون أفدتك و فهمتني ، سلام

[مبروكة الصحراء]

الله يهديهم
أنا راني نشوف هاذوا 2 وزارات التربية و التعليم العالي راهم كيما "قادة حيا قادة مات" هذا مثل على عدم الاستقرار على حال
ولينا كل دفعة (ماشي كل جيل) تخضع لقوانين مغايرة كل واحد و واش يطبق عليه عندك كل عام و لا 6 اشهر يجي قرار و لا تعليمة تجري ههههههههه ماعادناش قاع قانون بيريمي كل عام نجددوا هههههههههههههه
حسبي ربي

[أمينوو]

غير ايبينوا برك قوانين و مراسيم التطابق و العبور بين النظامين الي وعدونا بيه قبل نهاية جوان

[wided23]

السلام عليكم
يا جماعة الدخول للتكتوراه مثل السنة الماضية حسب المعدلات و المسابقة الشفوية و لكن اعملوا مثلي انا سأبحث في أكثر من جامعة و أتصل بهم و حاليا آمل في جامعة بسكرة رغم أني لا أعرف المعدلات المتحصل عليها

[opto]

أعتقد بانه هدا العام...ستختلف الشروط عن السنة الماضية...ربما سيضاف امتحان كتابي..

[Amine3333]

المشاركة الأصلية كتبت بواسطة أمينوو

.من لذه خبر او معلومة مؤكدة و بالدليل و البرهان لا يبخل علينا.........وشكرا للجميع....

-1-

circulaire n°1 du 17 mai 2010 précise les critères d’accès au 3ème cycle LMD.

-2-
قرار رقم 618 مؤرخ في 28 أكتوبر 2010 يتضمن تأهيل التكوين في الطور الثالث من أجل الحصول على شهادة الدكتوراه ويحدد المناصب المفتوحة للسنة الجامعية 2010-2011

-3-

le décret n° 08-265(J.O. n° 48 du 24-08-2008) et notament son chapitre III.

-4-
l’arrêté n° 250 du 28-07-2009 fixant l’organisation de la formation du 3ième cycle en vue de l’obtention du diplôme de doctorat.